2 Bami 10
10
Jehu mbwaakanyonyoona luzubo lwa-Ahabu
1 #
Dt 16:18
Lino Ahabu kajisi bana balombe bali makumi aali musanu aabili muSamariya. Nkabela Jehu wakalemba magwalo, waatuma ku-Samariya kubaalu bamunzi akubapati basikulela bana ba-Ahabu, wati, 2#2 Bam 5:6Mwatambula buyo olu lugwalo, bana basimalelo wanu mbumuli abo, alimwi mbuli mbumujisi inkalaki amabbiza, amunzi muyumu azilwisyo, 3amusale muntu mubotu uululeme akati kabana basimalelo wanu, mumukazike acuuno cabwami cawisi, mulwide luzubo lwasimalelo wanu. 4#2 Bam 9:24,27; Lk 14:31Pele bakayoowa loko, bati, Bami bobile bakakacilwa kwiimikila kunembo lyakwe, lino iswe tulaima buti? 5#Jos 9:11,24,25; 1 Bam 20:4Mpawo mulindizi waŋanda amulindizi wamunzi abapati basikulela bana bakatuma kuli-Jehu, bati, Tuli balanda bako. Kufumbwa ncotulailila tulacicita. Tatukoobika mwami pe. Kocita kufumbwa cibota mumeso aako. 6#Job 21:19; Kul 20:5; Jos 7:24Elyo wakabalembela lugwalo lwabili, wati, Na ncobeni muli kulubbazu lwangu, alimwi na mwazumina kucita ncindailila, lino amukosole mitwe yabana basimalelo wanu, muze ayo kulindime ku-Jezreeli junza mbuli eno.
Lino bana bamwami kabali makumi aali musanu aabili, kabali abapati bamunzi ibakali kubalela. 7#1 Bam 21:21Mpawo nibakatambula lugwalo, bakabweza bana bamwami, babajaya boonse bali makumi aali musanu aabili, babika mitwe yabo mumitanga, akwiituma kulinguwe ku-Jezreeli. 8Lino mutumwa naakamulwiida kuti, Baleta mitwe yabana bamwami, wakati, Amwiilundike zilwi zyobile kumulyango wamunzi mane buce. 9#2 Bam 9:14,24; Hos 1:4Lino nibwakaca, wakaya anze, waima, waambila bantu boonse kuti, Inywe tamujisi mulandu, Ndime ndakavwiya simalelo wangu akumujaya. Pele nguni wakanyonyoona aba boonse? 10#1 Sam 3:19; Int 33:11; 119:89; Is 14:27; 40:8; Mt 24:35; 1 Pet 1:25; 1 Bam 21:19,21,29Amuzibe kuti takukooyooloba ijwi niliba lyomwe akati kamajwi aa-Jehova ngaakaamba aaluzubo lwa-Ahabu. Jehova wacita ncobeni mbubonya mbwaakaamba kumulomo wamulanda wakwe Eliya. 11#1 Bam 18:19Mbuboobo Jehu mbwaakanyonyoona basiluzubo boonse ba-Ahabu ibakasyeede mu-Jezreeli, bapati bakwe abazolwani bakwe abapaizi bakwe boonse, mane lumwi teekwakasyaala naba omwe uucipona.
12Mpawo wakanyamuka kuya ku-Samariya, nkabela naakacili munzila, ku-Beti-Ekedi nkubabede beembezi, 13#2 Bam 8:29; 2 Mak 22:8Jehu wakaswanaana abasimukowa ba-Ahaziya mwami wa-Juda. Lino wakababuzya kuti, Ndinywe bani? Bakavuwa kuti, Tuli basimukowa ba-Ahaziya. Tweza kukuswaya bana bamwami abana babanyina besu. 14Elyo wakati, Amubajate buume. Bakabajata buume. Nkabela wakabajaya kumukalo waku-Beti-Ekedi, bantu bali makumi one ababili. Takakasia naba omwe.
Jehu mbwaakanyonyoona basikukomba Baala
15 #
Jer 35:6; 1 Mak 2:55; Ezr 10:19 Lino naakazwa oko, wakajana Jonadabu mwana wa-Rekabu uleza kuzoomucinga. Amane kumujuzya, wakamubuzya kuti, Sa moyo wako ncobeni ulazuminana amoyo wangu, mbubonya mbuli moyo wangu mbuuzuminana awako? Nkabela jonadabu wakavuwa kuti, Mbukubede. Wakati, Na mbukubede, undipe ijanza lyako. Elyo wakamupa ijanza lyakwe, aboobo wakamutantika munkalaki mwaakabede. 16#1 Bam 19:10; Tus 27:2; Mt 6:2; Rom 10:2Wakati, Twiinke ayebo, ubone busungu bwangu muli-Jehova. Lino wakamutolelela munkalaki yakwe, 17#2 Bam 9:8; 2 Mak 22:8; Job 18:5-21; 21:17-30; Int 34:16; 145:20; Tus 2:22; Mal 4:1; 1 Bam 21:21lumwi wakasika ku-Samariya. Nkabela ku-Samariya wakanyonyoona boonse ibakasyeede baluzubo lwa-Ahabu. Taakwe naakasia naba omwe, mbubonya mbuli ijwi lya-Jehova ndyaakaambila Eliya.
18 #
1 Bam 16:31,32 Mpawo Jehu wakayobolola bantu boonse, wabaambila kuti, Ahabu wakakomba Baala buniini buyo, Jehu uyoomukomba loko. 19#1 Bam 22:6Lino amundiitile basinsimi boonse ba-Baala abalanda bakwe boonse abapaizi bakwe boonse, Kutabi naba omwe uubulika, nkaambo ndijisi cipaizyo cipati cakutuulila Baala. Kufumbwa muntu uubulika takoopona pe, Pele Jehu wakacita calweeno kuti anyonyoone boonse basikukomba Baala. 20Elyo Jehu wakati, Amubambile Baala imbungano iisalala, Bakacita obo. 21#1 Bam 16:32Lino Jehu wakatuma muzisi zyoonse zya-Israyeli, aboobo basikukomba Baala bakasika boonse, katakwe naba omwe iwakabula kusika, Lino bakanjila muŋanda ya-Baala, mane iŋanda ya-Baala yakazula mwa kuzwa kumagolelo akusikila kumagolelo. 22Mpawo wakaambila sikulanga zyakusama kuti, Ugwisye zikobela, bazisame boonse basikukomba Baala, Elyo wakazigwisya. 23Lino jehu wakanjila muŋanda ya-Baala, kali a-Jonadabu mwana waRekabu. Wakaambila basikukomba Baala kuti, Amulangaule, kuti kutabi anywe basikukomba Jehova, pele basikukomba Baala luzutu. 24#1 Bam 20:39Mpawo wakanjila kuyootuula zituuzyo azipaizyo.
Lino anze Jehu kabikide bantu bali makumi aa musanu aatatu, Wakabaambila kuti, Kufumbwa muntu uulobosya muntu naba omwe akati kabaabo mbenti abe mumaanza aanu, uyooswekelwa buumi bwakwe. 25Lino amane buyo kutuula cipaizyo, Jehu wakaambila basikulindila abasilutwe kuti, Amunjile, mubajaye. Kutabi muntu naba omwe uuloboka, Nkabela bakabajazya ipanga, alimwi basikulindila abasilutwe bakabawaala anze, elyo bakanjila muŋanda ya-Baala yamukati, 26#1 Bam 14:23bagwisya cilende caBaala, bacitenta, 27#Ezr 6:11; Dan 2:5; 3:29Bakamwaya cilende ca-Baala, alimwi bakamwaya iŋanda ya-Baala, akwiicita cimbuzi, mbwiicibede asunu.
28Mbuboobo jehu mbwaakanyonyoona inkombelo ya-Baala mucisi caIsrayeli. 29#Kul 32:4; 1 Bam 12:28,29; Hos 8:5,6Pele zibi zya-Jeroboamu mwana wa-Nebati nzyaakacitya baIsrayeli, Jehu taakwe naakazileka pe, nkukuti boombe bangolida ibakali ku-Beteli aku-Dani.
Jehu mbwaakasyomezegwa mazyalani one
30 #
2 Bam 13:1; 15:8,12 Lino Jehova wakaambila jehu kuti, Mbuli mbocitide kabotu kukucita ciluleme mumeso aangu, akucitila luzubo lwa-Ahabu coonse icakali mumoyo wangu, lino bana bako bamusela wane bayookala acuuno cabwami bwaIsrayeli. 31#Tus 4:23; Lev 26:14,17; Dt 28:15; 1 Bam 12:30; 13:34; 14:16; 15:29,30,34; 16:2,3,26Pele Jehu teewakabika moyo woonse kukweenda mumulao wa-Jehova Leza wa-Israyeli pe, nkaambo taakwe naakaleka zibi zyaJeroboamu nzyaakacitya ba-Israyeli.
32 #
2 Bam 8:12; 13:22 Mumazuba ayo Jehova wakatalika kufwiinsya ba-Israyeli, nkabela Hazaeli wakabakoma mucisi coonse ca-Israyeli, 33#Am 1:3kuzwa ku-Jordano kujwe, nyika yoonse ya-Gileadi, ba-Gadi aba-Rubeni aba-Manase, kuzwa ku-Aroeri uuli kumbali lya-Arinoni, cisi coonse ca-Gileadi aca-Basana.
Jehu mbwaakafwa
34Lino makani amwi aa-Jehu, ancito zyakwe nzyaakacita, anguzu zyakwe, sa taalembedwe mubbuku lyamakani aaciindi aabami ba-Israyeli? 35Lino Jehu naakafwa, bakamuzika mu-Samariya, nkabela Jehoazi mwanaakwe nguwakalya izina lyakwe. 36Ciindi cabwami bwa-Jehu mucisi ca-Israyeli, ncaakeendelezya mu-Samariya cakaba myaka iili makumi obile amusanu aitatu.
Currently Selected:
2 Bami 10: Ibbaib63
Highlight
Share
Copy
Want to have your highlights saved across all your devices? Sign up or sign in
The Bible in Tonga (Zambia) © United Bible Societies, 1963.
