1 Samuele 25
25
Lufu lwa-Samuele
1 #
1 Sam 28:3; Is 57:1,2; Matl 50:11; My 20:29; Dt 34:8; Inc 8:2; Matl 14:6; My 12:16; Int 120:5 Lino Samuele wakafwa, nkabela ba-Israyeli boonse bakabungana kuzoomulila akumuzika muŋanda yakwe mu-Rama. Nkabela Davida wakanyamuka, wakaya kunkanda ya-Parana.
Makani aa-Davida a-Nabala a-Abigayeli
2 #
1 Sam 23:24; Jos 15:55; Matl 38:13; 2 Sam 13:23 Lino kakuli umwi muntu ku-Maoni iwakali ambono ku-Karameli. Oyu muntu kali mupati loko, kajisi imbelele zili zyuulu zyotatwe ampongo zili cuulu, nkabela wakali kugela imbelele zyakwe ku-Karameli. 3#Rut 4:11; Tus 14:1; 24:3,4; 31:10; Is 32:5,7Izina lyakwe kali Nabala, azina lyamukakwe kali Abigayeli, nkabela mwanakazi kali musongo, alimwi kali mweebesi, pele mulumi kali sicizindwe, ayalo milimo yakwe yakali mibi, nkabela wakali wamukowa wa-Kalebe. 4#Matl 38:13; 2 Sam 13:23Lino Davida naakali munkanda wakamvwa kuti Nabala uli mukugela imbelele zyakwe ku-Karameli. 5#1 Sam 12:22; Matl 37:14Elyo Davida wakatuma balombe bali ikumi, wakabaambila kuti, Kamuya ku-Karameli kuli-Nabala, mukamujuzye muzina lyangu, 6#2 Sam 18:28; 1 Mak 12:18; Int 122:7; Mt 10:12,13; Lk 10:5mukaambe kuti, Mwabonwa! Mupone kabotu, webo abamukowa wako aboonse bantu mbokede abo. 7Ndamvwa kuti bageli nkubali kulinduwe. Lino beembezi bako twakali abo, nkabela teetwakabakataazya pe, alimwi katakwe cintu ncibakabbidwa ciindi coonse ncibakakede kuKarameli. 8#Neh 8:10; Es 9:19Buzya balombe bako, balakwaambila. Lino aba balombe bangu bafwidwe luzyalo kumeso aako, nkaambo twasika mubuzuba bubotu. Kopa kufumbwa cintu ncojisi kulindiswe tubalanda bako akuli-Davida mwanaako.
9Elyo balombe ba-Davida nibakasika kuli-Nabala, bakamwaambila mbuli aya majwi oonse muzina lya-Davida, lino bakaumuna. 10#Bab 9:28; Int 73:7,8; 123:3,4Mpawo Nabala wakavwiila balanda ba-Davida kuti, Ino nguni Davida? Amwana wa-Jese nguni? Sunu bavula balanda baloboka kulibasimalelo babo. 11#Bab 8:6Sa mbweze insima yangu amaanzi aangu anyama yangu njindajayila bageli bangu akupa bantu mbentezi nkubazwa? 12Mpawo balombe ba-Davida bakapiluka munzila yabo, bakaboola kuzoomwaambila mbuli aya majwi oonse. 13#1 Sam 30:24Lino Davida wakaambila bantu bakwe kuti, Amulyaangile umwi aumwi ipanga lyakwe. Nkabela boonse bakalyaangila mapanga, alakwe Davida mwini wakalyaangila ipanga lyakwe, Mpawo kwakaya bantu bali myaanda yone kutobela Davida, alimwi bali myaanda yobile bakasyaalila zintu zyabo.
14Pele umwi wabalombe wakaambila Abigayeli muka-Nabala kuti, Swiilila! Davida wakatuma batumwa kuzwa kunkanda kuzoojuzya mwami wesu, pele wakabakalalila loko. 15Pele aba bantu bakali babotu loko kulindiswe. Teetwakakataazigwa nanka kubbidwa cintu mazuba oonse ngitwakeenda abo musokwe. 16#Kul 14:22; Job 1:10; Zek 2:5Bakatubeda mbuli lubaya isikati amasiku mazuba oonse ngitwakali abo mukweembela imbelele. 17Lino bona! Koyeeya mboelede kucita, nkaambo mwami wesu abaŋanda bakwe boonse balikanzilidwe bubi. Ncobeni mwana wa-Saatani uutakonzyi kwaambilwa ijwi niliba lyomwe.
18 #
Matl 32:13; 2 Sam 17:28,29; Tus 18:16; 21:14 Lino Abigayeli wakafwambaana kuleta zinkwa zili myaanda yobile, ankomo zyobile zyawaini, anyama injike yambelele zyosanwe, ansuwo zyosanwe zyamisozya, amitunge yamisaansa iiyanikidwe iili mwaanda, azikoto zyankuyu zili myaanda yobile, elyo zyoonse wakazibika ambongolo. 19#Matl 32:16Nkabela wakaambila balombe kuti, Kamuya kunembo, mebo ndeza musule. Pele mulumaakwe Nabala takakamwaambila cintu pe. 20Lino naakacili kweenda ambongolo akuya buseluka kuzwa kubusena busisidwe bwakucilundu, Davida abantu bakwe bakali kuza kuzoomucinga, aboobo bakaswaanana.
21 #
Matl 44:4; Int 35:12; 109:5; Tus 17:13; Jer 18:20; 1 Pet 2:20; 3:17 Lino Davida wakaambide kuti, Ncobeni ndasowa buyo ciindi cangu kukulangila imbono zyoonse zyamuntu oyu munkanda. Taakwe cintu niciba comwe ncaakabbidwa pele sunu wandibweedezezya bubi mubusena bwabubotu, 22#Rut 1:17; 1 Sam 3:17; 20:13,16Leza acitile Davida mbubonya obu na kwiinda, na ndamusiila mwana mwaalumi naba omwe kusikila kukuca.
23 #
Jos 15:18; Bab 1:14 Mpawo Abigayeli naakabona Davida wakafwambaana kuseluka kumbongolo, wakavundama ansi kumeso aa-Davida akumukotamina. 24Elyo wakawida kumaulu aakwe, akumwaambila kuti, O mwami, mulandu ube wangu. Ndemulanda wako ngambe kumatwi aako, Swiilila majwi aangu ndemulanda wako. 25Mwami wangu atabiki moyo wakwe kuliyooyu munaSaatani, kuli-Nabala, nkaambo uli mbubonya mbuli izina lyakwe. Izina lyakwe ngu-Nabala (nkukuti Mufubafuba), nkabela ncobeni uli abufubafuba. Pele mebo ndemulanda wako teendakabona balombe bamwami mbokatuma. 26#2 Bam 2:2; Matl 20:6; Rom 12:19; 2 Sam 18:32Lino mwami, kubuumi bwa-Jehova akubuumi bwako, ncobeni Jehova nguwakukasya kuza kuzootila bulowa akulikoyeka ajanza lyako omwini. Lino basinkondonyoko aboonse bantu bakanza bubi kumwami wangu babe mbubonya mbuli Nabala. 27#Matl 33:11Lino eci cipo ncindaleta ndemulanda wako, acipegwe kubalombe batobela mwami wangu. 28#2 Sam 7:11; 1 Bam 9:5; 1 Mak 17:16; 1 Sam 24:11Kolekelela mulandu wamu landa wako, nkaambo Jehova ulayakila mwami wangu iŋanda iimvwi nji, nkaambo mwami ulalwana inkondo zya-Jehova, nkabela taakwe bubi abuniini bujanwa mulinduwe mazuba oonse. 29#Dt 33:29; Int 66:9; Mt 10:29,30; Inc 17:28; Jer 10:18Nkwali muntu uukutanda akuyandaula buumi bwako, nekubaboobo buumi bwamwami wangu bulaangidwe mucifunte cabuumi cili kuli-Jehova Leza wako, pele buumi bwabasinkondonyoko ulabufusa mbuli cintu cifusigwa akwizo. 30Lino Jehova nazoocitila mwami wangu bubotu boonse mbwaambide akukupa bwami bwa-Israyeli, 31elyo tokoozooba abuusu nanka kupenga mumoyo nkaambo kakutila bulowa butakwe mulandu akulikoyeka ajanza lyako omwini. Nkabela Jehova nazookucitila bubotu, kozooyeeya ndime ndemulanda wako.
32 #
Matl 24:27; Kul 18:10; Ezr 7:27; Int 41:12,13; 72:18; Lk 1:68; 2 Kor 8:16 Mpawo Davida wakaambila Abigayeli kuti, Alumbwe Jehova Leza waIsrayeli! Nguwe wakutuma sunu kuzoondicinga. 33Bulumbwe busongo bwako, ayebo omwini ulumbwe, nkaambo nduwe wandikasya sunu kutila bulowa akulikoyeka ajanza lyangu ndemwini. 34Nkaambo ncobeni mbwali muumi Jehova Leza wa-Israyeli, nguwe iwakandikasya kukucitila bubi, notafwambaana kuza kuzoondicinga, nikwataakusyaala kuli-Nabala junza cifumo mwana mwaalumi naba omwe, 35#1 Sam 20:42; 2 Sam 15:9; 2 Bam 5:19; Lk 7:50; Matl 19:21Mpawo Davida wakatambula kuzwa kumaanza aakwe ezyo nzyaakamuletela. Elyo wakamwaambila kuti, Koya aluumuno kulinduwe. Bona! Ndaswiilila majwi aako. Ndazumina ncoamba.
36 #
2 Sam 13:23; Tus 20:1; 23:29; Is 5:11; 28:1-3; Hos 4:11; Lk 21:34; Ef 5:18 Lino Abigayeli naakasika kuli-Nabala, wakali kunywa muŋanda yakwe mbuli kunywa kwamwami: moyo wakwe wakali kukondezegwa, nkaambo wakakolwa loko. Nkabela taakwe cintu ncaakamwaambila abuniini mane kusikila kukuca. 37#Dt 28:28; Job 15:21Pele cifumo naakakolololwa, mukakwe wakamwaambila aya makani, elyo wakafwida mumoyo, wakaba mbuli ibbwe. 38#Kul 12:29; 2 Sam 6:7; Job 12:10; 34:14,15; Int 104:29; Inc 12:23Nkabela nikwakainda mazuba aali mbuli ikumi, Jehova wakauma Nabala, wakafwa. 39#Tus 22:23; 2 Sam 3:28,29; 1 Bam 2:44; Es 7:10; Int 7:16Mpawo Davida naakamvwa kuti Nabala wakafwa, wakati, Alumbwe Jehova iwakabeteka makani aalusampauko lwangu ndundakasampaulwa kuli-Nabala! Wakandikasya ndemulanda wakwe kucita bubi, alimwi bubi bwa-Nabala Jehova wakabubweedezya amutwe wakwe mwini.
Elyo Davida wakatumina Abigayeli kuti amukwate. 40Lino balanda baDavida nibakasika kuli-Abigayeli ku-Karameli, bakamwaambila kuti, Davida watutuma kulinduwe kuzookutola, kuti ube mukakwe. 41#Rut 2:10,13; Tus 15:33; 18:12Mpawo wakabuka, wakakotamika busyu bwakwe ansi, wakati, Ndemulanda wako nkoombe muzike wakusanzya maulu aabalanda bamwami wangu. 42Elyo Abigayeli wakafwambaana kunyamuka, wakatanta imbongolo, alimwi bamwi basimbi bakwe bosanwe bakamusindikila ansi. Nkabela wakatobela batumwa baDavida, wakaba mukakwe.
43 #
Jos 15:56; 2 Sam 3:2; Matl 2:24; 1 Sam 30:5; Mt 19:5,8 Alakwe Ahinoamu uuzwa ku-Jezreeli Davida wakamukwata. Aba boonse bobile bakaba banakazi bakwe. 44#2 Sam 3:14-16; Is 10:30Pele Mikala mwana wa-Saulo, muka-Davida, Saulo wakamupa Paliti mwana wa-Layisi uuzwa ku-Galimu.
Currently Selected:
1 Samuele 25: Ibbaib63
Highlight
Share
Copy
Want to have your highlights saved across all your devices? Sign up or sign in
The Bible in Tonga (Zambia) © United Bible Societies, 1963.
