2 Bami 8
8
Mwanakazi waku-Sunemu mbwaakalonga ciindi canzala
1 #
2 Bam 4:35; Matl 41:25-32; Lev 26:19-26; 2 Sam 24:13; 1 Bam 17:1; Int 105:16; Hag 1:11 Lino oyo mwanakazi Elisha ngwaakabusizya mwana mufu, Elisha wakamwaambila kuti, Nyamuka, uinke webo abasikamukowa bako, kuyookala kala kufumbwa nkumujana busena, nkaambo Jehova ulaleta inzala, nkabela iyooba munyika myaka iili musanu aibili. 2Mpawo mwanakazi wakanyamuka, wacita mbubonya mbuli muntu wa-Leza mbwaakamwaambila. Wakainka, walo abasikamukowa bakwe, kuyookala munyika yaba-Filisti myaka iili musanu aibili. 3Elyo myaka iili musanu aibili niyakamana, mwanakazi wakaboola kuzwa kunyika yaba-Filisti, wasika kumwami kuzoobuzya Iŋanda yakwe amyuunda yakwe. 4#2 Bam 5:27Nkabela mwami wakali kwaambaula a-Gehazi mulanda wamuntu wa-Leza. Wakati, Kondaambila milimo yoonse mipati Elisha njacita. 5#2 Bam 4:35Aboobo wakali kwaambila mwami mbwaakabusya muntu mufu, nkabela mpoonya awo oyo mwanakazi ngwaakabusizya mwana wakwe mufu wakasika kuyoolilila mwami aaŋanda yakwe amyuunda yakwe. Lino Gehazi wakati, O mwami simalelo wangu, ngooyu mwanakazi, alimwi ngooyu mwana wakwe Elisha ngwaakabusya. 6Elyo mwami naakamubuzya, mwanakazi wakamwaambila makani. Nkabela mwami wakamupa similimo umwi, wamulailila kuti, Kopilusizya mwanakazi imbono zyakwe zyoonse, amicelo yoonse yamyuunda yakwe kuzwa kubuzuba obo naakainka akusikila sunu.
Hazaeli mbwaakaba mwami wa-Aramu
7Lino Elisha wakasika ku-Damasko, nkabela Beni-hadadi mwami waAramu wakaciswa. Elyo naakaambilwa kuti, Kwasika muntu wa-Leza okuno, 8#1 Bam 19:15; 1 Sam 9:7,9; 1 Bam 14:3; 2 Bam 5:5; Jos 9:14; Bab 20:18,23; 2 Bam 1:2; 3:11-13mwami wakaambila Hazaeli kuti, Tolelela acipo, ukacinge muntu wa-Leza, ukabuzye ijwi lya-Jehova kumulomo wakwe, tuzibe kuti na ndilapona kubulwazi obu. 9Mpawo Hazaeli wakanyamuka kuyoomucinga, watolelela inkamele zili makumi one ziyumwide cipo cazintu zibotu zyoonse zyamu-Damasko. Nkabela naakasika nkwaakabede, wakaima kunembo lyakwe, wati, Mwanaako Beni-hadadi mwami wa-Aramu wandituma kulinduwe, wabuzya kuti, Sa ndilapona kubulwazi obu? 10Elisha wakamwaambila kuti, Koya, ukamwaambile kuti, Kupona ulapona. Anukuti Jehova wandaambila kuti ncobeni ulafwa. 11#Matl 45:2; Int 119:136; Jer 9:1,18; Lk 19:41Lino wakamulangisya mane lumwi wakafwa insoni, alimwi muntu wa-Leza wakalila. 12#2 Bam 10:32; 12:17; 13:13; Am 1:3; 2 Bam 15:16; Hos 13:16; Am 1:13Mpawo Hazaeli wakabuzya kuti, Ino nkaambonzi nolila, mwami? Wakavuwa kuti, Nkaambo kakuti ndizi bubi mboyoocitila bana ba-Israyeli. Minzi yabo miyumu uyooisaala, bakubusi babo babotu uyoobajazya ipanga, twana twabo uyootupwayaula, abanakazi babo baminsi uyoobapandula. 13#1 Sam 17:43; 1 Bam 19:15Lino Hazaeli wakati, Ma! Sa ndi mubwa ndemulanda wako? Nkacite buti malweza aali boobo? Elisha wakati, Jehova wandi tondezya kuti nduwe uyooba mwami wa-Aramu. 14Mpawo naakazwa kuli-Elisha, wakasika kulisimalelo aakwe. Wakabuzya kuti, Ino Elisha wakwaambilanzi? Wakavuwa kuti, Wandaambila kuti kupona uyoopona. 15Lino nibwakaca, wakabweza ingubo, wainika mumaanzi, waiyanika ameso aakwe mane wafwa. Aboobo Hazaeli wakalya bwami bwakwe.
Bwami bwa-Joramu mucisi ca-Juda
16 #
2 Mak 21:3,4 Mumwaka wasanu wabwami bwa-Joramu mwana wa-Ahabu mwami wa-Israyeli, Joramu mwana wa-Josafati wakaba mwami wacisi ca-Juda. 17#2 Mak 21:5Kajisi myaka iili makumi otatwe aibili naakatalika kweendelezya, nkabela wakeendelezya myaka iili musanu aitatu mu-Jerusalemu. 18Wakeenda munzila zyabami ba-Israyeli, mbubonya mbubakacita basiluzubo ba-Ahabu, nkaambo kakwete mwana musimbi wa-Ahabu, Wakacita bubi mumeso aa-Jehova. 19#2 Sam 7:13; 22:51; 1 Bam 11:36; 15:4; 2 Mak 21:7; Int 89:4,29; 132:17Nekubaboobo Jehova teewakayanda kunyonyoona cisi caJuda nkaambo ka-Davida mulanda wakwe, nkaambo wakasyomezya kumupa mumuni, abalo bana bakwe, mazuba oonse.
20 #
Matl 27:40; 2 Bam 3:27; 2 Mak 21:8-10; 1 Bam 22:47 Mumazuba aakwe ba-Edomu bakapapila bwami bwa-Juda, balibikila mwami beni. 21Elyo Joramu wakainda ku-Zairi, ankalaki zyakwe zyoonse, nkabela wakabuka masiku, wanyonyoona ba-Edomu ibakamuzyungulukide abasilutwe bankalaki, pele bantu bakacijila kumaanda aabo, 22#Matl 27:40; Jos 21:13; 2 Mak 21:10Mbuboobo ba-Edomu mbubakapapila bwami bwa-Juda, asunu mbubacibede. Lino ba-Libina abalo bakapapila kuciindi eco nciconya.
23Lino makani amwi aa-Joramu, ancito zyakwe zyoonse nzyaakacita, sa taalembedwe mubbuku lyamakani aaciindi aabami ba-Juda? 24#2 Mak 22:6; 21:17Nkabela Joramu naakafwa, wakazikwa mumunzi wa-Davida nkubakazikidwe bamawisi, elyo Ahaziya mwanaakwe nguwakalya izina lyakwe.
Bwami bwa-Ahaziya mucisi ca-Juda
25Mumwaka wakumi aibili wabwami bwa-Joramu mwana wa-Ahabu mwami wa-Israyeli, Ahaziya mwana wa-Joramu wakaba mwami wacisi ca-Juda. 26#2 Mak 22:2Ahaziya kajisi myaka iili makumi obile aibili naakaba mwami, nkabela wakeendelezya mwaka omwe mu-Jerusalemu. Izina lyabanyina bakali Ataliya mwana wa-Omri mwami wa-Israyeli. 27#2 Mak 22:3,4Nkabela wakeenda munzila yaluzubo lwa-Ahabu, wacita bubi mumeso aa-Jehova mbubonya mbubakacita basiluzubo lwa-Ahabu, nkaambo kali mukwaansa wa-Ahabu,
28Wakaya a-Joramu mwana wa-Ahabu kuyoolwisya Hazaeli mwami waAramu ku-Ramoti-Gileadi, pele ba-Aramu bakayasa Joramu. 29#2 Bam 9:15,16; 2 Mak 22:6Elyo mwami Joramu wakaboola ku-Jezreeli kuti asilikwe nkaambo kanjase nzyaakayaswa kumaanza aaba-Aramu ku-Rama naakali kulwisya Hazaeli mwami wa-Aramu. Lino Ahaziya mwana wa-Joramu mwami wa-Juda wakainka kuyoobona Joramu mwana wa-Ahabu ku-Jezreeli, nkaambo kakuti wakaciswa.
Currently Selected:
2 Bami 8: Ibbaib63
Highlight
Share
Copy
Want to have your highlights saved across all your devices? Sign up or sign in
The Bible in Tonga (Zambia) © United Bible Societies, 1963.
