2 Bami 20
20
Hezekiya mbwaakaciswa akupona
1 #
2 Mak 32:24; Is 38:1; 2 Sam 17:23 Kuciindi eco Hezekiya wakaciswa, wakali afwaafwi kufwa. Mpawo Isaya musinsimi mwana wa-Amozi wakamusikila, wakati, Mbuboobu mbwaamba Jehova. Bamba makani aako, nkaambo uzoofwa, tokoozoopona pe. 2Amvwe obo, Hezekiya wakafutata busyu bwakwe, walanga kubulambo, wakomba kuli-Jehova, wati, 3#Neh 13:22; Int 132:1-5; Is 38:3; Matl 5:22,24; 17:1; 1 Bam 3:6Jehova, koibaluka lino mbundakeenda kubusyu bwako mubuswini acamoyo uululeme, akucita zibotu mumeso aako. Nkabela Hezekiya wakalila akulila kupati. 4Elyo Isaya naatakalina kuzwa kulubanza lwaakati, ijwi lya-Jehova lyakamusikila, liti, 5#1 Bam 18:37; 2 Bam 19:20; 2 Mak 32:20,21; Int 65:2; 69:18,19; Lk 11:9,10; Inc 10:31; Job 16:20; Int 39:12; 56:8; Ciy 7:17Pilu ka alimwi, ukaambile Hezekiya musolozi wabantu bangu kuti, Mbuboobu mbwaamba Jehova Leza wauso Davida. Ndamvwa mupailo wako, ndabona misozi yako, lino njookuponya, nkabela mubuzuba bwatatu uyoonjila muŋanda ya-Jehova. 6#2 Bam 19:34; 2 Mak 32:22Njooyungizizya buumi bwako myaka iili ikumi amusanu, alimwi njookuvuna, webo amunzi uno, kumaanza aamwami waAsuri, Njootabilila munzi uno nkaambo kangu ndemwini akaambo kamulanda wangu Davida. 7Mpawo Isaya wakaamba kuti, Amulete cikoto cankuyu, bacibweze akucibika acuute, kuti apone.
8Lino Hezekiya wakabuzya Isaya kuti, Ncinzi citondezyo cakuti Jehova uyoondiponya acakuti njoonjila muŋanda ya-Jehova mubuzuba bwatatu? 9#Is 38:7Isaya wakavuwa kuti, Nceeci citondezyo cizwa kuli-Jehova cakukuzibya kuti Jehova uyoocita ncobeni ncaakasyomezya. Cenzule cicite buti? Ciye kunembo intaamu zili ikumi nanka kupiluka intaamu zili ikumi? 10Hezekiya wakavuwa kuti, Ncintu citete kucenzule kuya kunembo intaamu zili ikumi. Pe. Cenzule cipiluke intaamu zili ikumi. 11#Jos 10:12-14; 2 Mak 32:24,31; Is 38:8Mpawo Isaya musinsimi wakakwiilila Jehova, nkabela wakapilusya cenzule intaamu zili ikumi nzicakaindide kale mucipimyo ca-Abazi.
Hezekiya mbwaakaswayigwa beenzu baku-Babuloni
12 #
Is 39:1
Kuciindi eco Berodaki Baladani mwana wa-Baladani mwami waBabuloni wakatumina Hezekiya magwalo acipo, nkaambo wakamvwa makani aa-Hezekiya mbwaakacisidwe. 13#2 Mak 32:27,31Nkabela Hezekiya wakutambula batumwa cakukondwa, wabatondezya iŋanda yoonse yazilondwedo zyakwe, ansiliva angolida azisyu amafuta mabotu aŋanda yazilwisyo zyakwe azintu zyoonse izyakajanwa muzilondwedo zyakwe. Katakwe cintu niciba cimwi muŋanda yakwe nimuba mubwami bwakwe Hezekiya ncaatakabatondezya. 14Mpawo Isaya musinsimi wakasika kumwami Hezekiya, wamubuzya kuti, Aba bantu bakaambanzi? Bazwa kuli? Lino Hezekiya wakavuwa kuti, Bazwa kucisi cili kule, ku-Babuloni. 15Wakabuzya kuti, Ino ncinzi ncibabona muŋanda yako? Hezekiya wakavuwa kuti, Zintu zyoonse zili muŋanda yangu bazibona. Taakwe cintu niciba cimwi muzilondwedo zyangu ncindatabatondezya.
16Mpawo Isaya wakaambila Hezekiya kuti, Swiilila ijwi lya-Jehova. 17#Lev 26:33; 2 Bam 24:13; Jer 27:21; 52:17Uzibe kuti mazuba aleza, zintu zyoonse zili muŋanda yako azintu zyoonse bamauso nzibakalondola mane kusikila kubuzuba obuno niziyootolwa kuBabuloni. Takukooyoosyaala cintu niciba cimwi, mbwaamba Jehova. 18#2 Bam 24:12,14; Dan 1:3Abalo bana bako bazyalwa kulinduwe, bamwi bayootolwa kuti bakabe bazibe muŋanda yabwami yamwami wa-Babuloni. 19#1 Sam 3:18; Job 1:21; Int 39:9; Malo 3:22,39Lino Hezekiya wakaambila Isaya kuti, Ndibotu ijwi lya-Jehova ndoamba. Nkaambo wakati, Kuzooba luumuno alusinizyo nencipona mebo.
Hezekiya mbwaakafwa
20 #
Neh 3:16
Lino makani amwi aa-Hezekiya, anguzu zyakwe zyoonse, ambwaakacita iziba amufolo wakuletya maanzi kumunzi, sa taalembedwe mubbuku lyamakani aaciindi aabami ba-Juda? 21Lino Hezekiya naakafwa akuzikwa abamawisi, mwanaakwe Manase nguwakalya izina lyakwe.
Currently Selected:
2 Bami 20: Ibbaib63
Highlight
Share
Copy
Want to have your highlights saved across all your devices? Sign up or sign in
The Bible in Tonga (Zambia) © United Bible Societies, 1963.
