1 Bami 10
10
Mwami mwanakazi waku-Seba mbwaakaswaya Solomoni
1 #
2 Mak 9:1; Int 72:10,15; Is 60:6; Jer 6:20; Mt 12:42; Lk 11:31; Bab 14:12; Tus 1:6 Lino mwami mwanakazi waku-Seba wakaswiilila impuwo ya-Solomoni ayazina lya-Jehova, nkabela wakeza kukumusunka atulabi. 2Waka sika ku-Jerusalemu ampumba impati loko, ankamele ziyumwide zilisyo angolida zinji loko amabwe mayandisi, elyo naakasika kuli-Solomoni, wakamwaambila makani oonse aakali mumoyo wakwe. 3#Tus 1:5; Is 50:4Nkabela Solomoni wakamupandulwida mibuzyo yakwe yoonse. Katakwe cintu niciba comwe icakasisidwe kumwami ancakakacilwa kumupandulwida. 4Lino oyo mwami mwanakazi waku-Seba, naakamana kubona busongo boonse bwa-Solomoni, aŋanda njaakayakide, 5#1 Mak 26:16azilyo zyakuntafule yakwe, akukala kwabalanda bakwe, akukutauka kwabazike bakwe, azyakusama zyabo, abajiki bakwe, azituuzyo nzyaakali kutuula muŋanda ya-Jehova, moyo wakwe wakaata loko.
6Elyo wakaambila mwami kuti, Impuwo yamakani aako ayabusongo bwako, njindakamvwa mucisi cangu, yakali yakusinizya. 7Pele teendakazuminina majwi ngendakamvwa, mane ndasika akubona ameso aangu ndemwini. Lino ncobeni teendakaambilwa cisela, nkaambo busongo bwako abubotu bwako mbupati akwiinda impuwo njindakamvwide. 8#Tus 8:34Bali acoolwe bantu bako! Bali acoolwe aba balanda bako baimvwi lyoonse kubusyu bwako, baswiilila busongo bwako. 9#1 Bam 5:7; Dt 7:8; 2 Mak 2:11; Dan 2:21; 2 Sam 8:15; Int 72:2; Tus 8:15Atembaulwe Jehova Leza wako, iwakabotelwa nduwe akukukazika acuuno cabwami bwa-Israyeli. Jehova mbwayandisya Israyeli lyoonse, nciceeco ncaakakubikila kuti ube mwami, ubeteke makani cakululama. 10Mpawo wakapa mwami matalenta aangolida aali mwaanda amakumi obile, atulisyo tunji loko, amabwe mayandisi, Teekwakaboneka limbi tulisyo tunji tuli boobo mbuli oto mwami mwanakazi waku-Seba ntwaakapa mwami Solomoni.
11 #
1 Bam 9:27; Job 22:24; 2 Mak 9:10 Alimwi maato aa-Hiramu, aakaakugwisya ingolida mucisi ca-Ofiri, akaleta kuzwa ku-Ofiri zisamu zinji loko zyaalmugi, amabwe mayandisi. 12#2 Mak 9:11Nkabela zisamu ezyo zyaalmugi, mwami Solomoni wakazibezya zitabilizyo zyaŋanda ya-Jehova azyaŋanda yamwami, atuntimbwa anyeele zyabasikwiimba. Teekwakaboneka limbi zisamu zili boobo akusikila sunu.
13Lino mwami Solomoni wakapa mwami mwanakazi waku-Seba kufumbwa moyo wakwe nciwakayanda, ncaakakumbila, kutaamba zintu ezyo nzyaakapegwa buyo kumaanza aamwami Solomoni. Elyo wakapiluka, wakaya kunyika yakwe, walo abalanda bakwe.
Buvubi bwa-Solomoni
14Lino bulemu bwangolida iyakatambulwa mumaanza aa-Solomoni mumwaka omwe bwakali matalenta aangolida aali myanda iili musanu aumwi amakumi aali musanu alimwi amusanu alimwi, 15#2 Mak 9:24; Int 72:10; Is 21:13; Gal 4:25kutaamba eyo iyakazwa kubasambazi akubasikuulisya beendeenda, akubami ba-Arabiya akubeendelezi banyika. 16Nkabela mwami Solomoni wakapanga intobo zyangolida iifulidwe zili myanda yobile. Intobo imwi aimwi yakali amasyekeli aangolida aali myanda iili musanu aumwi. 17#1 Bam 14:26; 7:2Alimwi wakapanga zikwabilizyo zili myanda yotatwe zyangolida iifulidwe, Cikwabilizyo cimwi acimwi cakali ampondo zyotatwe zyangolida. Nkabela mwami wakazibika muŋanda yamucisaka ca-Lebano, 18#2 Mak 9:17; Heb 1:3,8; Ciy 20:11Alimwi mwami wakapanga cuuno cipati cameja aanzovu akucivumbya ingolida iisalala. 19Eco cuuno cakalijisi matantilo aali musanu alimwi, akusule lyaco kakuli mutwe wamunamani, akubbazu limwi alimwi lyacikalilo kacijisi zilyokezezyo zyamaboko, abalavu bobile baimvwi kumbali lyazilyokezezyo. 20Alimwi kakuli balavu bali ikumi ababili baimvwi amatantilo aali musanu alimwi kulubazu lumwi alumwi. Teekwakacitwa cimwi ceelene ancico abuniini muzisi zyoonse. 21Nkabela zinywido zyoonse zyamwami Solomoni zyakali zyangolida, azinywido zyoonse zyamuŋanda yamucisaka caku-Lebano zyakali zyangolida iisalala, Katakwe zyansiliva pe, Eci teecakagambya abuniini pe mumazuba aa-Solomoni. 22#Matl 10:4; 1 Bam 22:48; 2 Mak 20:36; Int 48:7; Is 2:16Nkaambo mwami kajisi maato aa-Tarisi aakali kulwizi antoomwe amaato aa-Hiramu. Lomwe mumyaka yotatwe maato aa-Tarisi akali kuza kuleta ingolida, ansiliva, ameja aanzovu, abasokwe ankangantole.
23Lino mwami Solomoni kali mupati kwiinda bami boonse baansi mubuvubi amubusongo. 24Nkabela bami boonse baansi bakali kuyandaula kubona busyu bwa-Solomoni, kuti baswiilile busongo bwakwe Leza mbwaakabikide mumoyo wakwe. 25#2 Sam 8:2,10; Job 42:11; Int 68:29; Mt 2:11Aboonse bakali kuleta umwi aumwi cipo cakwe, zibelesyo zyansiliva, azibelesyo zyangolida, azyakusama, atununkilizyo twamura, azilisyo, amabbiza ambongolo. Bakali kucita obo myaka yoonse,
26 #
Dt 17:16; 1 Bam 4:26; 2 Mak 1:14; 9:25 Nkabela Solomoni wakalivuzizya inkalaki abasimbizi. Kajisi inkalaki zili cuulu amyanda yone, abasimbizi bali zyuulu zili ikumi azibili mbaakabika muminzi yankalaki amu-Jerusalemu mwami mwaakabede. 27#2 Mak 1:15Nkabela insiliva mwami wakaivuzya mu-Jerusalemu mbuli mabwe, ayalo misamu yakedari wakaivuzya mbubonya mbuli mikuyu iili mutulundulundu. 28#Ezk 27:7Amabbiza aa-Solomoni akazwa ku-Egepita aku-Kuwe. Basambazi bamwami bakaaula ku-Kuwe. 29#Jos 1:4; 2 Bam 7:6Inkalaki yakaulwa ku-Egepita mali aansiliva aali myanda iili musanu aumwi, abbiza lyakaulwa mali aali mwanda amakumi osanwe. Aboobo zyakatolwa kumaanza aabasambazi bamwami kubami boonse baba-Hiti ababa-Aramu.
Currently Selected:
1 Bami 10: Ibbaib63
Highlight
Share
Copy
Want to have your highlights saved across all your devices? Sign up or sign in
The Bible in Tonga (Zambia) © United Bible Societies, 1963.
