2 Ba-Korinto 4

Paulo mbwaakasyomeka kukukambauka Makani Mabotu aa-Kristo

1 # 2 Kor 3:6; 1 Kor 7:25 Nkaambo kaako, mbuli mbutujisi eyi milimo niitwapegwa nkaambo kalweetelelo lwa-Leza, tatulengaani mumyoyo. 2#2 Kor 2:17; 1 Tes 2:5Tulisowede makani, aasisidwe aausya bweeme. Tatweendi cabupyungi pe, nikuba kubisizya lusinizyo lwamakani aa-Leza, anukuti tulaamba lusinizyo antangalala, aboobo tulalilubulula kumanjezeezya aabantu boonse kubusyu bwa-Leza. 3#1 Kor 1:18Nkabela kuti Makani Mabotu ngitukambauka alivumbidwe, kumeso aabaabo bali mukusweeka nkwaavumbidwe, 4#Heb 1:3; Ef 2:2; 2 Tes 2:11; Kol 1:15nkaambo kulimbabo muzimu waansi ano waofwaazya meso aabaabo batazumina, kuti batapaswidwi mumuni wa-Makani Mabotu aabulemu bwa-Kristo, nguwe cinkozya caLeza. 5#2 Kor 1:24Nkaambo teensi makani aandiswe tubeni ngitukambauka, pe, tulakambauka kuti Jesu ngu-Mwami, alimwi swebo tuli bazike banu nkaambo ka-Jesu. 6#Matl 1:3; 2 Kor 3:18; Is 9:1Leza wakaamba kuti, Mumuni ulamunikila mudima, nkabela nguwenya Leza wakamunika mumyoyo yesu kukumunikila bantu akubazibya mbububede bulemu bwa-Leza buboneka mubusyu bwa-Kristo.

Inguzu zyakwe zyakazwa kuli-Leza luzutu

7 # 2 Kor 5:1; Inc 9:15 Lino cintu eci ciyandisi tulicijisi munongo zyabulongo, kukutondezya kuti ezi inguzu zigambya zilazwa kuli-Leza, tazizwi kulindiswe tubeni pe. 8#2 Kor 1:8; 7:5Lyoonse buyo tulilemedwe, nekubaboobo tatuna kumanikililwa. Tulizingidwe nekubaboobo tatuna kuzingisigwa. 9Tulipenzedwe, nekubaboobo tatusiilidwe. Tuliwisizidwe ansi, nekubaboobo tatuna kulobelela. 10#1 Kor 15:31Lyoonse buyo tulatolelezya mumibili yesu kujayigwa kwa-Jesu, kuti buumi bwa-Jesu abwalo buboneke mumibili yesu. 11#Rom 8:36Nkaambo mazuba oonse nitucilanga tulaabwa kulufu nkaambo ka-Jesu, kuti buumi bwa-Jesu abwalo buboneke mumibili yesu iifwika. 12Aboobo mulindiswe mulabeleka lufu, anukuti mulindinywe mulabeleka buumi.

Bulangizi bwabuumi butamani

13 # Int 116:10 Lino tulijisi mumyoyo yesu olo lusyomo ndulonya mbuli mbukulembedwe kuti, Ndakasyoma, nciceeci ncindakaambila, Aswebo tulasyoma, nkabela nciceeci ncitwaambila. 14#1 Kor 6:14Tulizi kuti oyo iwakabusya Mwami Jesu ulatubusya aswebo antoomwe a-Jesu, alimwi ulatusitikizya antoomwe anywebo kubusyu bwakwe. 15#2 Kor 1:3-6Nkaambo makani oonse aba nkaambo kandinywe kuti mbuli mbuluvuzigwa luzyalo kubantu banji, kulumba akwalo kuvule mbubonya akuletela Leza bulemu.

Zintu zibonwa azintu zitabonwa mbuzipambuhene

16 # Ef 3:16 Nkaambo kaako nsikonzyi kutyompokelwa, Nikuba kuti buntu bwesu bwaanze bulaloba, pele buntu bwesu bwamukati buya bulengululwa mazuba conse. 17#Rom 8:17,18Nkaambo mapenzi esu maubauba aakaindi kaniini alainda kutucitila bulemu bupati loko butamani, 18#Heb 11:1,3; Kol 1:16ikuti meso esu taalabilili zintu zibonwa pele zintu zitabonwa, nkaambo zintu zibonwa nzyakaindi buyo anukuti zintu zitabonwa nzeziteeli.

Currently Selected:

2 Ba-Korinto 4: Ibbaib63

Highlight

Copy