Popular Bible Verses from 2 Ba-Korinto 4

Share

ikuti meso esu taalabilili zintu zibonwa pele zintu zitabonwa, nkaambo zintu zibonwa nzyakaindi buyo anukuti zintu zitabonwa nzeziteeli.

Nkaambo kaako nsikonzyi kutyompokelwa, Nikuba kuti buntu bwesu bwaanze bulaloba, pele buntu bwesu bwamukati buya bulengululwa mazuba conse. Nkaambo mapenzi esu maubauba aakaindi kaniini alainda kutucitila bulemu bupati loko butamani

Lyoonse buyo tulilemedwe, nekubaboobo tatuna kumanikililwa. Tulizingidwe nekubaboobo tatuna kuzingisigwa. Tulipenzedwe, nekubaboobo tatusiilidwe. Tuliwisizidwe ansi, nekubaboobo tatuna kulobelela.

Lino cintu eci ciyandisi tulicijisi munongo zyabulongo, kukutondezya kuti ezi inguzu zigambya zilazwa kuli-Leza, tazizwi kulindiswe tubeni pe.

nkaambo kulimbabo muzimu waansi ano waofwaazya meso aabaabo batazumina, kuti batapaswidwi mumuni wa-Makani Mabotu aabulemu bwa-Kristo, nguwe cinkozya caLeza.

Leza wakaamba kuti, Mumuni ulamunikila mudima, nkabela nguwenya Leza wakamunika mumyoyo yesu kukumunikila bantu akubazibya mbububede bulemu bwa-Leza buboneka mubusyu bwa-Kristo.