2 Bami 13
13
Bwami bwa-Jehoazi mucisi ca-Israyeli
1Mumwaka wamakumi obile aitatu wabwami bwa-Joasi mwana waAhaziya mwami wa-Juda, Jehoazi mwana wa-Jehu wakaba mwami wa-Israyeli mu-Samariya, nkabela wakeendelezya myaka iili ikumi amusanu aibili. 2Nkabela wakacita bubi mumeso aa-Jehova, watobela zibi zyaJeroboamu mwana wa-Nebati nzyaakacitya ba-Israyeli. Taakwe naakazileka pe. 3#Lev 26:17; Dt 4:23,24; 6:13; Bab 2:14; Int 7:11; Is 10:5,6; 42:8; Nah 1:3,6; 2 Bam 8:12Lino bukali bwa-Jehova bwakabukila ba-Israyeli, aboobo wakabaaba mumaanza aa-Hazaeli mwami wa-Aramu amumaanza aa-Benihadadi mwana wa-Hazaeli mazuba oonse. 4#My 21:7; Bab 6:6-8; Int 78:34; 106:23; Jer 2:27; Kul 3:7; 2 Bam 14:26; Tus 15:3; Jer 32:19Mpawo Jehoazi wakalibombya kubusyu bwa-Jehova, nkabela Jehova wakamuswiilila, nkaambo wakabona kuti ba-Israyeli balipengede, nkaambo mwami wa-Aramu wakali kubapenzya. 5#2 Bam 14:25,27; Lk 2:11Elyo Jehova wakabusizya Israyeli muyuni wakubavuna mumaanza aabaAramu, aboobo ba-Israyeli bakakala mumaanda aabo mbubonya mbuli lyoonse. 6#1 Bam 16:33Nekubaboobo teebakaleka zibi zyaluzubo lwa-Jeroboamu nzyaakacitya ba-Israyeli, bakacili kweenda mulinzizyo, azyalo zifwanikisyo zyamituni zyakacili wo mu-Samariya. 7#Am 1:3Nkaambo Jehoazi taakwe naakasyaalilwa bantu, cita basimabbiza bali makumi osanwe ankalaki zili ikumi abasimyeendo bali zyuulu zili ikumi, nkaambo mwami wa-Aramu wakabanyonyoona akubacita mbuli lusuko lwacipolelo.
8Lino makani amwi aa-Jehoazi, ancito zyakwe zyoonse, anguzu zyakwe, sa taalembedwe mubbuku lyamakani aaciindi aabami ba-Israyeli? 9Elyo Jehoazi naakafwa, wakazikwa mu-Samariya, nkabela mwanaakwe Joasi nguwakalya izina lyakwe.
Bwami bwa-Joasi mucisi ca-Israyeli
10Mumwaka wamakumi otatwe amusanu aibili wabwami bwa-Joasi mwami wa-Juda, Joasi mwana wa-Jehoazi wakaba mwami wa-Israyeli muSamariya, nkabela wakeendelezya myaka iili ikumi amusanu aumwi. 11Nkabela wakacita bubi mumeso aa-Jehova, Taakwe naakaleka abuniini zibi zya-Jeroboamu mwana wa-Nebati nzyaakacitya ba-Israyeli, Wakeenda mulinzizyo. 12#2 Bam 14:9,15; 2 Mak 25:17Lino makani amwi aa-Joasi, azyoonse nzyaakacita, anguzu zyakwe nzyaakalwisya Amaziya mwami wa-Juda, sa taalembedwe mubbuku lyamakani aaciindi aabami ba-Israyeli? 13Elyo Joasi naakafwa, Jeroboamu nguwakalya bwami. Nkabela Joasi wakazikwa mu-Samariya antoomwe abami ba-Israyeli,
Elisha mbwaakaciswa. Mbwaakaambaula a-Joasi
14 #
2 Bam 2:12; Job 22:30 Lino Elisha wakaciswa bulwazi bwakwe bwankwelelela, nkabela Joasi mwami wa-Israyeli wakeza kumuswaya, walila kubusyu bwakwe, wati, Taata! Taata! Inkalaki ya-Israyeli abasimabbiza bayo! 15Elyo Elisha wakamwaambila kuti, Bweza buta amivwi. Wakabweza buta amivwi. 16#Matl 49:24; 2 Bam 4:34Lino wakaambila mwami wa-Israyeli kuti, Bika ijanza lyako abuta. Elyo wakabika ijanza lyakwe alimbubo, alakwe Elisha wakabika maanza aakwe atala amaanza aamwami. 17#1 Bam 20:26Alimwi wakati, Amujalule impalangwizyo yakujwe. Bamane buyo kujalula, Elisha wakati, Fusa. Mpawo wakafusa, nkabela Elisha wakati, Ngooyu muvwi waluzundo lwa-Jehova, muvwi wakuzunda ba-Aramu, Uyookoma ba-Aramu mu-Afeki mane lumwi ukabamaninizye. 18#Kul 17:11Alimwi wakati, Bweza mivwi. Wakaibweza, Lino wakaambila mwami wa-Israyeli kuti, Iumye ansi. Wakaiumya ziindi zyotatwe, waleka. 19Mpawo muntu wa-Leza wakamukalalila, wati, Weelede kuuma ziindi zyosanwe nanka ziindi zili musanu acimwi. Nowacita obo nowazunda ba-Aramu mane kubamaninizya, anukuti lino uyoobazunda ziindi zyotatwe buyo.
Elisha mbwaakafwa
20 #
2 Bam 5:2; 6:33 Lino Elisha wakafwa, nkabela bakamuzika, Nkabela basilumamba baba-Moabu bakali kuza busaala nyika ciindi calwaka. 21#2 Bam 4:35; Mt 27:52; Joh 5:25-29Lino bumwi buzuba nibakali kuzika muntu, kwakaboneka basikusaala, mpawo bakawaala mutunta mukabanda ka-Elisha, Elyo mutunta ugume buyo zifuwa zya-Elisha, muntu wakaputuzya, waima amaulu aakwe.
22 #
2 Bam 8:12
Lino Hazaeli mwami wa-Aramu wakali kupenzya ba-Israyeli mazuba oonse ngaakapona Jehoazi. 23#Kul 33:19; Bab 10:16; Neh 9:31; 2 Bam 14:27; Is 30:18,19; Jer 12:15; Malo 3:32; Ezk 20:9; Kul 2:24,25; 32:13; Mik 7:20; Lk 1:54,55,72,73Pele Jehova wakabafwida luzyalo, wabeetelela, akupiluka kulimbabo, nkaambo kacizuminano cakwe ncaakatangana a-Abrahamu a-Izaka a-Jakobo, Takwakayanda kubafwidilizya pe, nikuba kubatandilila, mbucicibede asunu.
24Mpawo Hazaeli mwami wa-Aramu naakafwa, Beni-hadadi mwanaakwe wakalya izina lyakwe. 25#2 Bam 18:19Elyo Joasi mwana wa-Jehoazi wakanyanzya alimwi mujanza lya-Beni-hadadi mwana wa-Hazaeli minzi eyo njaakanyanzizye munkondo kumaanza aawisi Jehoazi. Ziindi zyotatwe Joasi wakamuzunda, aboobo wakaliboozezya minzi ya-Israyeli.
Currently Selected:
2 Bami 13: Ibbaib63
Highlight
Share
Copy
Want to have your highlights saved across all your devices? Sign up or sign in
The Bible in Tonga (Zambia) © United Bible Societies, 1963.
