2 Bami 17
17
Bwami bwa-Hosea. Ba-Israyeli mbubakatolwa mubuzike ku-Asuri
1 #
2 Bam 15:30
Mumwaka wakumi aibili wabwami bwa-Ahazi mwami wa-Juda, Hosea mwana wa-Ela wakaba mwami wa-Israyeli. Wakeendelezya mu-Samariya myaka iili musanu aine. 2Nkabela waka cita bubi mumeso aa-Jehova, pele kuteelana abami ba-Israyeli ibakamutaangunina. 3#2 Bam 18:9; 2 Sam 8:2Lino Salimaneseri mwami wa-Asuri wakeza kuzoomulwisya, nkabela Hosea wakaba muzike wakwe akumuletela mutelo. 4Pele nicakaba ciindi mwami wa-Asuri wakajana luvwiyo muli-Hosea, nkaambo wakatuma batumwa kuliSo mwami wa-Egepita, alimwi wakaleka kuletela mwami wa-Asuri mutelo mbuli mbaakali kucita myaka yakamana. Nkaambo kako mwami wa-Asuri wakamujata, wamwaanga muntolongo. 5#2 Bam 18:9Mpawo mwami wa-Asuri wakainda moonse munyika, wasika ku-Samariya, akuusinkinizya myaka yotatwe. 6#2 Bam 18:10; Hos 13:16; Lev 26:32; Dt 28:36,64; 29:27,28; 1 Mak 5:26Lino mumwaka wamusanu aine wabwami bwa-Hosea, mwami wa-Asuri wakazunda Samariya, watola ba-Israyeli mubuzike ku-Asuri, akubakazika ku-Hala, aku-Habori mulonga waku-Gozani, amuminzi yaba-Medi.
7Cakaba obo nkaambo kakuti ba-Israyeli bakabisizya Jehova Leza wabo iwakabagwisya munyika ya-Egepita akubavuna mumaanza aa-Farao mwami wa-Egepita. Bakali kulemeka mizimu imbi, 8#Lev 18:3; Dt 18:9; 2 Bam 16:3akweenda muziyanza zyabamasi Jehova mbaakatanda kubusyu bwabana ba-Israyeli, amuziyanza bami ba-Israyeli nzibakalenga. 9#Dt 13:6; Ezk 8:12; 2 Bam 18:8Bana ba-Israyeli bakali kucita kumbali milimo iitaluleme kumeso aa-Jehova Leza wabo, Bakaliyakila zipaililo muminzi yabo yoonse, nituba tunzi twamilaka niiba minzi mipati iizyungulukidwe imbaya. 10#1 Bam 14:23; Is 57:5; Kul 34:13; Dt 16:21; Mik 5:14; Dt 12:2; 2 Bam 16:4Nkabela bakaliimikila zisamu azikozyano zyamituni atala lyamalundu oonse malamfu amunsi lyamisamu yoonse mitete, 11akutenta tununkilizyo muzipaililo zyoonse zyakuzilundu mbubonya mbubakacita bamasi Jehova mbaakataanguna kutanda kubusyu bwabo, Alimwi bakacita milimo mibi yakukalazya Jehova. 12#Kul 20:3; Lev 26:1; Dt 5:7; 4:19Bakakomba mizimu Jehova njaakabaambila kuti, Mutaciti obo pe. 13#1 Sam 9:9; Is 1:16-20; Jer 18:11; 25:5; 35:15Pele Jehova wakacenjezya ba-Israyeli aba-Juda kumilomo yabasinsimi boonse ayabasizilengaano boonse, wati, Amuleke inzila zyanu zibi, mubambe imbeta zyangu amilazyo yangu, mucite mulao woonse ngundakalailila bamauso banu angundakamutumina kumiloma yabalanda bangu basinsimi. 14#Dt 31:27; Tus 29:1Nekubaboobo teebakamvwa pe, bakayumya myoyo yabo mbubonya mbuli bamawisi mbubakacita, ibakakaka kusyoma Jehova Leza wabo. 15#Dt 29:25; 32:21; 1 Bam 16:13; 1 Kor 8:4; Int 115:8; Jer 2:5; Rom 1:21; Dt 12:30,31Bakasampaula imbeta zyakwe acizuminano cakwe ncaakatangene abamawisi amacenjezyo aakwe ngaakabacenjezya. Bakatobela zintu zyabuyo akuba mbubonya, akucita mbuli bamasi ibakabazyungulukide, Jehova mbaakabalailila kuti, Mutaciti mbuli baaba. 16#Kul 32:8; 1 Bam 12:28; 14:15; 15:13; 16:33; 18:18; 19:10; 2 Bam 11:18Bakaleka milazyo yoonse ya-Jehova Leza wabo, balicitila zikozyano zifulidwe zyaboombe bobile, alimwi bakalicitila cikozyano camutuni, akukomba makamu makamu aakujulu, akumanina Baala milimo. 17#Lev 18:21; 20:2; 2 Bam 16:3; 2 Mak 28:3; Int 106:37,38; Is 57:5; Jer 7:31; 32:35; Ezk 16:20; 23:37; Dt 18:10; 2 Bam 21:6; Is 2:6; Jer 27:9; Mik 5:12; Inc 16:16; Gal 5:20; 1 Bam 21:20; Is 50:1Nkabela bana babo balombe abana babo basimbi boonse bakabatuuzya mumulilo wacipaililo, alimwi bakali kusonda akucita bulozi, aboobo bakalyaaba kukucita bubi mumeso aa-Jehova akumukalazya. 18#1 Bam 11:13,32Nkaambo kako Jehova wakanyemena ba-Israyeli abukali bupati, wabatanda kuzwa kumeso aakwe mane lumwi kwakasyaala mukowa wa-Juda luzutu,
19 #
Jer 3:8
Abalo ba-Juda teebakabika myoyo yabo kumilao ya-Jehova Leza wabo, Bakeenda muziyanza ezyo nzizyonya ba-Israyeli nzibakalenga. 20#2 Bam 13:3; 15:29Aboobo Jehova wakakaka inyungu zyoonse zya-Israyeli, wabapenzya, wabaaba mumaanza aabasikusaala, mane lumwi wabatandilila kuzwa kubusyu bwakwe.
21 #
1 Bam 11:11,31; 12:20,28 Nkaambo naakakwempa bwami bwa-Israyeli kumaanza aaluzubo lwaDavida, bakabika Jeroboamu mwana wa-Nebati kuti abe mwami wabo, pele Jeroboamu wakalesya ba-Israyeli kutobela Jehova akubacitya zibi loko. 22Elyo bantu ba-Israyeli kabeenda muzibi zyoonse nzyaakacita Jeroboamu, taakwe nibakazileka pe, 23#1 Bam 14:16mane Jehova wakatanda ba-Israyeli kuzwa kubusyu bwakwe, mbubonya mbwaakaamba kumilomo yabalanda bakwe basinsimi boonse, Mbuboobo ba-Israyeli mbubakalonzegwa kuzwa kunyika yabo akutolwa ku-Asuri, nkubacibede asunu.
Bantu mwami wa-Asuri mbaakakazika muminzi yaba-Israyeli batoledwe mubuzike
24 #
Ezr 4:2; 2 Bam 18:34 Mpawo mwami wa-Asuri wakaleta bantu kuzwa ku-Babuloni, akuKuta, aku-Aya, aku-Hamati, aku-Safaravaimu, wabakazika muminzi yaSamariya mucimanga cabana ba-Israyeli, Elyo bakavuba cisi ca-Samariya akukala muminzi yaco. 25#Ef 2:12Nkabela nibakatalika kukala nkuko, teebakali kulemeka Jehova, aboobo Jehova wakatuma balavu akati kabo, ibakali kubajaya. 26Lino mwami wa-Asuri wakaambilwa kuti, Bamasi mbotolede mubuzike akubakazika muminzi ya-Samariya tabezi Leza wanyika mbwabede, aboobo watuma balavu akati kabo, bali mukubajaya, nkaambo kakutaziba Leza wanyika mbwabede. 27#Bab 17:13Mpawo mwami wa-Asuri wakalailila kuti, Kutumwe umwi wabapaizi mbomugwisizye nkuko, ainke kuyookala nkuko akubaiisya Leza wanyika mbwabede. 28Elyo umwi wabapaizi mbubakagwisizye ku-Samariya wakaya, akuyookala ku-Beteli, akubaiisya mbobeelede kulemeka Jehova.
29Pele bakacili kucita ba-Leza babo beni, musyobo umwi aumwi ba-Leza bawo, akubabika mutukombelo twakuzilundu ba-Samariya ntubakacitide. Mbuyakacita misyobo yoonse muminzi mobakakede. 30Bantu bakuBabuloni bakacita Sukoti-Benoti, bantu baku-Kuta bakacita Nerigali, bantu baku-Hamati bakacita Asima, 31#Lev 18:21; Dt 12:31ba-Ayi bakacita Nibazi a-Tarataka, abaSefarayaimu bakali kutenta bana babo mumulilo cakupaizya Adrameleki a-Anameleki ba-Leza ba-Sefaravaimu. 32#1 Bam 12:31Bakali kukomba Jehova, alimwi bakabika bapaizi basalidwe akati kabantu buyo, kufumbwa mbubakayanda, kuti babe bapaizi bazikombelo akubapailila muzikombelo zyakuzilundu. 33#1 Bam 18:21; Is 29:13; Hos 10:2; Zef 1:5; Mt 6:24; Lk 16:13Bakali kulemeka Jehova, pele ba-Leza babo beni abalo bakali kubakomba mbubonya mbuli ziyanza zyazisi mobakazwida. 34#Matl 32:28; 35:10; 1 Bam 11:31Asunu bacicita mbubonya mbuli ziyanza zyabo zyaciindi.
Tabalemeki Jehova, tababambi imbeta aziyanza amulao amilazyo Jehova njaakalailila bana ba-Jakobo ngwaakaulika izina lya-Israyeli. 35#Bab 6:10; Kul 20:5Nkaambo Jehova wakatangana abo cizuminano, alimwi wakabalailila kuti, Mutanoolemeki ba-Leza bambi nikuba kubakotamina nikuba kubamanina milimo nikuba kubapailila. 36#Kul 6:6; Dt 10:20; 12:5-12; Ciy 15:4Jehova iwakamugwisya munyika ya-Egepita anguzu zigambya akuboko kutandabikidwe, ngonguwe ngumweelede kukomba akukotamina akupailila. 37#Dt 5:32Milazyo yakwe ambeta zyakwe amulao wakwe amalailile aakwe ngaakamulembela, muleelede kubika myoyo yanu kukuzicita mazuba oonse. Mutalemeki ba-Leza bambi pe. 38#Dt 4:23Acalo cizuminano cangu ncitutangene anywe, mutacilubi pe. Mutalemeki ba-Leza bambi, 39amulemeke Jehova Leza wanu, nkabela uyoomuvuna mumaanza aabasinkondonyokwe boonse. 40Nekubaboobo teebakamvwa pe, bakali kucita mbubonya mbuli ziyanza zyabo zyaciindi.
41 #
Jos 24:14; Zef 1:5; Lk 16:13; Joh 4:24; Ciy 3:15 Mbuboobo aba bamasi mbubakalemeka Jehova akukomba zikozyano zyabo azyalo. Abalo bana babo abana babana babo bakacita mbubonya. Mbuli mbubakacita bamawisi, bacicita mbubonya asunu.
Currently Selected:
2 Bami 17: Ibbaib63
Highlight
Share
Copy
Want to have your highlights saved across all your devices? Sign up or sign in
The Bible in Tonga (Zambia) © United Bible Societies, 1963.
