2 Bami 18
18
Bwami bwa-Hezekiya
1 #
2 Mak 28:27; 29:1 Mumwaka watatu wabwami bwa-Hosea mwana wa-Ela mwami waIsrayeli, Hezekiya mwana wa-Ahazi wakaba mwami wa-Juda. 2#2 Mak 29:1Ka jisi myaka iili makumi obile amusanu naakaba mwami, nkabela wakeendelezya mu-Jerusalemu myaka iili makumi obile amusanu aine. Izina lyabanyina bakali Abi mwana musimbi wa-Zekariya. 3Nkabela wakacita ziluleme mumeso aa-Jehova mbubonya mbwaakacita Davida wisi. 4#2 Mak 31:1; My 21:9Ngonguwe wakamwaya zipaililo zyakuzilundu akupwayaula ziimikilo akugonka zikozyano zya-Asera. Alimwi wakajaya inzoka yamukuba njaakacitide Musa, nkaambo bana ba-Israyeli bakalizibide kwiitentela tununkilizyo. Yakali kutegwa Nehusitani. 5#2 Bam 19:10; 2 Mak 32:7,8; Job 13:5; 27:1,2; Mt 27:43; Ef 1:12; 2 Bam 23:25Wakali kusyoma Jehova Leza wa-Israyeli, Katakwe naba omwe iwakeelene awe akati kabami boonse ba-Juda ibakamutaangunina naa ibakamutobela. 6#Dt 10:20; Jos 23:8Wakakakatila kuli-Jehova, taakwe naakaleka kumutobela, alimwi wakabamba imbeta zyoonse Jehova nzyaakalailila Musa. 7#Matl 39:2,3; 2 Mak 15:2; Int 46:11; 60:12; Mt 1:23; 1 Sam 18:5; 2 Bam 16:7Nkabela Jehova wakali awe, aboobo kufumbwa nkwaakaya wakali kugwasigwa. Alimwi wakapapila mwami wa-Asuri, waleka kumumanina milimo. 8#1 Mak 4:41; Is 14:29Nkabela wakazunda ba-Filisti koonse akusikila ku-Gaza atunzuunzi twawo, nituba tunzi twamilaka niiba minzi mipati iizyungulukidwe imbaya.
9 #
2 Bam 17:3
Lino mumwaka wane wabwami bwa-Hezekiya, nkukuti mumwaka wamusanu aibili wabwami bwa-Hosea mwana wa-Ela mwami wa-Israyeli, Salimaneseri mwami wa-Asuri wakeza kuzoolwisya Samariya, wausinkinizya. 10#2 Bam 17:6Imane myaka yotatwe wakauzunda. Mumwaka wamusanu aumwi wabwami bwa-Hezekiya, nkukuti mwaka wamusanu aine wa-Hosea mwami wa-Israyeli, Samariya nowakazundwa. 11#1 Mak 5:26Nkabela mwami wa-Asuri wakatola ba-Israyeli mubuzike ku-Asuri, wabakazika ku-Hara, aku-Habori, akumulonga wa-Gozani, amuminzi yaba-Medi, 12#2 Bam 17:7; 1 Bam 9:6; Dan 9:6,10nkaambo kakuti teebakaswiilila ijwi lya-Jehova Leza wabo, alimwi bakamwaya cizuminano cakwe azyoonse Musa mulanda wa-Jehova nzyaakalailila. Teebakamvwa nikuba kucita.
Sanakeribu mbwaakapenzya cisi ca-Juda
13 #
2 Mak 32:1; Is 36:1 Lino mumwaka wakumi aine wabwami bwa-Hezekiya, Sanakeribu mwami wa-Asuri wakeza kuzoolwisya minzi yoonse ya-Juda iili ambaya, waizunda. 14Mpawo Hezekiya mwami wa-Juda wakatumina mwami waAsuri ku-Lakisi nkwaakabede, wati, Ndabisya. Undileke, Kufumbwa nconditondezya ndaleta. Elyo mwami wa-Asuri wakatezya Hezekiya mwami wa-Juda matalenta aansiliva aali myanda yotatwe amatalenta aangolida aali makumi otatwe. 15#1 Bam 15:15-19; 2 Bam 12:18; 16:8; 2 Mak 12:9; 28:21Nkabela Hezekiya wakamupa insiliva yoonse iyakajanwa muŋanda ya-Jehova amuziyobwedo zyaŋanda yamwami. 16Kuciindi eco nciconya Hezekiya wakagwisya ingolida kumakoma aantempele yaJehova akuminsende Hezekiya mwami wa-Juda njaakavumbizizye, wapa mwami wa-Asuri.
17 #
Is 7:3
Lino mwami wa-Asuri wakatuma Taritani a-Rabisarisi a-Rabisake ampi impati kuzwa ku-Lakisi kuya kumwami Hezekiya ku-Jerusalemu, Elyo bakaya, basika ku-Jerusalemu, Basike buyo, bakaima kumufolo waziba lyakutala lili kumugwagwa wamuunda wabasikusanzya. 18Lino bakaita mwami, nkabela kwakeza kulimbabo Eliyakimu mwana wa-Hilikiya mupati wabasiŋanda, a-Sebina mulembi, a-Joa mwana wa-Asafu sikulemba makani.
19 #
2 Mak 32:10
Mpawo Rabisake wakati, Amwaambile Hezekiya kuti, Mbuboobu mbwaamba mwami mupati, mwami wa-Asuri. Ncinzi olu lusyomo lwako ndosyomya? 20#Ezr 4:15Ulayeeya kuti majwi aamilomo buyo alyeelene abusongo anguzu zyakugwasya munkondo. Lino nguni ngonga ulasyoma kuti wandipapila? 21#Is 36:6; Ezk 29:6,7Ncobeni ulasyoma Egepira. Pele oyu musako wako nditete liti fukide buyo liyooyasa ijanza lyakwe kufumbwa uulifunkizya. Mbwabede Faro mwami wa-Egepita kuliboonse bamusyoma. 22#2 Mak 31:1; 32:12; Is 36:7Pele na mwandaambila kuti, Tulasyoma Jehova Leza wesu, sa teensi nguwe Hezekiya ngwaakagwisizya tukombelo twakuzilundu azipaililo, akwaambila bantu ba-Juda aJerusalemu kuti, Muleelede kukomba kucipaililo eci camu-Jerusalemu? 23Lino kopana asimalelo wangu mwami wa-Asuri, Njookupa mabbiza aali zyuulu zyobile, na uwe ulakonzya kujana basikwaatanta. 24Ulakonzya buti kusampaula silutwe naba umwi naba muniini akati kabalanda basimalelo wangu, mbuli mbosyoma ba-Egepita kuti bakugwasye inkalaki abasimabbiza? 25#1 Bam 13:18; 2 Bam 19:6,22; 2 Mak 35:21; Is 7:17; 10:5,19Alimwi sa ndeza kuzoonyonyoona busena obuno cakutazumizigwa Jehova? Jehova nguwakandaambila kuti, Koya ukalwisye cisi eci akucinyonyoona.
26Mpawo Eliyakimu mwana wa-Hilikiya a-Sebina a-Joa bakaambila Rabisake kuti, Utwaambile tubalanda bako muci-Aramu, nkaambo tulamvwa. Utatwaambili muci-Juda mumatwi aabantu bali abulambo. 27Pele Rabisake wakabaambila kuti, Sa mwami wangu wandituma kuzooambila ndinywe amwami wanu majwi aya? Sa teendatumwa kuzooambila bantu bakede abulambo abalo, kuti balye mazyu aabo akunywa minsyu yabo beni?
28Mpawo Rabisake wakaima, wakoongolola ajwi ipati muci-Juda, wati, Amuswiilile majwi aamwami mupati, mwami wa-Asuri. 29#2 Mak 32:15; Job 5:19; Dan 3:15,17; 6:16Mbuboobu mbwaamba mwami. Hezekiya atakamweeni, nkaambo takooyookonzya kumuvuna kumaanza aangu. 30Hezekiya atamusyomyi Jehova, cakwaamba kuti, Jehova ncobeni uyootuvuna, aboobo munzi uno tuukooyooabwa mumaanza aamwami wa-Asuri. 31#Matl 32:20; 33:11; Tus 18:16Mutaswiilili Hezekiya pe, nkaambo mbuboobu mbwaamba mwami wa-Asuri. Amutangane ambebo luumuno akuzwa mumunzi kuza okuno kulindime, elyo muyoolya umwi aumwi micelo yamusaansa wakwe mwini amicelo yamukuyu wakwe mwini akunywa umwi aumwi maanzi aamukalo wakwe mwini, 32#Dt 8:7,8mane nkaze kuzoomutola kunyika iikozyene anyika yanu, nyika yamaila ayawaini, nyika yazinkwa ayamyuunda yamisaansa, nyika yamafuta aamaolifa ayabuci, elyo muyoopona, tamukooyoofwa pe. Mutaswiilili Hezekiya na wamweena cakwaamba kuti, Jehova uyootuvuna. 33#2 Bam 19:12; 2 Mak 32:14; Is 10:10,11Sa nkwali naba omwe akati kaba-Leza babamasi iwakavuna nyika yakwe mumaanza aamwami wa-Asuri? 34#2 Bam 19:13; Jer 49:23; 2 Bam 17:24Bali kuli ba-Leza ba-Hamati aba-Aripadi? Bali kuli ba-Leza ba-Safaravaimu abaHena aba-Iva? Sa bakavuna Samariya mumaanza aangu? 35#Int 2:2,4; 50:21; Is 10:5-15; 42:8; Dan 3:15; Rom 1:21-23Nguuli Leza akati kaba-Leza bamasi oonse iwakavuna nyika yakwe mumaanza aangu? Lino Jehova ulavuna buti Jerusalemu mumaanza aangu?
36Pele bantu bakaumuna buyo, teebakamuvwiila ijwi niliba lyomwe, nkaambo mwami wakalilailide kuti, Mutakamuvwiili pe. 37#Job 1:20; Is 33:7; 36:21,22; Jer 36:24Mpawo Eliyakimu mwana wa-Hilikiya mupati wabasiŋanda a-Sebina mulembi a-Joa mwana wa-Asafu sikulemba makani bakaboola kuli-Hezekiya, azyakusama zyabo zilizapaukide, bamulwiida majwi aa-Rabisake.
Currently Selected:
2 Bami 18: Ibbaib63
Highlight
Share
Copy
Want to have your highlights saved across all your devices? Sign up or sign in
The Bible in Tonga (Zambia) © United Bible Societies, 1963.
