2 Bami 15
15
Bwami bwa-Azariya mucisi ca-Juda
1 #
2 Bam 14:21
Mumwaka wamakumi obile amusanu aibili wabwami bwa-Jeroboamu mwami wa-Israyeli, Azariya mwana wa-Amaziya wakaba mwami wa Juda. 2Kajisi myaka iili ikumi amusanu aumwi naakaba mwami, nkabela wakeendelezya mu-Jerusalemu myaka iili makumi osanwe aibili, Izina lyabanyina kabali Jekoliya waku-Jerusalemu. 3Nkabela wakacita ziluleme mumeso aa-Jehova, mbubonya mbwaakacita wisi Amaziya. 4#2 Bam 12:3Pele zipaililo zyakuzilundu teezyakagwisigwa pe. Bantu bakacili kupaila akutenta tununkilizyo alinzizyo. 5#2 Mak 26:19; Lev 13:46Nkabela Jehova wakaumya mwami bulwazi bwacinsenda mane kusikila kulufu lwakwe aboobo kakede muŋanda yakwe alike, amakani aaŋanda yabwami akali mumaanza aa-Jotamu mwana wamwami, nguwakali kubeteka bantu banyika. 6Lino makani amwi aa-Azariya, azyoonse nzyaakacita, sa taalembedwe mubbuku lyamakani aaciindi aabami ba-Juda? 7#2 Mak 26:23Elyo Azariya naakafwa, bakamuzika abamawisi mumunzi wa-Davida, nkabela Jotamu mwanaakwe nguwakalya izina lyakwe.
Bwami bwa-Zekariya mucisi ca-Israyeli
8Mumwaka wamakumi otatwe amusanu aitatu wabwami bwa-Azariya mwami wa-Juda, Zekariya mwana wa-Jeroboamu wakaba mwami waIsrayeli, Wakeendelezya mu-Samariya myezi iili musanu aumwi. 9Nkabela wakacita bubi mumeso aa-Jehova, mbubonya mbubakacita bamawisi. Taakwe naakaleka zibi zya-Jeroboamu mwana wa-Nebati nzyaakacitya baIsrayeli. 10#Hos 1:4; Am 7:9; Job 18:5,11-21; 20:4-29; Int 1:4; 37:37; Tus 2:22; 3:33; Muk 8:12,13Elyo Salumu mwana wa-Jabesi wakamuvwiya, wamuuma ku-Jibleamu, wamujaya, akutola bwami bwakwe. 11Lino makani amwi aa-Zekariya alilembedwe mubbuku lyamakani aaciindi aabami ba-Israyeli. 12#2 Bam 10:30; Job 23:13; Int 33:11; Is 14:27; 40:8; Mt 24:35; 1 Pet 1:25Ndendilyo ijwi lya-Jehova ndyaakaambila jehu, lyakuti, Bana bako bamusela wane bayookala acuuno cabwami bwa-Israyeli. Ncobeni cakaba obo.
Bwami bwa-Salumu
13 #
2 Mak 26:1; Mt 1:8 Salumu mwana wa-Jabesi wakaba mwami mumwaka wamakumi otatwe amusanu aine wabwami bwa-Uziya mwami wa-Juda, nkabela wakeendelezya mu-Samariya mwezi omwe. 14#Jos 12:24; 1 Bam 14:17; 15:21,33; Lwi 6:4Elyo Menahemu mwana wa-Gadi wakazwa ku-Tiriza, wasika ku-Samariya, wajaya Salumu mwana wa-Jabesi nkukonya ku-Samariya, akulya bwami bwakwe. 15Makani amwi aa-Salumu, akuvwiya kwakwe nkwaakavwiya, alilembedwe mubbuku lyamakani aaciindi aabami ba-Israyeli.
Bwami bwa-Menahemu
16 #
1 Bam 4:24; 2 Bam 8:12; 2 Mak 36:17; Is 13:16,18; Ezk 9:5,6,10; Hos 13:16 Kuciindi eco nciconya Menahemu wakasaala Tapua, azyoonse izyakali mumo, anyika yawo yoonse kuzwa ku-Tiriza. Bakakaka kumujalwida, nciceeco ncaakasaalila munzi; abanakazi boonse baminsi bamumo wakabapandula.
17Mumwaka wamakumi otatwe amusanu aine wabwami bwa-Azariya mwami wa-Juda, Menahemu mwana wa-Gadi wakaba mwami wa-Israyeli, nkabela wakeendelezya mu-Samariya myaka iili ikumi. 18Nkabela wakacita bubi mumeso aa-Jehova. Mazuba oonse ngaakapona taakwe naakaleka zibi zya-Jeroboamu mwana wa-Nebati nzyaakacitya ba-Israyeli. 19#1 Mak 5:26; Is 9:1; Hos 8:9; 2 Bam 14:5Elyo Puli mwami wa-Asuri wakasika kuzoolwisya nyika, nkabela Menahemu wakapa Puli matalenta aansiliva aali cuulu, kuti amugwasye kukuyumya bwami bwakwe. 20Ayo mali wakaajana kuba-Israyeli, nkukuti kubantu boonse bavubi. Umwi aumwi wakaleta masyekeli aansiliva aali makumi osanwe aakupa mwami wa-Asuri. Mpawo mwami wa-Asuri wakapiluka, taakwe naakakala munyika. 21Lino makani amwi aa-Menahemu, azyoonse nzyaakacita, sa taalembedwe mubbuku lyamakani aaciindi aabami ba-Israyeli P 22Elyo Menahemu naakafwa, Pekahiya mwanaakwe nguwakalya izina lyakwe.
Bwami bwa-Pekahiya
23 #
1 Bam 15:25; 16:8; 22:51; Job 20:5 Mumwaka wamakumi osanwe wabwami bwa-Azariya mwami wa-Juda, Pekahiya mwana wa-Menahemu wakaba mwami wa-Israyeli. Wakeendelezya mu-Samariya myaka yobile. 24Nkabela wakacita bubi mumeso aaJehova, taakwe naakaleka zibi zya-Jeroboamu mwana wa-Nebati nzyaakacilya ba-Israyeli. 25Elyo silutwe wakwe Peka mwana wa-Remaliya wakamuvwiya, antoomwe abantu bali makumi osanwe ba-Gileadi, wamujaya mu-Samariya muŋanda yabwami. Amane kumujaya, wakalya bwami bwakwe. 26Lino makani amwi aa-Pekahiya, azyoonse nzyaakacita, alilembedwe mubbuku lyamakani aaciindi aabami ba-Israyeli,
Bwami bwa-Peka
27 #
2 Mak 28:6; Is 7:1 Mumwaka wamakumi osanwe aibili wabwami bwa-Azariya mwami wa-Juda, Peka mwana wa-Remaliya wakaba mwami wa-Israyeli, Wakeendelezya mu-Samariya myaka iili makumi obile. 28Nkabela wakacita bubi mumeso aa-Jehova, taakwe naakaleka zibi zya-Jeroboamu mwana wa-Nebati nzyaakacitya ba-Israyeli.
29 #
1 Mak 5:26; Is 9:1; 1 Bam 15:20 Kuciindi ca-Peka mwami wa-Israyeli kwakasika Tigilati Pilisere mwami wa-Asuri, wazunda Iyoni, a-Abeli-Bete-Maaka, a-Janoa, a-Kedesiya-Hazori, a-Gileadi, a-Galilaya, nyika yoonse ya-Nafitali, akutola bantu mubuzike ku-Asuri. 30Mpawo Hosea mwana wa-Ela wakavwiya Peka mwana wa-Remaliya, wamuuma, wamujaya, akulya bwami bwakwe mumwaka wamakumi obile wabwami bwa-Jotamu mwana wa-Uziya. 31Lino makani amwi aa-Peka, azyoonse nzyaakacita, alilembedwe mubbuku lyamakani aaciindi aabami ba-Israyeli,
Bwami bwa-Jotamu mucisi ca-Juda
32 #
1 Mak 3:12; 2 Mak 27:1; Mt 1:9 Mumwaka wabili wabwami bwa-Poka mwana wa-Remaliya mwami wa-Israyeli, Jotamu mwana wa-Uziya wakaba mwami wa-Juda. 33Kajisi myaka iili makumi obile amusanu naakaba mwami, nkabela wakeendelezya mu-Jerusalemu myaka iili ikumi amusanu aumwi. Izina lyabanyina bakali Jerusa mwana wa-Zadoki. 34Nkabela wakacita ziluleme mumeso aa-Jehova, mbubonya mbwaakacita Uziya wisi. 35#2 Bam 15:4; 2 Mak 27:3Pele zipaililo zyakuzilundu teezyakagwisigwa, Bantu bakacili kupaila akutenta tununkilizyo kulinzizyo, Ngonguwe wakayaka mulyango waajulu waŋanda ya-Jehova, 36Lino makani amwi aa-Jotamu, azyoonse nzyaakacita, sa taalembedwe mubbuku lyamakani aaciindi aabami ba-Juda? 37#2 Bam 10:32; 2 Mak 28:6; 2 Bam 16:5; Is 7:1Kuciindi eco Jehova wakatalika kubusya Rezini mwami wa-Aramu a-Peka mwana wa-Remaliya kuti balwisye cisi ca-Juda. 38Elyo Jotamu naakafwa, wakazikwa abamawisi mumunzi wa-Davida wisi, nkabela mwanaakwe Ahazi wakalya izina lyakwe.
Currently Selected:
2 Bami 15: Ibbaib63
Highlight
Share
Copy
Want to have your highlights saved across all your devices? Sign up or sign in
The Bible in Tonga (Zambia) © United Bible Societies, 1963.
