2 Bami 7
7
Ba-Aramu mbubakazundwa, anzala mbuyakamana
1 #
Kul 8:23; Jos 3:5; Int 46:1 Lino Elisha wakati, Amuswiilile ijwi lya-Jehova, Mbuboobu mbwaamba Jehova. Junza mbuli eno cisuwo cabusu butuba ciyooulwa isyekeli lyomwe, azisuwo zyobile zyabbaale ziyooulwa isyekeli mumulyango waSamariya. 2#2 Bam 5:18; Matl 7:11; 8:2; Mal 3:10; Dt 3:27; Heb 3:17Mpawo silutwe, mwami ngwaakali kuyaamina ajanza lyakwe, wakavwiila muntu wa-Leza kuti, Jehova naakacita zimpalangwizyo mujulu, cintu eci sa nicaba? Wakati, Meso aako ayoobona, pele kulya tokooyoolya pe.
3 #
Lev 13:46; My 5:2; Dt 24:8,9; 2 Bam 5:27; Lk 17:12 Lino kakuli bantu bone basicinsenda ibakakede kumulyango wamunzi. Bakaamba umwi aumwi kumweenzinyina kuti, Ino tukalilanzi okuno mane tukafwe? 4#Es 4:16; Lk 15:17-19Na twaamba kuti, Atunjile mumunzi, lino inzala nkwiili, tulafwa. Alimwi na katukede mpoonya ano, tulafwa. Katuya kuzilao zyaba-Aramu, Na batubamba, tuyoopona. Na batujaya, tuyoofwa buyo. 5Mpawo bakanyamuka ciindi calundindiwana, basika kumatalikilo aazilao zyaba-Aramu, pele bajana kuti taakwe muntu. 6#Lev 26:36; 2 Sam 5:24; 2 Bam 3:23; 19:7; Job 15:21; Ezk 10:5; Ciy 6:15,16; 1 Bam 10:29Nkaambo Mwami wakacita kuti basilumamba ba-Aramu baswiilile kuyoba kwankalaki akwamabbiza akuyoba kwampi impati, aboobo bakaamba umwi aumwi kumweenzinyina kuti, Bona! Mwami wa-Israyeli watamba bami baba-Hiti abami baEgepita kuti bazoomugwasye kutulwisya. 7#Job 18:11; Int 48:4-6; 53:5; Tus 28:1; Jer 48:8,9Mpawo bakanyampuka, bacija kuciindi eco calundindiwana, basia zilao zyabo amabbiza aabo ambongolo zyabo zyoonse mbuli mbuzibede, akucijisya maumi aabo kulufu. 8Lino abo basicinsenda nibakasika kumatalikilo aazilao, bakanjila mucilao cimwi, balya, banywa, bagwisya insiliva angolida azyakusama, baakuzisisa, elyo bakaboola alimwi kucilao cimbi, bagwisya zintu mumonya, baakuzisisa.
9 #
Flp 2:14; 2 Pet 1:19; Es 9:17; Is 41:27; Nah 1:15; My 32:23 Elyo bakaamba umwi aumwi kumweenzinyina kuti, Teetwacita kabotu pe, Buzuba obuno mbuzuba bwamakani mabotu. Na twaumuna akulindila mane bukace tuyoojana mulandu, Amubuke, tweende kuyooambila basiŋanda bamwami. 10Lino bakaya, baita basikulindila mulyango wamunzi, babalwiida kuti, Twasika kuzilao zyaba-Aramu, pele katakwe muntu nkuko niliba ijwi limvwigwa. Twajana mabbiza aangidwe ambongolo ziangidwe azilao zisiidwe mbuzibede. 11Mpawo basikulindila mulyango bakaita, balwiida basiŋanda bamwami mukati. 12Nkabela mwami wakabuka masiku, waambila balanda bakwe kuti, Amuswiilile! Ndamwaambila ba-Aramu mbubatucitila. Balizi kuti twafwa inzala, aboobo bazwa muzilao kuyooyuba musokwe, nkaambo balayeeya kuti, Bazwa buyo mumunzi tuyoobajata bacili baumi akuzunda munzi. 13Lino umwi wabalanda bakwe wakavuwa kuti, Atubweze mabbiza osanwe akati kayaayo aacisyeede. (Nkaambo ayo asyaala ayooba mbubonya mbuli makamu aabantu ba-Israyeli bafwide kale), Atutume, tukabone makani mbwaabede. 14Mpawo bakabweza basimabbiza bobile, nkabela mwami wakabatuma kuyootobela basilumamba baba-Aramu, wati, Kamuya, mukabone. 15Lino bakabatobela mane kusikila ku-Jordano, nkabela bakajana kuti moonse munzila mulizwiide zyakusama azibelesyo ba-Aramu nzibakasowa mukucija kwabo, Elyo batumwa bakapiluka, baambila mwami,
16 #
My 23:19; Int 89:2; 119:89; Is 40:8; 44:26; Mt 24:35; Mk 13:31; 1 Kor 1:9; 1 Tes 5:24; 1 Pet 1:25 Mpawo bantu bakainka kuyoosaala zilao zyaba-Aramu, aboobo cisuwo cabusu butuba cakaulwa isyekeli lyomwe, azisuwo zyobile zyabbaale zyakaulwa isyekeli, mbubonya mbuli Jehova mbwaakaamba. 17#Dt 32:35-40; 2 Bam 6:32; 2 Mak 36:16; Job 21:28-30; Int 31:17,18; Tus 13:13; Is 5:24; Lk 10:16; 1 Tes 4:8; Heb 10:30,31; Jud 1:14,15Pele oyo silutwe mwami ngwa akali kuyaamina ajanza lyakwe, mwami wakamubika kuti kalanga mulyango, nkabela bantu bakamulyataula omo mumulyango mane wafwa, mbubonya mbuli ijwi lyamuntu wa-Leza ndyaakaamba ciindi eco mwami naakeza kumubona. 18#2 Bam 7:1Cakaba mbubonya mbuli ijwi lyamuntu wa-Leza ndyaakaambila mwami, lyakuti, Zisuwo zyobile zyabbaale ziyooulwa isyekeli lyomwe, acisuwo cabusu butuba ciyooulwa isyekeli, mumulyango wa-Samariya junza mbuli eno. 19Anukuti silutwe oyo wakavwiila muntu wa-Leza kuti, Jehova naakacita impalangwizyo mujulu, cintu eci sa nicaba? Nkabela wakati, Meso aako ayoobona, pele kulya tokooyoolya pe, 20#My 20:12; Job 20:23; Jer 17:6; Heb 3:18Cakamubeda mbubonya, nkaambo bantu bakamulyataula mumulyango mane wakafwa.
Currently Selected:
2 Bami 7: Ibbaib63
Highlight
Share
Copy
Want to have your highlights saved across all your devices? Sign up or sign in
The Bible in Tonga (Zambia) © United Bible Societies, 1963.
