2 Bami 14
14
Bwami bwa-Amaziya mucisi ca-Juda
1 #
2 Bam 13:10; 2 Mak 25:1 Mumwaka wabili wabwami bwa-Joasi mwana wa-Jehoazi mwami wa-Israyeli, Amaziya mwana wa-Joasi wakaba mwami wacisi ca-Juda. 2Kali amyaka iili makumi obile amusanu naakaba mwami, nkabela wakeendelezya mu-Jerusalemu myaka iili makumi obile amusanu aine. Izina lyabanyina bakali Joadana waku-Jerusalemu. 3Nkabela wakacita ziluleme mumeso aa-Jehova, pele kuteelana awisi Davida. Wakacita mbubonya mbwaakacita Joasi wisi. 4#2 Bam 12:3; 1 Bam 15:14; 22:43Pele zipaililo zyakuzilundu teezyakagwisigwa pe. Bantu bakacili kupaila akutenta tununkilizyo kulinzizyo. 5#2 Bam 12:20Lino bwami nibwakasimpisya mumaanza aakwe, wakajaya abo balanda bakwe ibakajayide wisi mwami. 6#Dt 24:16; Ezk 18:4,20Pele bana babasikujaya takabajayide pe, mbubonya mbukulembedwe mubbuku lyamulao wa-Musa, Jehova mbwaakalailila kuti, Bawisi tabeelede kujayigwa nkaambo kabana babo, abalo bana tabeelede kujayigwa nkaambo kabamawisi, pele umwi aumwi uleelede kufwida zibi zyakwe mwini.
7 #
2 Mak 25:11; 2 Sam 8:13; Jos 15:38 Alimwi wakajaya ba-Edomu bali zyuulu zili ikumi mukuti lya-Munyo, akuzunda Sela, elyo izina lyawo wakauulika kuti ngu-Jokireeli, mbucaambwa asunu.
Amaziya mbwaakabusya inkondo a-Joasi
8 #
2 Mak 25:17,18; Tus 17:14 Mpawo Amaziya wakatuma batumwa kuli-Joasi mwana wa-Jehoazi mwana wa-Jehu mwami wa-Israyeli, wakati, Boola, tuzoobonane bwaalumi. 9#Bab 9:8; 1 Bam 4:33Pele Joasi mwami wa-Israyeli wakatumina Amaziya mwami wa-Juda mulazyo wakuti, Kakoka ikakali ku-Lebano kakatumina musamu wakedari waku-Lebano, kati, Utupe mwana wako musimbi, kuti mwanaangu mulombe amukwate. Mpawo kwakainda cinyama camusokwe caku-Lebano, calyataula kakoka. 10#Dt 8:14; 2 Mak 32:25; Ezk 28:2,17; Hab 2:4; 2 Mak 35:21; Tus 26:17; Lk 14:31,32Uwe wazunda ba-Edomu, aboobo moyo wako walisumpula. Obu bulemu bukuzulile. Kala kumaanda. Nkaambonzi noyanda kubusya inkondo? Uyoowa omwini acisi ca-Juda coonse.
11 #
Jos 21:16
Nekubaboobo Amaziya takwakamvwa pe, aboobo Joasi mwami waIsrayeli wakeza kuzoobonana bwaalumi a-Amaziya mwami wa-Juda kuBetisemesi mucisi ca-Juda. 12Nkabela ba-Juda bakakomwa kubusyu bwaba-Israyeli akucija umwi aumwi kumunzi wakwe. 13#2 Mak 25:23; Neh 8:16; 12:39; Jer 31:38; Zek 14:10Mpawo Joasi mwami wa-Israyeli wakajata Amaziya mwana wa-Joasi mwana wa-Ahaziya mwami wa-Juda nkukonya ku-Betisemesi, alimwi wakasika ku-Jerusalemu, akumwaya bulambo bwa-Jerusalemu kuzwa ku-Mulyango wa-Efraimu akusikila ku-Mulyango wakucooko, tukokola tuli myanda yone. 14#1 Bam 7:51; 2 Bam 24:13Nkabela wakatola ingolida yoonse, ansiliva, azibelesyo zyoonse izyakajanwa muŋanda ya-Jehova amuziyobwedo zyaŋanda yamwami, abasimubwaange, wainka abo ku-Samariya.
Joasi mbwaakafwa
15 #
2 Bam 13:12
Lino makani amwi aa-Joasi, ancito zyakwe, anguzu zyakwe, ambwaakalwisya Amaziya mwami wa-Juda, sa taalembedwe mubbuku lyamakani aaciindi aabami ba-Israyeli? 16Lino Joasi naakafwa, wakazikwa muSamariya antoomwe abami ba-Israyeli, elyo Jeroboamu mwanaakwe wakalya izina lyakwe.
Amaziya mbwaakafwa
17 #
2 Mak 25:25
Lino kusule lyalufu lwa-Joasi mwana wa-Jehoazi mwami wa-Israyeli, Amaziya mwana wa-Joasi mwami wa-Juda wakapona myaka iili ikumi amusanu. 18Lino makani amwi aa-Amaziya sa taalembedwe mubbuku lyamakani aaciindi aabami ba-Juda? 19#2 Bam 12:20,21; 2 Mak 25:27; Jos 10:31Elyo bakamuvwiya mu-Jerusalemu, aboobo wakacijila ku-Lakisi, pele akwalo ku-Lakisi bakatuma basikumutobela, akumujaya nkuko. 20Lino bakaleta mutunta wakwe amabbiza, aboobo wakazikwa mu-Jerusalemu, mumunzi wa-Davida mubakazikwa bamawisi. 21#2 Bam 15:13; 2 Mak 26:1Mpawo bantu boonse ba-Juda bakabweza Azariya, iwakajisi myaka iili ikumi amusanu aumwi, bamupa bwami mucimanga cawisi Amaziya. 22#1 Bam 9:26; 2 Bam 16:6; Dt 2:8Ngonguwe iwakayakulula Elati akuuboozya mumaanza aaba-Juda kusule lyalufu lwamwami.
Bwami bwa-Jeroboamu wabili mucisi ca-Israyeli
23Mumwaka wakumi amusanu wabwami bwa-Amaziya mwana wa-Joasi mwami wa-Juda, Jeroboamu mwana wa-Joasi wakaba mwami wa-Israyeli mu-Samariya. Wakeendelezya myaka iili makumi one aumwi. 24Nkabela wakacita bubi mumeso aa-Jehova. Taakwe naakaleka zibi zyoonse zyamuselaakwe mwana wa-Nebati nzyaakacitya ba-Israyeli. 25#My 13:21; 34:8; Ezk 47:16-18; Am 6:14; Dt 3:17; Joh 1:1; Mt 12:39; Jos 19:13Alimwi wakaboozya mugaano wacisi ca-Israyeli nkukonya nkuwakabede ciindi. Nyika yakazwa kumanjililo aa-Hamati akusikila kulwizi lwa-Araba, mbubonya mbuli ijwi lya-Jehova Leza wa-Israyeli ndyaakaamba kumulomo wamulanda wakwe musinsimi Jona mwana wa-Amitai waku-Gati-heferi. 26#Kul 3:7,9; Bab 10:16; 2 Bam 13:4; Dt 32:36Nkaambo Jehova wakabona kuti mapenzi aa-Israyeli alalula luu, alimwi taakwe iwakasyeede, naba mulubusi naba muzike, alimwi taakwe sikugwasya ba-Israyeli. 27#2 Bam 13:5Pele Jehova takakaamba kuti njoosansamuna izina lya-Israyeli ansi ano pe, nkaambo kako wakabavuna kujanza lya-Jeroboamu mwana wa-Joasi.
28 #
2 Sam 8:6; 1 Bam 11:24 Lino makani amwi aa-Jeroboamu, azyoonse nzyaakacita, anguzu zyakwe, ambwaakalwisya, ambwaakaboozya mumaanza aa-Israyeli Damasko aHamati iyakali ya-Juda ciindi, sa taalembedwe mubbuku lyamakani aaciindi aabami ba-Israyeli? 29#2 Bam 15:8Elyo Jeroboamu naakazikwa mukabanda abamawisi bami ba-Israyeli, Zekariya mwanaakwe nguwakalya izina lyakwe.
Currently Selected:
2 Bami 14: Ibbaib63
Highlight
Share
Copy
Want to have your highlights saved across all your devices? Sign up or sign in
The Bible in Tonga (Zambia) © United Bible Societies, 1963.
