2 Bami 9
9
Jehu mbwaakananikwa mafuta aabwami
1 #
1 Bam 20:35; Jer 1:9,10,17; 2 Bam 4:29; 8:28 Lino Elisha musinsimi wakaita umwi wabana babasinsimi, wamwaambila kuti, Kolyangaanga mucikungu, utolelele eyi insazi yamafuta, uye ku-Ramoti-Gileadi. 2Wasika buyo, langaula Jehu mwana wa-Josafati mwana wa-Nimsi, lino umunyampusye akati kabeenzinyina akumunjizya muŋanda yamukati. 3#1 Bam 19:16Mpawo uleelede kubweza insazi yamafuta, akumutila amutwe, alimwi komwaambila kuti, Mbuboobu mbwaamba Jehova. Ndakunanika kuti ube mwami wa-Israyeli. Wamana buyo kwaamba obo, jalula mulyango, ucije. Utalindili pe.
4Mpawo oyo mulombe musinsimi wakainka ku-Ramoti-Gileadi. 5Asike buyo, wajana kuti basilutwe bampi balikede. Lino wakati, Ndijisi cakukwaambila, O silutwe. Nkabela Jehu wakabuzya kuti, Nguli ngoyanda akati kandiswe toonse? Wakavuwa kuti, Nduwe O silutwe. 6#1 Sam 2:7,8; 2 Mak 22:7; Int 75:6,7; 83:18; Jer 27:5; Dan 2:21; 4:17,25; 5:21Mpawo wakanyampuka, wanjila muŋanda, elyo wakamutila mafuta amutwe, wati, Mbuboobu mbwaamba Jehova Leza wa-Israyeli. Ndakunanika kuti ube mwami wabantu ba-Leza, ba-Israyeli. 7#Int 58:10,11; 116:15; 1 Bam 18:4; 21:15Lino uleelede kunyonyoona luzubo lwa-Ahabu simalelo wako, kuti nkaliye inkoto kuli-Jezebeli yabulowa bwabalanda bangu basinsimi ayabulowa bwabalanda boonse ba-Jehova. 8#1 Bam 14:10; 21:21; Int 76:8-12; 110:5; 1 Sam 25:22; Dt 32:36Luzubo loonse lwa-Ahabu luyoonyonyooka. Njoomanisizya Ahabu bana boonse basankwa, nibaba bazike nibaba balubusi bamu-Israyeli. 9#1 Bam 14:10; 15:29; 21:22; 16:3Nkabela njoocita kuti luzubo lwa-Ahabu lube mbubonya mbuli luzubo lwa-Jeroboamu mwana wa-Nebati ambuli luzubo lwa-Basa mwana wa-Ahija. 10#1 Bam 14:10,11; 21:23; 2 Bam 9:35-37; Jer 15:3; 36:30Alakwe Jezebeli babwa bayoomulya mumuunda wa-Jezreeli; takukooyooba muntu uumuzika.
Amane buyo kwaamba obo, wakajalula mulyango, wacija. 11#Jer 29:26; Hos 9:7; Mk 3:21; Joh 10:20; Inc 17:18; 26:24; 1 Kor 4:10; 2 Kor 5:13Elyo Jehu naakazwa kubalanda bamwami wakwe, bakamubuzya kuti, Sa kuli kabotu? Oyu sizilengano wakazidanzi kulinduwe? Wakati, Mulimuzi oyo muntu ambwaamba. 12Bakati, Ne! Wabeja. Kotulwiida makani, Elyo wakaamba kuti, Ngaaya makani ngaakandaambila. Wati, Mbuboobu mbwaamba Jehova. Ndakunanika kuti ube mwami wa-Israyeli. 13#Mt 21:7; Mk 11:7,8Mpawo bakafwambaana kubweza umwi aumwi cikobela cakwe, bazibika kunsi lyakwe awo amatantilo mpaakakede, alimwi bakalizya mweembo akwaamba kuti, Jehu ngumwami.
Joramu a-Ahaziya mbubakajayigwa
14Mbuboobo Jehu mwana wa-Josafati mwana wa-Nimsi mbwaakavwiya Joramu. (Joramu wakali kulindila ku-Ramoti-Gileadi, aba-Israyeli boonse, nkaambo ka-Hazaeli mwami wa-Aramu. 15#2 Bam 8:29; 2 Mak 22:6Pele mwami Joramu wakaboola ku-Jezreeli kuti asilikwe nkaambo kanjase nzyaakayaswa kumaanza aabaAramu naakali kulwisya Hazaeli mwami wa-Aramu.) Lino Jehu wakati, Na ncobeni myoyo yanu ilayanda obo, kutabi naba omwe uuloboka mumunzi kuyooamba makani ku-Jezreeli. 16Mpawo Jehu wakatanta munkalaki, waya ku-Jezreeli, nkwaakalede Joramu. Alakwe Ahaziya mwami wa-Juda kazide kuswaya Joramu.
17Lino mulindizi wakaliimvwi angazi yaku-Jezreeli, nkabela naakabona impumba ya-Jehu ileza wakati, Ndabona impumba yabantu. Mpawo Joramu wakati, Amubweze sibbiza, mumutume kuyoobacinga, ababuzye kuti, Sa mweza aluumuno? 18Elyo sibbiza wakainka kuyoobacinga, wabuzya kuti, Mbuboobu mbwaamba mwami. Sa mweza aluumuno? Lino Jehu wakaamba kuti, Ulacitanzi aluumuno webo? Piluka, ututobele, Mpawo mulindizi wakaamba kuti, Mutumwa wasika kulimbabo, pele kuboola tabooli ne. 19Lino bakatuma sibbiza wabili. Alakwe naakasika kulimbabo wakati, Mbuboobu mbwaamba mwami. Sa mweza aluumuno? Pele Jehu wakati, Ulacitanzi aluumuno webo? Piluka, ututobele. 20Mpawo mulindizi wakaamba kuti, Kusika wasika kulimbabo pele tabooli ne. Alimwi kweenzya ndikubwene mbukubede, kuli mbuli kweenzya kwa-Jehu mwana wa-Nimsi, nkaambo uleenzya cakulitakata.
21 #
2 Bam 8:29; 10:13,14; 2 Mak 22:7 Lino Joramu wakati, Amubope. Bakabopa inkalaki yakwe. Nkabela bakainka Joramu mwami wa-Israyeli a-Ahaziya mwami wa-Juda, umwi aumwi munkalaki yakwe, kuyoocinga Jehu. Bakamucinga mumuunda waNaboti mu-Jezreeli. 22#Is 47:9,11; Nah 3:4; Ciy 2:20; 17:1-5; 18:3Lino Joramu naakabona Jehu, wakabuzya kuti, Sa weza aluumuno, Jehu? Wakati, Kulaba buti luumuno, mavuule aabanyoko Jezebeli amalozi aakwe naacili manji? 23Mpawo Joramu wakapiluka, wacija, waambila Ahaziya kuti, Ma! Nduuni olu, O Ahaziya! 24Nkabela Jehu wakafusa buta bwakwe canguzu, wayasa Joramu andelo, aboobo muvwi wakatulula moyo wakwe, wawida munkalaki. 25#1 Bam 21:29; Jer 23:33-38; Nah 1:1; Mt 11:30Elyo Jehu wakaambila Bidakara silutwe wakwe kuti, Umugwisye, umuwaale mucaabilo canyika ca-Naboti mu-Jezreeli, nkaambo sa toyeeyi ciindi eco nitwakatantide, webo ambebo, kutobela wisi Ahabu, ndijwi eli ndilyonya Jehova ndyaakaamba aanguwe? 26#1 Bam 21:19; 22:38; Es 7:10Wakati, Jilo ndakabona bulowa bwa-Naboti abulowa bwabana bakwe, mbwaamba Jehova; lino njoomuliya inkoto mpoonya awa amuunda oyu, mbwaamba Jehova. Lino amumugwisye, mumuwaale mumuunda, mbubonya mbwaakaamba Jehova.
27 #
Bab 1:27; 5:19; 1 Bam 9:15; 2 Mak 22:9; 35:22; Zek 12:11 Nkabela Ahaziya mwami wa-Juda naakabona makani, wakacija munzila yaku-Beti-Hagani. Pele Jehu wakamutobela, wati, Amumuume alakwe, Nkabela bakamuyasa munkalaki kumatantilo aa-Guri kumbali lya-Jibleamu, elyo wakacijila ku-Megido, nkwaakakufwida. 28Lino balanda bakwe bakamubweza munkalaki yakwe kumutola ku-Jerusalemu, bamuzika mukabanda kakwe antoomwe abamawisi mumunzi wa-Davida.
29Mumwaka wakumi aumwi wabwami bwa-Joramu mwana wa-Ahabu, Ahaziya naakatalika kweendelezya cisi ca-Juda.
Jezebeli mbwaakajayigwa
30 #
Jer 4:30
Lino Jehu naakasika ku-Jezreeli, jezebeli wakamvwa, elyo wakalinanika musila kumeso, walibamba masusu, akulangila mumpalangwizyo. 31#1 Bam 16:9-20Mpawo Jehu naakanjila mumulyango, wakamubuzya kuti, Sa weza aluumuno, o Zimri, O sikujaya simalelo wako? 32Wakaululala kumpalangwizyo, wabuzya kuti, Mbobani bayanda ndime? Mbani? Nkabela kwakamuzuminina basimilimo bobile nanka botatwe. 33Wakabaambila kuti, Amumuwaale ansi. Lino bakamuwaala ansi, nkabela bulowa bwakwe bwakasapaika abulambo amabbiza, alimwi akamulyataula. 34#Tus 10:7; Is 65:15; 1 Bam 16:31Lino wakanjila, walya, wanywa. Mpawo wakati, Amumubweze oyu mwanakazi uutukidwe, mumuzike, nkaambo ngumwana wamwami. 35Pele nibakasi muzike, katakwe ncibakajana cita kapapa kaboongo azituta zyamaulu azyamaboko. 36#Nah 1:2; 1 Bam 21:23Elyo nibakapiluka kuzoomwaambila makani, wakuti, Ndendilyo ijwi lya-Jehova ndyaakaamba kumulomo wamulanda wakwe Eliya waku-Tisibe, lyakuti, Babwa bayoolya nyama ya-Jezebeli mumuunda wa-Jezreeli. 37#Int 83:10; Jer 8:2; 16:4Mutunta wa-Jezebeli uyooba mbuli bufumba buyo bulede anyika yamuunda wakuJezreeli, aboobo takukooyooba muntu uukonzya kuziba kuti oyu nguJezebeli.
Currently Selected:
2 Bami 9: Ibbaib63
Highlight
Share
Copy
Want to have your highlights saved across all your devices? Sign up or sign in
The Bible in Tonga (Zambia) © United Bible Societies, 1963.
