1 Samuele 27
27
Davida mbwaakaakukala mucisi caba-Filisti
1Lino Davida wakaamba mumoyo wakwe kuti, Inga njoofwa buzuba bumwi mumaanza aa-Saulo. Taakwe cintu cibotu ncinkonzya kucita, cita kuloboka kucisi caba-Filisti, elyo Saulo ulalendaaninwa kundiyandaula limbi mucisi coonse ca-Israyeli, aboobo njoovunwa kumaanza aakwe. 2#1 Sam 25:13; 21:10Mpawo Davida wakanyamuka, wainka abantu bali myaanda iili musanu aumwi mbaakeenda abo, wasika kuli-Akisi mwana wa-Maoki mwami waGati. 3Nkabela Davida wakakala a-Akisi mu-Gati, walo abantu bakwe, umwi aumwi aciinga cakwe, alakwe Davida wakali abanakazi bakwe bobile, Ahinoamu waku-Jezreeli a-Abigayeli muka-Nabala mu-Karameli. 4Lino Saulo wakaambilwa kuti, Davida wacija ku-Gati, elyo takakaboola kumuyandaula limbi.
5Nkabela Davida wakaambila Akisi kuti, Na ndi muyandwi kumeso aako, bandipe kumwi kwakukala mumunzi umwi wacisi cako. Sa ncibotu kuti ndemulanda wako nkale okuno kulinduwe kumunzi wabwami? 6#Jos 15:31; 19:5Mpawo mubuzuba obo mbubonya Akisi wakamupa Zikilaga. Nciceeco Zikilaga ncuuli mumaanza aabami ba-Juda asunu.
7Lino mweelwe wamazuba Davida ngwaakakede mucisi caba-Filisti kuuli mwaaka omwe amyezi yone. 8#Jos 13:2; Bab 1:29; Kul 17:16; 1 Sam 15:7,8; Matl 25:18Nkabela Davida abantu bakwe bakaya kuyoosaala aba-Gesuri aba-Girezi aba-Amaleki, nkaambo eyi misyobo njiyakali kukala koonse kucisi kuzwa ku-Telami kusikila ku-Suri munzila iiya ku-Egepita. 9Nkabela Davida wakanyonyoona cisi coonse. Taakwe wakasyaala muumi, naba mwaalumi naba mwanakazi. Alimwi wakatola imbelele aŋombe ambongolo ankamele azyakusama, elyo wakapiluka akusika kuli-Akisi. 10#Int 141:3; Tus 29:25; 1 Mak 2:9Mpawo Akisi wakaamba kuti, Ino mwali kuyoosaala kuli sunu? Nkabela Davida wakati, Twali kuyoosaala kubbazu lyakumusanza wa-Juda awaba-Jeramiyeli awaba-Keni. 11Pele Davida takakasia muntu naba omwe, naba mwaalumi naba mwanakazi, uucipona wakuleta makani ku-Gati, nkaambo wakati, Ambweni inga balatutola impuwo yakuti mbuboobo mbwaakacita Davida, mbuboobo mbwaakasaala, mazuba oonse naakakede mucisi caba-Filisti. 12Lino Akisi wakazuminina Davida, wakati, Ncobeni kubisya walibisya kubantu bakwe Israyeli, aboobo ulaba muzike wangu lyoonse.
Currently Selected:
1 Samuele 27: Ibbaib63
Highlight
Share
Copy
Want to have your highlights saved across all your devices? Sign up or sign in
The Bible in Tonga (Zambia) © United Bible Societies, 1963.
