2 Bami 11
11
Ataliya mbwaakajata bwami bwa-Juda
1 #
2 Mak 22:10; 2 Bam 8:26 Lino Ataliya banyina Ahaziya, naakabona kuti mwanaakwe wafwa, wakabuka, wanyonyoona inyungu zyoonse zyamwami. 2Pele Jeho seba mwana musimbi wamwami Joramu, mucizi wa-Ahaziya, wakabweza Joasi mwana wa-Ahaziya, wamulobosya akati kabana bamwami ibakati jayigwe, wamubika amuleli wakwe muŋanda yakoona, wamusisa kumeso aa-Ataliya, aboobo takwakajayigwa. 3#2 Mak 22:12; Int 12:8Nkabela wakali awe muŋanda yaJehova, uliyubide, myaka iili musanu aumwi, Ataliya naakali kweendelezya cisi.
Joasi mbwaakaba mwami wa-Juda
4 #
2 Mak 23:1
Lino mumwaka wamusanu aibili, Jehoyada wakatumina basilutwe baba-Kari ababalindizi, wabanjizya mulinguwe muŋanda ya-Jehova, watangana abo cizuminano, wabakonkezya muŋanda ya-Jehova, akubatondezya mwana wamwami, 5#1 Mak 9:25Elyo wakabalailila kuti, Mbuboobu mbumweelede kucita. Akati kankamu zyanu zyotatwe, inkamu yabaabo banjila buzuba bwa-Sabata kukulanga iŋanda yamwami, 6(inkamu imwi niicili kumulyango wa-Suri, aimwi yatatu niicili kusule lyamulyango wabalindizi), baleelede kulanga iŋanda yabwami, 7ankamu zimwi zyobile zyabaabo basika buzuba bwa-Sabata kukulanga iŋanda ya-Jehova balange mwami. 8Baleelede kumuzyunguluka mwami, umwi aumwi uli azilwisyo zyakwe mujanza lyakwe, nkabela kufumbwa muntu uuswenenena kumilongo uleelede kujayigwa, Amube amwami ciindi cakuzwa aciindi cakunjila.
9 #
2 Mak 23:8
Lino basilutwe bakacita mbubonya mbuli Jehoyada mupaizi mbwaakabalailila. Bakaletelela umwi aumwi bantu bankamu yakwe ibakali kunjila buzuba bwa-Sabata abakali kuzwa buzuba bwa-Sabata, beza kuli-Jehoyada mupaizi. 10#1 Sam 21:9; 2 Sam 8:7; 1 Mak 26:26,27; 2 Mak 23:9,10Elyo mupaizi wakaaba mumaanza aabasilutwe masumo azilwisyo izyakali zyamwami Davida, izyakali muŋanda ya-Jehova. 11Nkabela balindizi bakaliimvwi, umwi aumwi azilwisyo zyakwe mujanza lyakwe, kuzwa kulubbazu lwalulyo lwaŋanda mane kusikila kulubbazu lwalumwensi lwaŋanda, cakuzyunguluka cipaililo aŋanda. 12#Kul 25:16; Dt 17:14; Int 19:7; 78:5; Is 8:16; 1 Sam 10:24Mpawo wakagwisya mwana wamwami, wamubikila munsini, wamupa ibbuku lyamulongo wa-Leza, aboobo bakamupa bwami, bamunanika, bakamba, akwaamba kuti, Aongole mwami.
13 #
2 Mak 23:12
Lino Ataliya naakamvwa cikwala cabalindizi acabantu, wakanjila muŋanda ya-Jehova bantu mubakabede. 14#2 Bam 23:3; 2 Mak 6:13; 34:31; 1 Bam 1:39; Tus 29:2; Mt 21:9; Lk 19:37; Ciy 19:1-7; 1 Bam 18:17,18; 2 Bam 9:23Nkabela naakalanga, wakabona mwami uliimvwi kumbali lyacilende, mbubonya mbuli ciyanza mbucibede, abasilutwe abasimyeembo baliimvwi kumbali lyamwami, abantu boonse bacisi balatangala akulizya myeembo. Mpawo Ataliya wakazapaula zyakusama zyakwe, wakwiila kuti, Ndaabwa! Ndaabwa! 15Elyo Jehoyada mupaizi wakalailila basilutwe bampi kuti, Amumutande anze lyamindando, lino kufumbwa muntu uumutobela amujazye ipanga, Nkaambo mupaizi wakati, Atajayigwi muŋanda ya-Jehova. 16#Matl 9:6; Kul 21:12,14; Lev 24:17; My 35:30,31; Bab 1:7; 1 Sam 15:33; Tus 11:31; Is 3:11; Mt 26:52; Jak 2:13; Ciy 13:10Aboobo bakabika maanza alinguwe, nkabela wakainda munzila yabasimabbiza kuya kuŋanda yamwami, oko nkwaakajayilwa.
17 #
Dt 5:2,3; 29:1; 2 Bam 23:3; Jer 11:3,6; 1 Sam 10:25; 2 Sam 5:3 Lino Jehoyada wakatanzya mwami abantu bakwe cizuminano a-Jehova, kuti babe bantu ba-Jehova, alimwi wakatanzya mwami cizuminano abantu. 18#2 Bam 10:26; 2 Mak 23:17,18; Kul 32:20; Dt 7:5; 12:3; Bab 6:25,28; 1 Bam 15:12,13Mpawo bantu boonse banyika bakainka kuŋanda ya-Baala akwiimwaya. Zipaililo zyakwe azikozyano zyoonse bakazivwinyauna, alakwe Matani mupaizi wa-Baala bakamujaya mpoonya awo anembo lyacipaililo, Alimwi mupaizi wakabika bantu kuti balindile iŋanda ya-Jehova. 19Lino wakatolelela basilutwe aba-Kari abalindizi abantu boonse banyika, nkabela bakagwisya mwami kuŋanda ya-Jehova, bainda kunzila yamulyango wabalindizi, akumusisya kuŋanda yabwami, aboobo wakakala acuuno cabwami. 20#Tus 11:10Elyo bantu boonse banyika bakakondwa, awalo munzi kotontwede, Ataliya naakamana kujayigwa apanga kuŋanda yamwami.
21Joasi kali amyaka iili musanu aibili naakaba mwami.
Currently Selected:
2 Bami 11: Ibbaib63
Highlight
Share
Copy
Want to have your highlights saved across all your devices? Sign up or sign in
The Bible in Tonga (Zambia) © United Bible Societies, 1963.
