2 Bami 19
19
Hezekiya mbwaakabuzya makani kuli-Isaya
1 #
Int 3:4,8; 27:14; Tus 16:3; Is 37:1; Flp 4:6; 1 Pet 5:6,7 Mpawo mwami Hezekiya naakamvwa, wakazapaula zyakusama zyakwe, wasama zisani zyamasaka, akunjila muŋanda ya-Jehova. 2Alimwi wakatuma Eliyakimu mupati wabasiŋanda a-Sebina mulembi abapaizi bapati, balisamide zisani zyamasaka, kuli-Isaya musinsimi mwana wa-Amozi. 3Bakamwaambila kuti, Mbuboobu mbwaamba Hezekiya. Sunu mbuzuba bwamapenzi abwakutapatilwa abwabweeme, nkaambo bana bali mwida pele taakwe inguzu zyakubazyazya. 4#2 Sam 16:12; 2 Bam 18:35; Int 50:21; Jak 5:16Ambweni Jehova Leza wako wamvwa majwi oonse aa-Rabisake, mwami wa-Asuri simalelo wakwe ngwaakatuma kuti asampaule Leza muumi. Ambweni Jehova Leza wako uyootapatila majwi ngaamvwide. Lino cikombyo cako ciye kujulu cakukombela bantu basyeede.
5Lino balanda bamwami Hezekiya nibakasika kuli-Isaya, 6#Is 37:6; Kul 14:13; 2 Bam 6:16; 2 Mak 32:15,17Isaya wakabaambila kuti, Mbuboobu mbumweelede kwaambila simalelo wanu, Mbuboobu mbwaamba Jehova, Mutayoowi nkaambo kamajwi ngomvwide, balanda bamwami wa-Asuri ngebasampauzya ndime. 7#Job 4:9; Int 11:6; Jer 51:1Amubone! Ndamubikila muuya, nkabela uyoomvwa impuwo akupiluka kucisi cakwe. Omo mucisi cakwe mwini njoomujazya ipanga.
Rabisake mbwaakasampaula Leza
8 #
2 Bam 18:14
Mpawo Rabisake naakapiluka, wakajana mwami wa-Asuri ulalwisya Libina, nkaambo kamvwide kale kuti mwami waleka Lakisi. 9#1 Sam 23:27; Is 37:9Wakamvwa impuwo ya-Tirihaka mwami wa-Etiopiya, yakuti, Bona! Weza kuzookulwisya. Mpawo wakatuma batumwa alwabili kuli-Hezekiya, wabaambila kuti, 10#2 Bam 18:5; 2 Mak 32:15-19; Is 37:10,14Mbuboobu mbumweelede kwaambila Hezekiya mwami wa-Juda. Leza wako ngosyoma atakweeni cakwaamba kuti, Jerusalemu tokooyooabwa mumaanza aamwami wa-Asuri. 11Mulimvwide bami ba-Asuri ncibacitila zisi zyoonse, mbubazinyonyoona, Lino inywe muyoovunwa buti? 12#Matl 11:31; Ezk 27:23Ezyo zisi bamatata nzibakanyonyoona, sa ba-Leza bazyo bakazivuna? Nkukuti zisi mbuli Gozani a-Harani a-Resefi abana ba-Edeni ibakakede mu-Telasara. 13#2 Bam 18:34; 17:24Uli kuli mwami wa-Hamati, amwami wa-Aripadi, amwami wa-Sefaravaimu, awa-Hena, awa-Iva?
Hezekiya mbwaakakomba kuti Leza amugwasye
14 #
Is 37:14
Lino Hezekiya naakatambula lugwalo kumaanza aabatumwa, wakalubala, nkabela ndilyonya Hezekiya wakainka kuŋanda ya-Jehova akuluvungulula kumeso aa-Jehova. 15#Kul 25:22; 1 Sam 4:4; Int 80:1; 99:1; 1 Bam 18:39; Int 96:5; Is 44:6Elyo Hezekiya wakakomba nkukonya oko kubusyu bwa-Jehova, wati, O Jehova Leza wa-Israyeli nokede akati kabakerebimu, nduwe Leza olike wamasi oonse aanyika, Nduwe wakalenga ijulu anyika. 16#Int 31:2; 2 Mak 6:40Koteya matwi aako, O Jehova, uswiilile, Kobika meso aako, O Jehova, ubone. Koswiilila majwi aa-Sanakeribu ngaatuma kukusampaula Leza muumi. 17Ncobeni, O Jehova, bami ba-Asuri basaala misyobo yabantu anyika yabo. 18#Int 115:4Ba-Leza babo, bakabawaala mumulilo, nkaambo tabali ba-Leza pe, nzilengwa zyamaanza aabantu, zisamu amabwe, nciceeco ncibakabanyonyweeda. 19#Int 83:18O Jehova Leza wesu, utuvune kumaanza aakwe, kuti zisi zyoonse zyaansi zizibe kuti nduwe Jehova Leza olike.
Jehova mbwaakamuvwiila kumulomo wa-Isaya
20 #
Int 65:2
Mpawo Isaya mwana wa-Amozi wakatumina Hezekiya ijwi lyakuti, Mbuboobu mbwaamba Jehova Leza wa-Israyeli, Cikombyo cako ncondipailila aamakani aa-Sanakeribu mwami wa-Asuri, ndaciswiilila. 21#Malo 2:13,15; Job 16:4; Int 22:7,8Lino ngaaya majwi Jehova ngaamba aanguwe.
Mwana musimbi nakalindu wa-Zioni wakusampaula, wakudika,
Mwana musimbi wa-Jerusalemu waguna-guna mutwe kusule lyako.
22 #
Int 71:22; Is 5:24; 30:11-15; Jer 51:5 Nguni ngosampaula akumuubya?
Nguni ngolisumpwida mumajwi aako akumututulwida meso?
Ngu-Musalali wa-Israyeli.
23 #
2 Bam 18:18; Int 20:7 Kumulomo wabatumwa bako wasampaula Mwami.
Wakati, Inkalaki zyangu zinji ndatanta azyo amutwe wazilundu,
Ndasika kumagolelo aakataazya aa-Lebano.
Misamu yaco milamfu yakedari ndaitema,
Amisamu yaco mibotu yakupresi.
24Ndasika kumagolelo aaco mulusaka Iusinkide,
Ndasya mikalo akunywa maanzi meenzu,
Milonga yoonse ya-Egepita ndaiyuminizya mukweendeenda kwangu,
25 #
Int 33:11; Is 45:7; 10:5 Ma! Sa tomvwide mbundakakanza kalekale?
Ndakabamba ciindi ncincita sunu,
Ndakakubika kuti ukanyonyoone minzi iizyungulukidwe lubaya,
Ibe matongo buyo.
26 #
Int 129:6
Bantu bayo bamaninwa inguzu,
Balatuntuma akufwa insoni.
Baba mbuli zisyu zyamusokwe ambuli mweemvwe,
Mbuli bwizu bumena atala aciluli,
Bunyonyooka nibutana kukomena,
27 #
Int 139:1
Ndizi mbokala,
Ndizi mboendeenda akuboola,
Ambondikalalila.
28 #
Job 41:2; Ezk 29:4; 38:4; Am 4:2 Mbuli mbondikalalila,
Alimwi kulisumpula kwako mbukumvwigwa mumatwi aangu,
Njoobika kalobyo kangu mumpemu yako,
Alubulo lwangu mukanwa lyako,
Njookupilusya munzila eyo njiyonya njowakaleta.
29 #
1 Sam 2:34; 2 Bam 20:8,9; Is 7:11; Lk 2:12 Lino eci ciyoomubeda citondezyo, Mwaka uno muyoolya izyakalimeneka zilike, amumwaka wabili muyoolya zizwa mulinzizyo, elyo mumwaka watatu muyoobyala akutebula, muyoobyala myuunda yamisaansa akulya micelo kulinjiyo. 30Nkabela cipanzi caluzubo lwa-Juda cicisyeede elyooboola kusimpa miyanda ansi akuzyala micelo ajulu, 31#Is 9:7nkaambo muJerusalemu mulazwa basyeede, amucilundu ca-Ziyoni mulazwa inkamu yabalobosi. Busungu bwa-Jehova mbobuyoocita obo.
32Nkaambo kako mbuboobu mbwaamba Jehova aamwami wa-Asuri, Takooyoonjila mumunzi uno, nikuba kufu sa muvwi mulinguwo, nikuba kulibonya kunembo lyawo antobo, nikuba kuyaka citantilo cavu kulinguwo. 33Inzila eyo njiyonya njaakaleta ulapiluka mulinjiyo. Takoozoonjila mumunzi uno pe, mbwaamba Jehova, 34#2 Bam 20:6; 1 Bam 11:12,13nkaambo nzootabilila munzi uno akuuvuna nkaambo kangu ndemwini akaambo kamulanda wangu Davida.
Basilumamba baba-Asuri mbubakanyonyooka
35 #
2 Mak 32:21; Is 37:36 Lino masiku ayo ngaonya angelo wa-Jehova wakainka kuyoojaya kuzilao zyaba-Asuri zyuulu zyabantu zili mwaanda amakumi aali musanu aatatu amusanu, nkabela bantu nibakafuma kubuka, bajana kuti boonse mitunta iifwide. 36#Matl 10:11; Joh 1:2; 3:3; Nah 1:1; Zef 2:13Mpawo Sanakeribu mwami wa-Asuri wakanyampuka, wapiluka kuyookala ku-Nineve. 37#Ezr 4:2Nkabela naakali kukomba muŋanda yaNisiroki Leza wakwe, Adrameleki a-Sarezere bana bakwe bakamujaya apanga. Lino bakalobokela kucisi ca-Ararati, nkabela mwanaakwe Esarihadoni wakalya izina lyakwe.
Currently Selected:
2 Bami 19: Ibbaib63
Highlight
Share
Copy
Want to have your highlights saved across all your devices? Sign up or sign in
The Bible in Tonga (Zambia) © United Bible Societies, 1963.
