1 Bami 9
9
Jehova mbwaakalibonya lwabili kuli-Solomoni
1 #
2 Mak 7:11; 1 Bam 7:1; 2 Mak 8:1,6; Muk 2:4 Elyo Solomoni naakamanisya kuyaka iŋanda ya-Jehova aŋanda yamwami amilimo yoonse Solomoni njaakayanda kucita, 2#1 Bam 3:5; 2 Bam 20:5; Int 10:17; 34:17; Dan 9:23; 1 Bam 8:29; Dt 11:12Jehova wakalibonya lwabili kuli-Solomoni, mbubonya mbwaakalibonya naakakede ku-Gibeoni. 3Nkabela Jehova wakamwaambila kuti, Ndamvwa cikombyo cako acikumbizyo cako ncokumbizya kulindime. Ndasalazya iŋanda eyi njoyakide, azina lyangu ndalibika mulinjiyo kukabe kutamani. Meso aangu amoyo wangu zyoonse ziyooba alinjiyo mazuba oonse. 4#Matl 5:22; 6:9; 17:1; 1 Bam 2:4; 3:6; 2 Bam 20:3; Int 16:8; 128:1; Mik 6:8; Mal 2:6Lino webo, na weenda kumeso aangu mbubonya mbuli Davida usa mbwaakeenda, nkukuti camoyo mubotu acakululama, cakucita coonse ncinkulailila, akubamba imbeta zyangu amilazyo yangu, 5#2 Sam 7:12; 1 Bam 2:4; 6:12; 1 Mak 22:10elyo njooimikizya cuuno cabwami bwako akati kaba-Israyeli kukabe kutamani, mbubonya mbuli ijwi ndindakaambila Davida uso, lyakuti, Takukooyookubulikila muntu wakukala acuuno cabwami bwa-Israyeli. 6#2 Sam 7:14; 2 Mak 17:19; Int 89:30Pele na mwaleka kunditobela, noba nduwe nibaba bana bako, akutabamba milazyo yangu ambeta zyangu nzindimupede, akuya bukomba mizimu myeenzu akwiikotamina, 7#Dt 4:26; 2 Bam 17:23; 25:21; Jer 7:14; Dt 28:37; Int 44:14elyo njoonyonyoona ba-Israyeli mpoonya anyika njindakabapa, ayalo iŋanda njindasalazizya izina lyangu njooimwaya kubusyu bwangu, nkabela izina lya-Israyeli liyooba mbuli kasimpi ajwi lyakusampauzya akati kamisyobo yoonse yaansi. 8#Dt 29:24; 2 Mak 7:21; Jer 22:8Iŋanda eyi iyooba itongo buyo. Kufumbwa muntu uuinda alinjiyo uyoogamba akunyontooka, cakubuzya kuti, Ino nkaambonzi Jehova wakacita obo kunyika eyi akuŋanda eyi? 9Mpawo uyoovwiilwa kuti, Nkaambo kakuti bakatakata Jehova Leza wabo iwakagwisya bamawisi kuzwa kucisi caEgepita, bakaakujata mizimu imbi akwiikomba akwiimanina milimo. Nciceeco Jehova ncaabaletela bubi obu boonse.
Makani amwi aabwami bwa-Solomoni
10Lino kumane buyo myaka iili makumi obile, Solomoni naakali kuyaka maanda obile, nkukuti iŋanda ya-Jehova aŋanda yamwami, 11alakwe Hiramu mwami waku-Turo naakali kwaabila Solomoni zisamu zyakedari azisamu zyamulombe angolida acoonse ncaakali kuyanda, mwami Solomoni wakapa Hiramu minzi iili makumi obile mucisi ca-Galilaya. 12Pele Hiramu naakazwa ku-Turo kuzoobona minzi njaakamupa Solomoni, teeyakamubotela pe. 13Lino wakati, Ma! Minzi eyi njowandipa ili buti, mukwesu? Nkabela wakaiulika izina lyacisi ca-Kabuli, mbiicaambwa asunu. 14Mpawo Hiramu wakatumina mwami matalenta aangolida aali mwaanda amakumi obile.
15 #
1 Bam 5:13; 2 Sam 5:9; Jos 19:36; 17:11; Bab 1:29 Lino ngaaya makani aacibalo Mwami Solomoni ncaakacita kuti ayake iŋanda ya-Jehova aŋanda yakwe mwini alubaya abulambo bwa-Jerusalemu, a-Hazori a-Gezeri a-Megido, 16#Jos 16:10(Farao mwami wa-Egepita wakaliinkide kuyoolwisya Gezeri, nkabela wakautentya mulilo akunyonyoona ba-Kanana boonse ibakakede mumunzi, akuupa mwanaakwe musimbi muka-Solomoni ube caabilo cakwe cabwiinga. 17#Jos 16:3; 21:22; 2 Mak 8:5Aboobo Solomoni wakayakulula Gezeri), a-Betihoroni wamunsi, 18#Jos 19:44a-Baalati a-Tadimori munkanda mucisi ca-Juda, 19aminzi yoonse yazilondwedo Solomoni njaakajisi, aminzi yankalaki, aminzi yabasimbizi, akufumbwa cintu Solomoni ncaakayanda kuyaka nimuba mu-Jerusalemu nimuba mu-Lebano nimuba munyika yoonse yabwami bwakwe. 20Nkabela bantu boonse ibakasyeede baba-Amori aba-Hiti abaPerizi aba-Hivi aba-Jebusi, ibatakali bana ba-Israyeli, 21#Bab 1:21; 3:1; Matl 9:25; Ezr 2:55; Neh 7:57; 11:3bana babo ibakacisyeede munyika, bana ba-Israyeli mbibakakacilwa kunyonyoona, aba bantu Solomoni wakabanjizya mucibalo, babe bazike, mbubonya mbubacibede asunu, 22#Lev 25:39; Jer 34:14Pele akati kabantu ba-Israyeli, katakwe Solomoni mbaakanjizya mucibalo pe, nkaambo bakali basilumamba, basilutwe bakwe abasimpi bakwe abami bakwe abasinkalaki bakwe abasimbizi bakwe.
23Lino mbaaba basilutwe ibakabikidwe kuti balange milimo ya-Solomoni: myanda yosanwe amakumi osanwe. Bakali kubelesya bantu ibakali kucita milimo.
24 #
1 Bam 3:1; 7:8; 2 Mak 8:11; 32:5; 2 Sam 5:9; 1 Bam 11:27 Pele mwana musimbi wa-Farao wakazwa mumunzi wa-Davida, wakaakukala kuŋanda yakwe Solomoni njaakamuyakila. Elyo wakayaka Milo.
25Lino ziindi zyotatwe zyamumwaka Solomoni wakali kutuula zituuzyo azipaizyo zyakutontozya acipaililo ncaakayakila Jehova, akutenta tununkilizyo kubusyu bwa-Jehova. Aboobo wakamanisya iŋanda.
26 #
My 33:35; Dt 2:8; 1 Bam 22:48; 2 Mak 20:36 Alimwi mwami Solomoni wakapanga maato ku-Ezioni Geberi kufwaafwi ku-Eloti kunkomwe ya-Lwizi Lusalala mucisi ca-Edomu. 27#1 Bam 5:6,7; 10:11Elyo Hiramu wakatuma amaato ayo balanda bakwe, basibwaato ibakabwene loko makani aalwizi, kuti babe antoomwe abalanda ba-Solomoni. 28#Matl 10:2; 1 Bam 10:11; 2 Mak 8:18; Job 22:24; Int 45:9; Is 13:12Nkabela bakainka ku-Ofiri, bakagwisya oko ingolida iyakali abulemu bwamatalenta aali, myanda yone amakumi obile, akwiisisya kumwami Solomoni.
Currently Selected:
1 Bami 9: Ibbaib63
Highlight
Share
Copy
Want to have your highlights saved across all your devices? Sign up or sign in
The Bible in Tonga (Zambia) © United Bible Societies, 1963.
