2 Bami 1

Ahaziya mbwaakaciswa akufwa

1 # 2 Sam 8:2; 2 Bam 3:5 Lino Ahabu naakamana kufwa, ba-Moabu bakapapila ba-Israyeli. 2#1 Sam 5:10Alimwi Ahaziya wakawida ansi kuzwa kumpalangwizyo yaŋanda yakwe yakujulu yaku-Samariya, aboobo wakaciswa. Elyo wakatuma batumwa, wabaambila kuti, Kamuya, mukabuzye kuli-Baala-Zebubi Leza wa-Ekroni, nkazibe na ndapona mubulwazi obu. 3#Is 8:19; Jer 2:10-13; Joh 2:8Pele angelo wa-Jehova wakaambila Eliya waku-Tisibe kuti, Nyamuka, ukacinge batumwa bamwami wa-Samariya, ukababuzye kuti, Sa nkaambo kakuti taakwe Leza mucisi ca-Israyeli ncimwiinkila kuyoosonda kuli-Baala-Zebubi Leza wa-Ekroni na? 4#Tus 11:19; Muk 8:13; Is 3:11; Rom 6:23; Jak 1:15Nkaambo kako mbuboobu mbwaamba Jehova. Tokooyooseluka abulo obo mpotantide pe. Ncobeni uyoofwa, Elyo Eliya wakainka.

5Mpawo batumwa bakapiluka kumwami, Nkabela wakababuzya kuti, Ino mwaboolelanzi? 6#Tus 14:32Bakavuwa kuti, Kwakeza muntu kuzootuswana, watwaambila kuti, Kamuya, mupiluke kumwami iwamutuma, mumwaambile kuti, Mbuboobu mbwaamba Jehova. Sa nkaambo kakuti tamukwe Leza mucisi ca-Israyeli ncimutumina kukusonda kuli-Baala-Zebubi Leza wa-Ekroni na? Nkaambo kako tokooyooseluka abulo obo mpotantide pe. Ncobeni uyoofwa. 7Lino wakababuzya kuti, Ino uli buti muntu ngumwa-swanana awe iwamwaambila aya makani? 8#Zek 13:4; Mt 3:4Bakati, Kasamide masani aaboya, alutambo lwacikanda mucibuno cakwe. Wakati, Nguwe Eliya waku-Tisibe.

9 # 2 Bam 6:13,14; Int 105:15; Am 7:12; Mt 27:29 Elyo wakamutumina umwi silutwe wabantu bali makumi osanwe abantu bakwe. Nkabela naakasika kulinguwe, wakamujana ulikede amutwe wacilundu, Wakamwaambila kuti, O muntu wa-Leza, mwami wati, Seluka. 10#My 11:1; Lk 9:54Pele Eliya wakavwiila oyo silutwe wamakumi osanwe kuti, Na ndi muntu wa-Leza, mulilo useluke kuzwa kujulu, ukutente webo ankamu yako. Mpawo mulilo wakaseluka kuzwa kujulu, wamutenta walo ankamu yakwe.

11 # Is 26:11 Alimwi mwami wakamutumina umbi silutwe abantu bakwe bali makumi osanwe. Alakwe wakatanta acilundu nkwaakabede, wakati, O muntu wa-Leza, mwami wati, Fwambaana kuseluka. 12Pele Eliya wakabavwiila kuti, Na ndi muntu wa-Leza, mulilo useluke kuzwa kujulu, ukutente webo ankamu yako. Mpawo mulilo wa-Leza wakaseluka kuzwa kujulu, wamutenta walo abantu bakwe bali makumi osanwe.

13 # Tus 27:22; Muk 9:3; Is 1:5; Jer 5:3; 1 Sam 26:21; Int 72:14 Alimwi mwami wakatuma silutwe aumwi watatu abantu bakwe bali makumi osanwe. Nkabela oyo silutwe watatu wakatanta nkwaakabede Eliya, wamufugamina, wamukumbilisya kuti, Akaka muntu wa-Leza! Buumi bwangu buyandike mumeso aako, abwalo buumi bwabaaba balanda bako bali makumi osanwe. 14Tulibwene mulilo mbuwakaseluka kuzwa kujulu akutenta basilutwe bataanzi bobile abantu babo, Pele lino buumi bwangu buyandike mumeso aako. 15#Is 51:12; Jer 1:17; Ezk 2:6Mpawo angelo wa-Jehova wakaambila Eliya kuti, Seluka awe. Utayoowi pe. Mpawo wakanyamuka, waseluka awe kuya kumwami. 16Lino wakamwaambila kuti, Mbuboobu mbwaamba Jehova. Nkaambonzi nowakatuma batumwa kuyoosonda kuliBaala-Zebubi Leza wa-Ekroni? Sa taakwe Leza mucisi ca-Israyeli ngokonzya kubuzya makani kulinguwe na? Nkaambo kako tokooyooseluka abulo obo mpotantide pe. Ncobeni ulafwa.

17Aboobo wakafwa mbubonya mbuli ijwi Eliya ndyaakaamba, nkabela Joramu munyina wakalya izina lyakwe mumwaka wabili wa-Joramu mwana wa-Josafati mwami wa-Juda, nkaambo katajisi mwana. 18Lino makani amwi aa-Ahaziya, ambwaakacita, sa taalembedwe mubbuku lyamakani aaciindi aabami ba-Israyeli?

Currently Selected:

2 Bami 1: Ibbaib63

Highlight

Copy