1 Samuele 26

Davida mbwaakofwida Saulo insoni lwabili

1 # Int 54:1-2; 1 Sam 23:19 Lino ba-Zifi bakasika kuli-Saulo ku-Gibeya, bakati, Sa Davida teensi nguuyubide mumalundu aa-Hakila aali kunembo lyagundu? 2Mpawo Saulo wakanyamuka, wakainka kunkanda ya-Zifi, abantu ba-Israyeli basalidwe bali zyuulu zyotatwe, Bakaya kuyooyandaula Davida munkanda ya-Zifi. 3Nkabela Saulo wakayaka malabba aakwe mumalundu aa-Hakila aali kunembo lyagundu kumbali aanzila, Lino Davida naakakede munkanda, wakabona kuti Saulo wasika nkukonya kunkanda kuzoomuyandaula. 4Elyo Davida wakatuma basikutwela, nkabela naakazibisya kuti Saulo wasika ncobeni, 5#1 Sam 14:50; 17:55; 2 Sam 2:8ndilyonya Davida wakanyamuka, wakaya oko Saulo nkwaakayakide malabba aakwe. Nkabela Davida wakabona Saulo nkwaakalede, a-Abineri mwana wa-Neri silutwe wabasinkondo bakwe. Saulo wakalilede akati kanola, abantu boonse bakalilede balimuzingulukide. 6#1 Mak 2:16; Bab 7:10Mpawo Davida wakaambila Ahimeleki mu-Hiti a-Abisai mwana waZeruya munyina Joabu kuti, Nguni uuti ndisindikile kuli-Saulo kumalabba? Lino Abisai wakati, Mebo ndakusindikila.

7Elyo Davida a-Abisai bakasika masiku nkubakabede bantu, nkabela Saulo wakalilede, wakali kuona, akati kanola, asumo lyakwe lyakalisekedwe ansi kumutwe wakwe. Alakwe Abineri abantu boonse bakalilede, bakalimuzingulukide. 8#1 Sam 24:18Mpawo Abisai wakaambila Davida kuti, Sunu Leza wamwaaba sinkondonyoko mumaanza aako. Lino nkoomuyase asumo, likajatikizye anyika lweendo lomwe, entamuyase lwabili pe. 9Pele Davida wakaambila Abisai kuti, Pe, utamunyonyooni, nkaambo taakwe muntu uukonzya kutambika ijanza lyakwe kukumulwisya munanike wa-Jehova akutaba amulandu. 10#1 Sam 24:15; 25:38; Int 94:1,2,23; Tus 20:22; Lk 18:7; Rom 12:19; Heb 10:30; Ciy 18:8; Matl 47:29; Dt 31:14; Job 7:1; 14:5; Int 37:13; 1 Sam 31:6; Dt 32:35Davida wakati, Ncobeni Jehova mbwali muumi, Jehova nguuyoomujaya, nanka buzuba bwakwe bwakufwa buyoosika bwini, nanka ulanjila munkondo kuti imujaye. 11#Lev 19:18; 1 Sam 24:6; Tus 24:29; Rom 12:17,19; Jak 5:5-11; 1 Pet 3:9Jehova anditondye kutambika ijanza lyangu kukulwisya munanike wa-Jehova. Pele lino kobweza buyo isumo eli lili kumutwe wakwe ankomo yamaanzi, atweende. 12#Matl 2:21; 15:12; Es 6:1; Is 29:10Mpawo Davida naakamana kubweza isumo ankomo yamaanzi zyakali kumutwe wa-Saulo, bakainka, nkabela taakwe iwakababona, taakwe iwakezi makani, taakwe iwakasinsimuka, pe, boonse bakali mukuona, nkaambo iŋonzi zizwa kuli-Jehova zyakalibajayide.

13Lino Davida wakaya mutala, wakaima kulekule atala acilundu, nkabela kakuli busena bupati akati kabo. 14Mpawo Davida wakoongolola kubantu akuli-Abineri mwana wa-Neri, wakati, Sa tovuwi webo Abineri? Elyo Abineri wakavuwa kuti, Nduweni noita mwami? 15Lino Davida wakaambila Abineri kuti, Sa uwe toli mwaalumi na? Nguni uuli mbuli nduwe mu-Israyeli Nkaambonzi notalindilile mwami simalelaako? Nkaambo kwakasika umwi muntu kuzoonyonyoona mwami simalelaako. 16Eco ncowacita tacili cibotu pe. Ncobeni Jehova mbwali muumi, mwaleelede kufwa, nkaambo kakutalindilila simalelaanu munanike wa-Jehova. Lino bona! Lili kuli isumo lyamwami, ankomo yamaanzi, izyakali kumutwe wakwe? 17#1 Sam 24:16Mpawo Saulo wakaziba ijwi lya-Davida, wakati, Sa eli ijwi talyeensi lyako, Davida mwanaangu? Davida wakati, Ndijwi lyangu, mwami simalelaangu. 18#1 Sam 24:9,11; Int 7:3Alimwi wakati, Nkaambonzi simalelaangu uza bunditobela ndemulanda wako? Ndakacitanzi? Ncibinzi ncinjisi? 19#1 Sam 16:14,23; 18:10; 2 Sam 16:11; 24:1; Dt 4:28; Int 120:5; Kul 15:17; Dt 4:20; 9:26; 2 Sam 14:16; 20:19; Int 106:4,5; Is 19:25Lino mwami simalelaangu aswiilile majwi aamulanda wakwe, Na Jehova nguwakakubusya kuzoondilwisya, atambule cipaizyo. Pele na mbantu balya maila, abatilikizigwe bubi, nkaambo banditanda sunu akundinyanzya caabilo cangu calukono luzwa kuli-Jehova. Baamba kuti, Koya, ukabelekele baleza bambi milimo. 20#1 Sam 24:14Lino bulowa bwangu butatililwi ansi okuno nkwatako Jehova, nkaambo mwami wa-Israyeli weza kuzooyandaula kanjina buyo, uli mbuli muntu uuvwima kwale mumalundu. 21#Kul 9:27; My 22:34; 1 Sam 15:24; 24:17; Mt 27:4; 1 Sam 18:30Mpawo Saulo wakati, Ndabisya, Piluka, mwanaangu Davida, nkaambo nsikooyookubisizya limbi pe, mbuli buumi bwangu mbubwayandika mumeso aako sunu. Ncobeni ndalifubeede akuleya loko malaa.

22Elyo Davida wakavuwa kuti, Langa! Ndeeli isumo lyamwami. Tuma umwi mulombe azoolitole. 23#Int 7:8; 18:20; Muk 8:12; Is 3:10,11Jehova ulabweedezezya muntu umwi aumwi bululami bwakwe abwini bwakwe, Nkaambo Jehova walikwaabide mumaanzanza aangu, pele mebo teendazumina kutambika ijanza lyangu kukulwisya munanike wa-Jehova. 24Lino buumi bwako mbuli mbubulemekedwe sunu mumeso aangu, buumi bwangu abwalo bulemekwe mbubonya mumeso aaJehova, kuti andivune kumapenzi oonse. 25#Matl 32:28; Is 54:17Mpawo Saulo wakaambila Davida kuti, Koba acoolwe, mwanaangu Davida. Kucita ulacita akuzunda ulazunda. Elyo Davida wakainka, alakwe Saulo wakabweeda kulimbabo.

Currently Selected:

1 Samuele 26: Ibbaib63

Highlight

Copy