2 Ba-Korinto 3
3
Bantu mbaasandula Paulo ncecitondezyo cakuti ngu-Leza wamutuina
1 #
2 Kor 5:12; Rom 16:1; Inc 18:27 Lino sa tulatalika alimwi kulikankaizya? Na sa tulabula, mbuli bamwi, magwalo aakutulubulula kulindinywe na aazwa kulindinywe? 2#1 Kor 9:2Ndinywe lugwalo lwesu, lulembedwe mumyoyo yesu, luzibidwe akubalwa kubantu boonse. 3#Kul 24:12; 31:18; 34:1; Tus 3:3; 7:3; Rom 15:16; Jer 31:33; Ezk 11:19; 36:26Cilabonwa kumeso aabantu boonse kuti muli lugwalo lwa-Kristo lwamumilimo yesu, teensi kwaamba kuti lugwalo lulembedwe enki pe, pele lugwalo lulembedwe a-Muuya wa-Leza muumi, alimwi talulembedwe azilembyo zyamabwe pele azilembyo zyamyoyo yabantu.
Ngu-Leza alike iwakabambila Paulo milimo yakwe
4Mbuboobu mbulubede lusyomo ndutujisi nkaambo ka-Kristo kumeso aa-Leza. 5#2 Kor 2:6Teensi kwaamba kuti swebo tulazulila kubeteka makani tubeni, pe, pele buzulizi bwesu buzwa kuli-Leza. 6#Jer 31:31; 1 Kor 11:25; Rom 7:6; Joh 6:63Nguwe watuzulizizya milimo yamulongo mupya. Oyu mulongo tuuli wamakani aalembedwe buyo, pe, ngwamuuya, nkaambo makani aalembedwe alajaya, anukuti muuya ulapa buumi, 7#Kul 34:29Lino milimo yamakani aalufu aaengwiidwe amabwe, niyakaba abulemu yalo, nkabela bana ba-Israyeli teebakakonzya kudunamina busyu bwa-Musa nkaambo kabulemu bubekesi bwabusyu bwakwe, nekubaboobo obo bubekesi bwakali bwakweela buyo, 8#Gal 3:2,5sa milimo ya-Muuya tiikooinda kuba abulemu na? 9#Dt 27:26; Rom 1:17; 3:21Nkaambo niyakaba abulemu milimo yakulimba bantu milandu, ncobeni milimo yakubalulamya ilainda loko kuba abulemu. 10#Kul 34:29Lino eco icakajisi bulemu ciindi tacicijisi sunu, nkaambo kabulemu obu buinda. 11Nkaambo nicakaba abulemu eco cakati indilile, elyo cilainda kuba abulemu eci cibedelela.
Bulemu bwacizuminano cipya cabunakristo
12Lino mbuli mbutujisi bulangilizi buli boobu, tulaamba kaanzambwene loko, 13#Kul 34:33,35Tatuli mbuli Musa iwakabika cilisitilizyo kubusyu bwakwe, kuti bana ba-Israyeli batadunamine eco cakati indilile. 14#Rom 11:25Myoyo yabo yakaliyumide, nkaambo nikuba kusikila sunu eco cilisitilizyo nciconya mpocicili kuciindi ncibabala ibbuku lya-Mulongo wakalekale, Tabayubunwidwi kuti cakaloba muli-Kristo. 15Pele kusikila sunu kufumbwa ciindi ncibabala ibbuku lya-Musa, cilisitilizyo cilikede kumyoyo yabo. 16#Kul 34:34; Rom 11:23,26Anukuti kufumbwa ciindi ncibapilukila Mwami, cilisitilizyo cilagwisigwa, 17#Joh 7:39; 8:36; Kul 16:7; 24:17; Rom 8:2Mwami ngu-Muuya, nkabela koonse nkwabede Muuya wa-Mwami kuli bulubusi. 18Pele swebo toonse mbutuli amasyu mavumbulule, tuli mbuli ciboniboni, tulabonya bulemu bwa-Leza, aboobo tuli mukuya busanduka akuba mbubonya mbwabede mwini. Tuli mukuya butabukila mubulemu, nkaambo bulemu bwesu bulazwa ku-Mwami Muuya.
Currently Selected:
2 Ba-Korinto 3: Ibbaib63
Highlight
Share
Copy
Want to have your highlights saved across all your devices? Sign up or sign in
The Bible in Tonga (Zambia) © United Bible Societies, 1963.
