1 Bami 11
11
Solomoni mbwaakabisya kumakani aabanakazi
1 #
Matl 6:2; Ezr 9:12 Pele mwami Solomoni wakayanda banakazi banji bamasi, mwana wa-Farao, abanakazi ba-Moabu aba-Amoni aba-Edomu aba-Sidoni aba-Hiti, 2#Kul 34:16; Dt 7:3bamisyobo eyo Jehova njaakalailila bana ba-Israyeli kuti, Tamweelede kukwatana abo, abalo tabeelede kukwatana anywebo, nkaambo ncobeni balapambula myoyo yanu kumizimu yabo, Aba banakazi Solomoni wakali kukakatila kulimbabo mukuyandana. 3Nkabela kakwete banakazi, bana babami, bali myanda iili musanu aibili, abasimamambe bali myanda yotatwe. Elyo banakazi bakwe bakapambula moyo wakwe. 4#Dt 17:17; Neh 13:26Nkaambo Solomoni naakacembaala, banakazi bakwe bakapambula moyo wakwe kumizimu myeenzu, aboobo moyo wakwe teewakalulama kumeso aa-Jehova Leza wakwe mbuli moyo wa-Davida wisi. 5#Bab 2:13Nkaambo Solomoni wakatobela Asitaroti Leza waba-Sidoni a-Milikomu cisesemyo caba-Amoni. 6#My 14:24Aboobo Solomoni wakacita cibi mumeso aa-Jehova, Takwakatobela Jehova camoyo woonse mbwaakacita Davida wisi pe. 7#My 33:52; 21:29; 2 Bam 23:13Elyo Solomoni wakayaka cipaililo kuti cibe ca-Kemosi cisesemyo ca-Moabu mucilundu cilangene a-Jerusalemu, acimwi ca-Moleki cisesemyo cabana ba-Amoni: 8Alimwi mbubonya obo mbwaakacitila banakazi bakwe beenzu boonse. Wakali kutenta tununkilizyo akutuula zipaizyo kumizimu yabo.
Leza mbwaakakalalila Solomoni
9 #
Dt 7:3; Int 90:7; 1 Bam 3:5; 9:2 Mpawo Jehova wakanyemena Solomoni, nkaambo kakuti moyo wakwe kuupambukide kuli-Jehova Leza wa-Israyeli, iwakalibonya kulinguwe ziindi zyobile, 10#1 Bam 6:12; 9:6; 2 Mak 7:17-22iwakamulailila aamakani aya ngaonya, kuti teelede kutobela mizimu myeenzu, nekubaboobo takatobede majwi ngaakamucenjezya Jehova. 11#1 Bam 12:15; 2 Bam 17:15,21Nkabela Jehova wakaambila Solomoni kuti, Mbuli mbocitide obo akutabamba cizuminano cangu ambeta zyangu nzindakakulailila, lino ncobeni njjookunyanzya bwami akubwaaba mumaanza aabalanda bako. 12Nekubaboobo nsikooyoocita obo nocili muumi pe, nkaambo ka-Davida uso, pele njoonyanzya kumaanza aamwanaako. 13#2 Sam 7:15; 1 Mak 17:13,14; Int 89:33; 1 Bam 12:20; Kul 32:13; 2 Bam 13:23; Dt 12:11; 2 Bam 21:4; 23:27; Int 132:13,14; Is 14:32; 62:1,7Alimwi nsikooyoomunyanzya bwami boonse pe. Njoopa mwanaako musyobo omwe nkaambo ka-Davida mulanda wangu akaambo ka-Jerusalemu ngonsalide.
Leza mbwaakamubusizya basinkondonyina
14 #
Dt 31:16,17; 32:39,41; 1 Mak 5:26; Is 10:5,26; 13:17; Nah 1:2; Hos 9:12 Lino Jehova wakabusizya Solomoni sinkondonyina, nkukuti Hadada mu-Edomu, umwi wabana bamwami baku-Edomu. 15#2 Sam 8:14; 1 Mak 18:12,13; Int 108:10; My 24:19; Dt 20:13; Mal 1:2,3Nkaambo Davida naakali ku-Edomu, Joabu silutwe wampi naakainka kuyoozika bajayidwe, wakajaya baalumi boonse ku-Edomu, 16(nkaambo Joabu aba-Israyeli boonse bakalikede ku-Edomu myezi iili musanu aumwi, mane bakamana kunyonyoona baalumi boonse baku-Edomu), 17pele Hadada wakaloboka, walo abamwi ba-Edomu balanda bawisi, akuya ku-Egepita. Kuciindi eco Hadada wakacili mwana muniini. 18Bakanyamuka kuzwa ku-Midyani, bakasika ku-Parana, elyo kuzwa oko ku-Parana bakatolelela bantu, bakasika ku-Egepita kuli-Farao mwami wa-Egepita, nkabela Farao wakamupa iŋanda azilyo, alimwi wakamwaabila nyika. 19Nkabela Hadada wakabota loko mumeso aa-Farao, aboobo wakamupa mwanakazi, mwanike wamukaakwe mwini, mwanike wa-Takipenesi muka-mwami, kuti akwate. 20Elyo oyo mwanike wa-Takipenesi wakamuzyalila mwana iwakategwa Genubati. Nkabela Takipenesi wakamulesya kunyonka nebakali muŋanda ya-Farao, nkabela Genubati kakede muŋanda ya-Farao akati kabana ba-Farao mwini. 21#1 Bam 2:10,34Lino Hadada naakamvwa, oko ku-Egepita nkwaakabede, kuti Davida uloona abamawisi, alimwi Joabu silutwe wampi ulifwide, Hadada wakaambila Farao kuti, Kondileka kuti njiinke kucisi cangu. 22Pele Farao wakamwaambila kuti, Ncinzi ncobulide okuno kulindime? Nkaambonzi noyanda kwiinka kucisi cako? Wakati, Pe, nekubaboobo kondileka kuti njiinke.
23 #
2 Sam 8:3
Alimwi Leza wakamubusizya sinkondonyina umwi, nkukuti Rezoni mwana wa-Eliyada, iwakacijide kuzwa kumwami wakwe Hadadezeri mwami waku-Zoba. 24#2 Sam 10:8,18Oyu wakaliyobolweda bantu, wakaba musolozi wankamu yabasikusaala, musule lyakujaya kwa-Davida, Elyo bakaya ku-Damasko akukala nkuko, nkabela bakamupa bwami nkukonya oko ku-Damasko. 25#2 Mak 15:2Lino wakaba sinkondonyina waba-Israyeli mazuba oonse ngaakapona Solomoni, wakacita bubi mbubonya mbwaakacita Hadada. Wakasampaula ba-Israyeli akweendelezya ba-Aramu.
26 #
1 Bam 12:2; 13:1; 2 Mak 13:6; 2 Sam 20:21 Aumwi iwakanyampula ijanza lyakwe kukulwisya mwami Solomoni kali Jeroboamu mwana wa-Nebati, mu-Efraimu waku-Zereda, Izina lyabanyina kabali Zeruwa, mukamufu, alimwi kali similimo wa-Solomoni. 27#1 Bam 9:24Makani ngaakalwanya mwami Solomoni ngaaya, Solomoni wakayaka Milo akuyakulula bulambo bwamunzi wa-Davida wisi nkubwakamwaikide. 28#Tus 22:29Nkabela oyu muntu Jeroboamu kali muntu uucenjede loko, elyo Solomoni naakabona kuti mulombe ulabeleka milimo mibotu, wakamwaambila kuti abe mulangi wazibalo zyoonse zyamukowa wa-Josefa. 29#1 Bam 12:13; 14:2; Jos 18:1Lino kuciindi eco, Jeroboamu naakazwa mu-Jerusalemu, Ahija musinsimi waku-Silo wakamujana munzila, Ahija kasamide cikobela cipya, alimwi bakali bobile abalike omo musokwe. 30#1 Sam 15:27; 24:5Mpawo Ahija wakajata cikobela eco cipya ncaakasamide, wakacizapaula tupanzi tuli ikumi atubili. 31#1 Bam 12:1,16-20Elyo wakaambila Jeroboamu kuti, Bweza tupanzi tuli ikumi, nkaambo mbuboobu mbwaamba Jehova Leza waIsrayeli. Njoonyanzya bwami mumaanza aa-Solomoni, lino njookupa misyobo iili ikumi. 32Pele ulasyaalilwa musyobo omwe nkaambo ka-Davida mulanda wangu, akaambo ka-Jerusalemu munzi ngonsalide akati kamisyobo yoonse ya-Israyeli. 33#Bab 2:13; 1 Sam 7:3; My 21:29; Jer 48:7,13; Inc 7:43Nkaambo bandileka, balakomba Asitoreti muzimu waba-Sidoni, a-Kemosi muzimu waba-Moabu, a-Milikomu muzimu wabaAmoni. Tabeendi munzila zyangu cakucita bululami mumeso aangu akubamba imbeta zyangu amilazyo yangu mbwaakacita Davida wisi. 34Nekubaboobo nsikooyoomunyanzya bwami boonse pe, Uyooba mweendelezi mazuba oonse ngaacipona, nkaambo ka-Davida mulanda wangu ngundakasala, iwakabamba imbeta zyangu amilao yangu. 35Pele njoonyanzya bwami mumaanza aamwanaakwe, elyo misyobo iili ikumi njooipa mumaanza aako. 36#2 Sam 7:29; 1 Bam 15:4; 2 Bam 8:19; Int 132:17; Lk 1:69-79; Inc 15:16,17; 2 Sam 21:17; 2 Mak 21:7Mwanaakwe njoomupa musyobo omwe, kuti Davida mulanda wangu abe amumuni kubusyu bwangu mazuba oonse mu-Jerusalemu munzi ngonsalide kuti mbike izina lyangu mumonya mulinguwo. 37Lino uwe, njookubweza, kuti uendelezye mbubonya mbuli moyo wako mbuuyandisya. Uyooba mwami waba-Israyeli. 38#Dt 31:8; Jos 1:5; 2 Sam 7:11,27; 1 Mak 17:10,24-27Nkabela na wabika moyo wako kuzintu zyoonse nzindakulailila, akweenda munzila zyangu akucita ciluleme mumeso aangu akubamba imbeta zyangu amilazyo yangu mbwaakacita Davida mulanda wangu, elyo njooba ayebo, njookuyakila iŋanda injumu mbubonya mbundakayakila Davida, nkabela njookupa cisi ca-Israyeli. 39Ndaamba kupenzya inyungu zya-Davida nkaambo kamakani aya, nekubaboobo nsikooyoobapenzya lyoonse pe,
40Lino Solomoni wakali kuyanda kujaya Jeroboamu, pele Jeroboamu wakanyamuka akucija ku-Egepita kuli-Sisaki mwami wa-Egepita, nkabela wakakala nkukonya ku-Egepita mane kusikila kulufu lwa-Solomoni.
Lufu lwa-Solomoni
41 #
2 Mak 9:29
Lino makani amwi aa-Solomoni, azyoonse nzyaakacita, abusongo bwakwe, sa taalembedwe mubbuku lyamakani aa-Solomoni na? 42#2 Mak 9:30Nkabela ciindi Solomoni ncakeendelezya mu-Jerusalemu kuba-Israyeli boonse cakaba myaka iili makumi one. 43#2 Mak 9:31; Mt 1:7Elyo Solomoni naakalede mukabanda abamawisi mumunzi wa-Davida wisi, Roboamu mwanaakwe nguwakalya izina lyakwe.
Currently Selected:
1 Bami 11: Ibbaib63
Highlight
Share
Copy
Want to have your highlights saved across all your devices? Sign up or sign in
The Bible in Tonga (Zambia) © United Bible Societies, 1963.
