2 Bami 2
2
Eliya mbwaakatolwa kujulu
1 #
Matl 5:24; Heb 11:5; 1 Bam 19:21 Lino Jehova naakayanda kutola Eliya kujulu mukambizi, Eliya aElisha bakanyamuka kuzwa ku-Giligala. 2#Rut 1:15,16; 1 Sam 1:26; 2 Bam 4:30Elyo Eliya wakaambila Elisha kuti, Kosyaala ano, nkaambo Jehova wandituma ku-Beteli. Pele Elisha wakati, Ne! Jehova mbali muumi, amuuya wako mbuuli muumi, nsikooanzaana ayebo. Elyo bakaya ku-Beteli. 3#1 Sam 19:20; 1 Bam 20:35; 2 Bam 4:1,38; 9:1Lino bana babusinsimi ibakali ku-Beteli bakaswenenena Elisha, bati, Sa tozi kuti buzuba obuno Jehova ulatola simalelaako kuzwa kumutwe wako? Wakati, Ambebo ndizi obo. Amuumune.
4Lino Eliya wakamwaambila kuti, Elisha, kosyaala ano, nkaambo Jehova wandituma ku-Jeriko. Pele wakati, Ne! Jehova mbali muumi, amuuya wako mbuuli muumi, nsikooyooanzaana ayebo. Aboobo bakaya ku-Jeriko. 5Elyo bana babusinsimi ibakali ku-Jeriko bakaswenenena Elisha, bati, Sa tozi kuti buzuba obuno Jehova ulatola simalelaako kuzwa kumutwe wako? Wakati, Ambebo ndizi obo. Amuumune.
6Lino Eliya wakamwaambila kuti, Kosyaala ano, nkaambo Jehova wandituma ku-Jordano. Pele wakati, Ne! Jehova mbali muumi, amuuya wako mbuuli muumi, nsikooanzaana ayebo. Elyo bakeenda boonse bobile. 7Nkabela bantu bali makumi osanwe babana babusinsimi bakaakwiimikana kulekule bulangene abo, boonse bobile nibakaimvwi ku-Jordano. 8#Kul 14:21; Jos 3:16Lino Eliya wakabweza cikobela cakwe, wacivunga, wacuumya maanzi, nkabela mpawo maanzi akaandaanisigwa kumwi akumwi, aboobo bakazubuka boonse bobile mutala cakweenda ansi.
9 #
My 11:17-25
Lino nibakamana kuzubuka, Eliya wakaambila Elisha kuti, Kumbila ncoyanda kuti nkucitile, nentana kutolwa kuzwa kulinduwe. Nkabela Elisha wakaamba kuti, Ndakumbila kuti nkaabilwe caabilo camuuya wako acabili. 10#Inc 1:10Wakavuwa kuti, Cintu ncokumbila nciyumu, nekubaboobo na undibone nensi tolwe kuzwa kulinduwe, cilaba mbubonya, pele kuti utandibone, tacikooyooba obo pe. 11#2 Bam 6:17; Int 68:17; 104:4; Heb 1:7,14Lino nibakacili kuya bweenda akwaambaula, kwakaboneka inkalaki yamulilo amabbiza aamulilo, yakabaanzaanya. Mpawo Eliya wakatanta mukambizi kuya kujulu. 12#2 Bam 13:14; Inc 1:9; Matl 37:29,34; Jos 7:6Nkabela Elisha naakabona, wakalila kuti, Taata! Taata! Inkalaki zya-Israyeli abasimbizi bazyo! Lino taakwe naakamubona limbi.
Nkabela wakajata zyakusama zyakwe, wazizapaula muzipanzi zyobile. 13Alimwi wakanyamuna cikobela ca-Eliya icakaloka ansi, wapiluka, waima kunkomwe ya-Jordano. 14#Joh 14:12Mpawo wakabweza cikobela ca-Eliya cakamuloka, wacuumya maanzi, wati, Uli kuli-Jehova Leza wa-Eliya? Nkabela naakamana kuuma maanzi, maanzi akaandaanisigwa kumwi akumwi, aboobo Elisha wakazubuka.
Elisha mbwaakalya izina lya-Eliya
15Lino bana babusinsimi ibakakede ku-Jeriko, nibakamubona ulilangene abo, bakati, Muuya wa-Eliya wakala ali-Elisha. Elyo bakeza kuzoomuswananya, bamukotamina ansi. 16#1 Bam 18:12; Ezk 8:3; Inc 8:39Nkabela bakamwaambila kuti, Bona! Okuno kulindiswe tubalanda bako kuli baalumi basinguzu bali makumi osanwe. Bainke kuyooyandaula simalelaako. Ambweni Muuya wa-Jehova wakamutola, wamutula amwi atala acilundu nanka mumwi mumumpata. Pele wakati, Mutatumi pe. 17Nekubaboobo nibakacili kumusungilizya, wakafwa insoni, wati, Mbubo, amutume. Mpawo bakatuma bantu bali makumi osanwe, nkabela bakali kuyandaula mazuba otatwe, pele tabakamujene pe. 18Lino bakaboola kulinguwe ku-Jeriko nkwaakakede, Nkabela wakabaambila kuti, Sa teendakamwaambila kuti mutainki na?
Elisha mbwaakasalazya maanzi
19 #
Jos 6:26; 1 Bam 16:34 Lino bantu bamunzi bakaambila Elisha kuti, Bona! Bukale bwamunzi buli kabotu, mbubonya mbuli simalelo wesu mbwaabwene, pele maanzi mabi, ayalo nyika tiikuzyi micelo. 20Wakati, Amundiletele mutiba mupya, mubike munyo mulinguwo. Bakamuletela. 21#Kul 15:25; 2 Bam 4:41; 6:6; Joh 9:6Lino wakainka kubutoolo bwamaanzi, wawaala munyo mukati, wati, Mbuboobu mbwaamba Jehova. Ndasalazya aya maanzi. Takukooyooba limbi lufu nikuba kutakuzya micelo. 22Nkabela maanzi akaba kabotu, mbubonya mbaacibede asunu, mbubonya mbwaakaamba Elisha.
Banike basitumpuumpu mbubakalumwa
23 #
2 Mak 36:16; Int 31:17,18; 94:21-23; Tus 13:13; Is 5:24; Jer 5:10-14; Lk 10:16; 1 Tes 4:8; 5:20; 2 Tim 3:3; Jud 1:14-18 Lino kuzwa oko wakainka ku-Beteli, nkabela naakali kuya bweenda munzila, mwakazwa balombe banikenike mumunzi, bamuweela, bati, Tanta syaalubala! Tanta syaalubala! 24#Dt 32:35-43; Job 31:3; Lk 12:5; Rom 12:19; Heb 10:30,31Elyo wakacebuka, wababona, wabatukila muzina lya-Jehova. Nkabela mwakazwa musokwe basuntwe bobile, bakakwamauna akati kabo balombe bali makumi one ababili. 25Lino kuzwa oko wakaya kucilundu ca-Karameli; azwe oko wakapiluka ku-Samariya.
Currently Selected:
2 Bami 2: Ibbaib63
Highlight
Share
Copy
Want to have your highlights saved across all your devices? Sign up or sign in
The Bible in Tonga (Zambia) © United Bible Societies, 1963.
