1 Samuele 24
24
Davida mbwaakafwida Saulo luzyalo kukutamujaya
1 #
1 Sam 23:28
Lino Saulo naakapiluka kuzwa kukutobela ba-Filisti, bakamwaambila kuti, Bona! Davida uli kunkanda ya-Engedi. 2#Int 38:12Mpawo Saulo waka bweza bantu bali zyuulu zyotatwe basalidwe kuzwa kuba-Israyeli boonse, wakaya abo kuyooyandaula Davida abantu bakwe atala amyaala nkuzikala insense. 3#Bab 3:24Nkabela wakasika kuzibondo zyambelele, alimwi kakuli impangala oko nkukonya. Elyo Saulo wakanjila kuyoolala, nkabela Davida abantu bakwe bakalikede mukati muzyooko zyampangala. 4#1 Sam 26:8Lino bantu ba-Davida bakamwaambila kuti, Langa! Bwasika buzuba mbwaakakwaambila Jehova kuti, Bona, njooaba sinkondonyoko mumaanza aako, kuti umucitile mbubonya mbuli mboyanda mumoyo wako, Mpawo Davida wakanyamuka, wakasisikizya kutendulula moombe wacikobela ncaakasamide Saulo. 5#2 Sam 24:10Pele naakamana obo, moyo wakwe wakanyotwa nkaambo kakutendulula moombe wacikobela ca-Saulo. 6#1 Sam 26:11; 2 Sam 1:14; Job 31:29,30Elyo wakaambila bantu bakwe kuti, Jehova anditondye kucita obo kumwami munanike wa-Jehova, Ijanza lyangu limuume buti, mbwali munanike wa-Jehova? 7#Int 7:4; Mt 5:44; Rom 12:17Mbuboobo Davida mbwaakakasya bantu bakwe, kuti batabukile Saulo. Elyo Saulo wakanyamuka kuzwa kumpangala, wakatalika kweenda munzila.
8Mpawo musule Davida alakwe wakanyamuka, wakazwa mumpangala, wakoongolola Saulo, wakati, Simalelaangu O Mwami! Lino Saulo wakaceba, nkabela Davida wakavundama ansi akumukotamina. 9#Int 141:6; Tus 16:28; 17:9Mpawo Davida wakaambila Saulo kuti, Ino nkaambonzi noswiilila majwi aabantu aakuti, Davida ulayanda kukunyonganya? 10Bona! Sunu walibonena omwini ameso aako Jehova mbwaakakwaaba mumaanza aangu mumpangala, nkabela ndakaambilidwe kukujaya, pele ndakufwida luzyalo. Ndati, Nsikonzyi kuvungununa ijanza lyangu kulisimalelo angu, nkaambo ngumunanike waJehova. 11#Int 7:3; 35:7; 1 Sam 26:20Alimwi bona, ta, nguuno moombe wacikobela cako mujanza lyangu. Bona mbundatendulula moombe wacikobela cako akutakujaya, uzibe kuti taakwe bubi nanka mulandu mumaanza aakwe. Nsina kukubisizya pe, nekubaboobo webo ulayubilila buumi bwangu kuti undinyanzye. 12#Matl 16:5; Bab 11:27; Job 5:8Jehova atubeteke yebo ambebo, Jehova nguuyoondikoyekela nduwe, pele ijanza lyangu ndemwini taliyandi pe. 13Mbuli mbukaamba kasimpi kabasikale kati, Bubi bulazwa kubabi. Tokooyoobisizigwa kujanza lyangu pe. 14#1 Sam 26:20; Job 32:9; Tus 5:23; 1 Sam 17:43; 2 Sam 9:8Lino nguni ngwaza butobela mwami wa-Israyeli? Nguni ngoza butanda? Ulatobela mubwa uufwide. Ulatobela injina buyo. 15#2 Mak 24:22; Int 35:1; 43:1; Mik 7:9Lino Jehova nguuti be mubetesi wesu, nguuti tubeteke yebo ambebo. Ulalanga ulavuninina makani aangu akundifutula kumaanza aako,
16 #
1 Sam 26:17
Elyo Davida naakamana kwaambila Saulo aya majwi, Saulo wakati, Sa teensi ijwi lya-Davida mwanaangu? Mpawo Saulo wakatalika kulila. 17#Matl 38:26; Kul 9:27; Mt 5:44Nkabela wakaambila Davida kuti, Webo uliluleme kwiinda ndime, nkaambo wandibweedezezya bubotu, pele mebo ndakakucitila bubi. 18Wandilwiida sunu bubotu mbuwandicitila, nkaambo Jehova walindaabide mumaanza aako, pele tokokandijaya pe. 19Na muntu wajana sinkondonyina, sa ulamuleka kuti ainke caluumuno? Jehova ulakubweedezezya bubotu nkaambo kaceeci ncondicitila sunu. 20#1 Sam 23:17; 2 Sam 3:17; Job 15:25; Mt 2:3-6,13,14Lino ndizi kuti ncobeni nduwe ooyooba mwami. Bwami bwa-Israyeli buyooima nji mumaanza aako. 21Lino kondikonkezezya kuli-Jehova kuti, ndaakufwa utakandimaninizizyi inyungu zyangu nikuba kundinyonyoonina izina lyangu mumukowa wataata. 22Nkabela Davida wakamukonkezezya obo, Mpawo Saulo waka ya kulimbabo, alakwe Davida abantu bakwe bakabweeda kumampangala.
Currently Selected:
1 Samuele 24: Ibbaib63
Highlight
Share
Copy
Want to have your highlights saved across all your devices? Sign up or sign in
The Bible in Tonga (Zambia) © United Bible Societies, 1963.
