2 Bami 12
12
Bwami bwa-Joasi
1 #
2 Mak 24:1
Mumwaka wamusanu aibili wabwami bwa-Jehu, Joasi naakalya bwami. Nkabela wakeendelezya mu-Jerusalemu myaka iili makumi one. Izina lyabanyina kabali Zibiya waku-Beeri-seba. 2Lino Joasi wakacita ziluleme mumeso aa-Jehova mazuba oonse ngaakali kupona, nkaambo Jehoyada mupaizi wakali kumulaya. 3#1 Bam 15:14; 22:43; 2 Bam 14:4Nekubaboobo zipaililo zyakuzilundu taakwe naakazigwisya pe; bantu bakacili kupaila akutenta tununkilizyo kulinzizyo.
Intempele mbuyakamamikwa
4 #
2 Bam 22:4; Kul 30:13; Lev 27:2; Kul 35:5; 1 Mak 29:9 Lino Joasi wakaambila bapaizi kuti, Mali oonse aazintu zisalala aaletwa muŋanda ya-Jehova, naaba mali aamutelo muntu umwi aumwi ngaatelesegwa, naaba mali ngaleta mukuyanda kwamoyo wakwe mwini, 5bapaizi baatambule, umwi aumwi kumaanza aabazolwani bakwe, bamamike iŋanda kufumbwa nkwiielede kumamikwa.
6 #
2 Mak 24:5
Pele mumwaka wamakumi obile aitatu wabwami bwa-Joasi, bapaizi kabatana kutalika kumamika iŋanda. 7Elyo mwami Joasi wakaita Jehoyada mupaizi abapaizinyina, wababuzya kuti, Ino nkaambonzi tamuna kumamika iŋanda? Lino amuleke kutambula mali kubazolwani banu, mwaalete kukumamika iŋanda. 8Mpawo bapaizi bakazumina kuleka kutambula mali kubantu, alimwi kutamamika iŋanda.
9 #
Lk 21:1
Pele Jehoyada mupaizi wakabweza ibbokesi, watulula ajulu, walibika kumbali lyacipaililo kululyo lwamanjililo aaŋanda ya-Jehova, nkabela bapaizi ibakali kulanga cikunguzyo bakabika mulindilyo mali oonse aakaletwa muŋanda ya-Jehova. 10Lino nibakabona kuti mali aamubbokesi avula, mulembi wamwami amupaizi mupati bali kusika kuzoobala akwaanga mali aakajanwa muŋanda ya-Jehova. 11Mali amane kubalwa, bakaaba mumaanza aabasimilimo ibakali kulanga iŋanda ya-Jehova, abalo bakabbadela basikubeza zisamu abayaki ibakali kubeleka muŋanda ya-Jehova, 12abasikubumba zitina abasikubeza mabwe, akuula zisamu, amabwe aabezedwe aakumamika iŋanda ya-Jehova, azintu zimwi izyakayandika kuŋanda. 13Pele ayo mali aakaletwa muŋanda ya-Jehova taakwe naakabelesegwa kucitya mitiba yansiliva, nituba tugele, niiba migaano, niiba myeembo, niziba zibelesyo zimwi zyangolida na zyansiliva. 14Akapegwa basimilimo, kuti baabelesye kukumamika iŋanda ya-Jehova. 15#2 Mak 34:12; Mt 24:45; 1 Kor 4:2; 2 Kor 8:20Nkabela abo bantu mbubakaabila mali aakubbadela basimilimo, teebakabuzya makani aamali mbwaabelesegwa pe, nkaambo bantu bakalisyomekede. 16#Lev 5:15; My 5:8-10; Lev 7:7; My 18:9Pele mali aazipaizyo zyamilandu azipaizyo zyazibi taakwe naakaletwa muŋanda ya-Jehova pe, akali aabapaizi.
Ba-Aramu mbubakabusya inkondo
17 #
2 Bam 8:12
Lino Hazaeli mwami wa-Aramu wakaakulwisya Gati, wazunda, alimwi Hazaeli wakatozya kuya ku-Jerusalemu. 18#1 Bam 15:18; 2 Bam 16:8; 18:15; 2 Mak 16:2Mpawo Joasi mwami wa-Juda wakabweza zintu zyoonse zisalala nzibakasalazizye Josafati a-Joramu aAhaziya bamawisi, bami ba-Juda, azintu nzyaakasalazizye mwini, angolida yoonse iyakajanwa muziyobwedo zyaŋanda ya-Jehova azyaŋanda yamwami, wazituma kuli-Hazaeli mwami wa-Aramu, aboobo Hazaeli wakaleka kuya kuyoolwisya Jerusalemu.
Joasi mbwaakafwa
19Lino makani amwi aa-Joasi, ancito zyakwe zyoonse, sa taalembedwe mubbuku lyamakani aaciindi aabami ba-Juda na? 20Elyo balanda bakwe bakabusya inkondo, bavwiya, bamujaya Joasi muŋanda ya-Milo iili munzila iiya ku-Silo. 21#2 Mak 24:26,27Jozakara mwana wa-Simeati a-Jozabadi mwana wa-Someri balanda bakwe mbobakamujaya. Lino naakafwa, bakamuzika abamawisi mumunzi wa-Davida, nkabela mwanaakwe Amaziya nguwakalya izina lyakwe.
Currently Selected:
2 Bami 12: Ibbaib63
Highlight
Share
Copy
Want to have your highlights saved across all your devices? Sign up or sign in
The Bible in Tonga (Zambia) © United Bible Societies, 1963.
