2 Bami 16
16
Bwami bwa-Ahazi mucisi ca-Juda
1 #
2 Mak 28:1
Mumwaka wakumi amusanu aibili wabwami bwa-Peka mwana wa-Remaliya, Ahazi mwana wa-Jotamu wakaba mwami wa-Juda. 2Ahazi kajisi myaka iili makumi obile naakaba mwami, nkabela wakeendelezya muJerusalemu myaka iili ikumi amusanu aumwi. Pele taakwe naakacita ziluleme mumeso aa-Jehova Leza wakwe mbuli mbwaakacita Davida wisi. 3#Lev 18:21; Dt 18:10; 2 Bam 17:17; 23:10; 2 Mak 28:3; 33:6; Int 106:37; Jer 7:31; 32:35; Ezk 16:20; 23:37,39; Dt 12:31; 2 Bam 21:2,11; 2 Mak 33:2; Ezk 16:47Wakeenda munzila zyabami ba-Israyeli. Alimwi wakatuuzya mwana wakwe mumulilo mbubonya mbuli ziyanza zisesemya zyabamasi Jehova mbaakatanda kubusyu bwabana ba-Israyeli, 4#1 Bam 14:23; Is 57:5-7; Jer 17:2Wakali kupaila akutenta tununkilizyo azipaililo zyakuzilundu amunsi amisamu yoonse mitete.
Ba-Aramu aba-Israyeli mbubakalwisya cisi ca-Juda
5 #
Is 7:1
Elyo kwakasika Rezini mwami wa-Aramu a-Peka mwana wa-Remaliya mwami wa-Israyeli kuzoolwisya Jerusalemu. Nkabela bakasinkilizya Ahazi, pele bakakacilwa kumuzunda. 6#2 Bam 14:22Kuciindi eco nciconya mwami wa-Edomu wakaboozezya Edomu Elati, watanda ba-Juda kuzwa ku-Elati, elyo baEdomu bakaakukala ku-Elati, nkubacibede asunu.
7 #
2 Bam 15:29; 1 Mak 5:26; 2 Mak 28:20 Lino Abazi wakatuma batumwa kuli-Tigilati-Pilesere mwami wa-Asuri, wati, Ndime mulanda wako, ndime mwanaako, Boola kundivuna kumaanza aamwami wa-Aramu akumaanza aamwami wa-Israyeli, nkaambo bandicitila inkondo. 8#2 Bam 12:18Nkabela Ahazi wakabweza insiliva angolida yoonse izyakajanwa muŋanda ya-Jehova amuziyobwedo zyaŋanda yamwami, watuma cipo kumwami wa-Asuri. 9#Am 1:5; Is 22:6Mpawo mwami wa-Asuri wakamuzuminina, wakeza ku-Damasko, wauzunda akutola bantu bawo mubuzike ku-Kiri. Alakwe Rezini wakamujaya.
Ahazi mbwaakayaka cipaililo mbuli ca-Damasko
10Elyo mwami Ahazi naakaya ku-Damasko kuyooswanaana a-TigilatiPilesere mwami wa-Asuri, wakabona cipaililo caku-Damasko, nkabela mwami Ahazi wakatumina mupaizi Urija cikozyano cacipaililo, mbucakayakidwe akucitwa. 11Mpawo mupaizi Urija wakayaka cipaililo. Mbubonya mbuli mwami Ahazi mbwaakamutumina kuzwa ku-Damasko, mupaizi Urija wakacicita mbubonya, mwami katana sika kuzwa ku-Damasko. 12#1 Bam 13:1; 2 Mak 26:16,19Elyo mwami naakaboola kuzwa ku-Damasko, wakabona cipaililo, nkabela mwami wakaswenenena kucipaililo, watanta alincico, 13watenta cipaizyo cakwe acituuzyo cakwe, watila cipaizyo cakwe cakunywa, akusansaila bulowa bwazipaizyo zyakwe zyakutontozya mpoonya acipaililo. 14#Kul 40:6,29; 2 Mak 4:1Acipaililo camukuba icakali kubusyu bwa-Jehova, wakacigwisya kunembo lyaŋanda mpocakabede akati kacipaililo cakwe aŋanda ya-Jehova, wacibika kubbazu lyakunyika lyacipaililo cakwe. 15#Kul 29:39-41; Matl 44:5; 2 Mak 33:6; Is 2:6; Hos 4:12Nkabela mwami Ahazi wakalailila mupaizi Urija kuti, Acipaililo cipati mpomweelede kutenta cipaizyo cacifumo acituuzyo camangolezya, acipaizyo camwami acituuzyo cakwe, azipaizyo zyabantu boonse banyika, azituuzyo zyabo azipaizyo zyabo zyakunywa, alimwi amusansaile alincico bulowa boonse bwacipaizyo abulowa boonse bwacituuzyo, Pele cipaililo camukuba ncencico ncinjanda kusondya. 16Lino Urija mupaizi wakacita mbubonya mbuli mwami Ahazi mbwaakamulailila.
17 #
2 Mak 28:24; 1 Bam 7:23,27; 2 Bam 25:13-16; 2 Mak 4:15 Nkabela mwami Ahazi wakagonka misinsi yazikazikilo, akugwisya cisambilo kulinjiyo, alimwi wakagwisya cikozyano caziba lyamaanzi kuŋombe izyakacitabilizizye akucibika acitabilizyo camabwe. 18Ayalo inzila iivumbidwe ya-Sabata njibakayakide muŋanda, amanjililo aamwami aakali anze, wakaigwisya muŋanda ya-Jehova, nkaambo kamwami wa-Asuri.
Ahazi mbwaakafwa
19Lino makani amwi aa-Ahazi ambwaakacita, sa taalembedwe mubbuku lyamakani aaciindi aabami ba-Juda na? 20#2 Bam 21:18-26; 2 Mak 28:27Elyo Ahazi naakafwa, wakazikwa antoomwe abasikale bakwe mumunzi wa-Davida, nkabela Hezekiya mwanaakwe wakalya izina lyakwe.
Currently Selected:
2 Bami 16: Ibbaib63
Highlight
Share
Copy
Want to have your highlights saved across all your devices? Sign up or sign in
The Bible in Tonga (Zambia) © United Bible Societies, 1963.
