1 Samuele 23
23
Davida mbwaakalwana aba-Filisti ku-Keila
1 #
Jos 15:44
Nkabela Davida wakaambilwa kuti, Bona! Ba-Filisti bali mukulwana ku-Kcila, alimwi bali mukusaala matala. 2#My 27:21; Bab 1:1; 1 Sam 28:6; 30:8; 2 Sam 5:19,23; 1 Mak 10:14; 14:10; Int 32:8; 37:5; Tus 3:5,6; Jer 10:23; Jak 1:5Mpawo Davida wakabuzya kuli-Jehova kuti, Sa njiinke kuyoobauma aba ba-Filisti? Nkabela Jehova wakaambila Davida kuti, Koya, ukabaume ba-Filisti akuvuna Kcila. 3Pele bantu ba-Davida bakamwaambila kuti, Tuli mukuyoowa omuno mucisi ca-Juda. Ncobeni tulainda kuyoowa na twaya oko ku-Kcila nkubabede basinkondo baba-Filisti. 4Lino Davida wakabuzya lwabili kuli-Jehova, nkabela Jehova wakavuwa kuti, Nyamuka, uinke ku-Kcila, nkaambo ndabaleta ba-Filisti mumaanza aako. 5Elyo Davida wakainka abantu bakwe ku-Kcila kuyoolwana aba-Filisti, nkabela wakasaala iŋombe zyabo akubauma aluumo lupati. Mbuboobo Davida mbwaakavuna bantu ba-Kcila.
6 #
1 Sam 22:20; 23:6; Job 1:15-19 Nkabela Abiyatare mwana wa-Ahimeleki naakacija kuli-Davida kuzwa ku-Kcila wakeza acikobela cabupaizi mujanza lyakwe. 7#Kul 15:9; 1 Sam 24:4-6; 26:8,9; Int 71:11Lino Saulo wakaambilwa kuti, Davida wasika ku-Kcila. Mpawo Saulo wakati, Leza wamwaaba mumaanza aangu, nkaambo uliialilidwe mbwaaniilila mumunzi uuli amakoma ambaya. 8Lino Saulo wakabunganya bantu boonse kuya kunkondo ku-Kcila kuyoomusinkilizya Davida abantu bakwe. 9#My 27:21; 1 Sam 30:7Nkabela Davida naakaziba kuti Saulo uli mukumukanza bubi, wakaambila Abiyatare mupaizi kuti, Leta okuno cikobela cabupaizi. 10#1 Sam 22:19; 2 Sam 20:20; Es 3:6; Int 44:22Mpawo Davida wakati, O Jehova Leza wa-Israyeli, swiililisya ndime ndemulanda wako, nkaambo Saulo ulayanda kuza ku-Kcila kuzoomwaya munzi nkaambo kandime. 11Sa bantu ba-Kcila balandaaba mumaanza aakwe? Sa Saulo uleza mbubonya mbuli mbemvwide ndemulanda wako? O Jehova Leza wa-Israyeli, kondilwiida ndemulanda wako. Nkabela Jehova wakati, Uleza. 12Lino Davida wakabuzya kuti, Sa bantu ba-Kcila balandaaba, mebo abantu bangu, mumaanza aa-Saulo? Nkabela Jehova wakati, Balamwaaba. 13#1 Sam 22:2; 25:13Mpawo Davida wakanyamuka abantu bakwe bali mbuli myaanda iili musanu aumwi, wakazwa ku-Kcila, wakali kuya bweendeenda kufumbwa nkwaaya, Nkabela Saulo naakaambilwa kuti, Davida waloboka ku-Kcila, wakasaya.
Davida a-Jonatani mbubakaindulula kutangana buzolwani
14 #
Int 11:1; Jos 15:55; 1 Sam 27:1; Int 54:3,4; Tus 1:16; 4:16; Dt 33:3; 1 Sam 2:9; Int 32:7; 33:18; Tus 2:8; Rom 8:31; 2 Tim 3:11; 4:17,18 Nkabela Davida wakakala musokwe mumampangala, alimwi wakakala mumalundu munkanda ya-Zifu, Lino Saulo wakali kumuyandaula mazuba oonse, pele Leza takakamwaaba mumaanza aakwe pe. 15Lino Davida wakabona kuti Saulo uza bumuyandaula kuti amujaye, nkabela Davida wakali munkanda ya-Zifu mucisaka. 16Mpawo Jonatani mwana wa-Saulo wakanyamuka, wainka kuli-Davida oko kucisaka akumuyumyayumya muliLeza. 17#1 Sam 24:20Wakamwaambila kuti, Utayoowi, nkaambo tokoonjizigwa mumaanza aa-Saulo taata, pe. Uyooba mwami wa-Israyeli, nkabela mebo nzooba wabili kulinduwe. Alakwe Saulo taata ulizi obo. 18#1 Sam 18:3; 20:16; 2 Sam 21:7Elyo abo bobile bakatangana cizuminano kubusyu bwa-Jehova, nkabela Davida wakasyaala mucisaka, Jonatani wakabweeda kulinguwe.
Ba-Zifi mbubakati abe Davida mumaanza aa-Saulo
19 #
1 Sam 26:1
Lino bantu ba-Zifi bakainka kuli-Saulo ku-Gibeya, bakati, Sa Davida tayubide kulindiswe mumampangala aamucisaka na? Sa tali kucilundu ca-Hakila cili kululyo lyagundu? 20Lino, O mwami, boola mbuli moyo wako mbuusukeme kuboola, nkabela iswe tuyoomwaaba mumaanza aamwami. 21Mpawo Saulo wakati, Jehova amulongezye, mbuli mbumwandifwida insoni. 22Kamuya lino, kamuciya businizya, mukazibe mweenya wakwe nkuubede nkwayubide. Nguni uumubwene? Ndaambilwa kuti ngusimaanu loko. 23Mukalange, mukazibe ziyubilo zyakwe zyoonse nzyayubila, elyo mwaakuzizibisya mukaboole kulindime, nkabela nzooinke anywe. Na nkwali, nzoomujana ndazoomuyandaula akati kazyuulu zyoonse zya-Juda. 24#Jos 15:55; 1 Sam 25:2Mpawo bakanyamuka, bamuzulwida Saulo kuya ku-Zifi, Nkabela Davida abantu bakwe bakali munkanda ya-Maoni mucimpayuma cili kululyo lyagundu. 25Lino Saulo abantu bakwe bakaya kuyoomuyandaula, nkabela Davida naakaambilwa obo wakaya kumwaala, wakaakukala munkanda ya-Maoni. Nkabela Saulo naakamvwa wakamutobela Davida munkanda ya-Maoni. 26#1 Sam 19:12; 20:38; 2 Sam 15:14; Int 31:22; Int 17:9; 2 Kor 1:8Lino Saulo wakainda kumwi kubbazu lyacilundu, alakwe Davida abantu bakwe bakainda kumwi kubbazu lyacilundu, aboobo Davida wakalibindeene kucija Saulo. Nkabela Saulo abantu bakwe bakazinga Davida abantu bakwe kuti babajate. 27#Dt 32:36; 1 Sam 14:6; 2 Sam 22:1-51; 2 Bam 19:9; Int 18:1-50; Is 37:6-9; 59:1; Jer 15:20,21Elyo kwakasika mutumwa kuli-Saulo, wakati, Fwambaana kuboola, nkaambo baFilisti beza kuzoosaala nyika. 28Mpawo Saulo wakapiluka kuzwa kukutobela Davida, wakaya kuyoolwana aba-Filisti. Nciceeco oyo mweenya nciwakaulikwa kuti, Mwaalawacilobokelo. 29#2 Mak 20:2Lino Davida wakainka kuyookala mumampangala aaku-Engedi.
Currently Selected:
1 Samuele 23: Ibbaib63
Highlight
Share
Copy
Want to have your highlights saved across all your devices? Sign up or sign in
The Bible in Tonga (Zambia) © United Bible Societies, 1963.
