1 Bami 12
12
Roboamu mbwaakakaka kugonka mutelo
1 #
2 Mak 10:1
Lino Roboamu wakaya ku-Sekemu, nkaambo ku-Sekemu ba-Israyeli boonse nkubakabungene kuzoomupa bwami. 2#1 Bam 11:26,40Mpawo Jeroboamu mwana wa-Nebati naakamvwa, oko ku-Egepita nkwaakacibede, nkwaakacijide kuzwa kumwami Solomoni, Jeroboamu wakapiluka kuzwa ku-Egepita. 3Nkabela bakatuma kuyoomwiita, elyo Jeroboamu ambungano yoonse yabaIsrayeli bakeza kuzooambila Roboamu, bakati, 4#1 Sam 8:11-18; 1 Bam 4:7,22; 9:15; Job 20:19-23; Tus 3:31; Muk 5:8; Is 58:6; Ezk 45:8; Am 4:1,2; Mik 2:1,3; Mal 3:5; 1 Tes 4:6Uso wakatulemezya mukuli, Lino webo, kotuubulwida cibbalo ciyumu causo amukuli wakwe mulemu ngwaakatulemezya, elyo tuyookubelekela milimo. 5Mpawo wakabaambila kuti, Amwaanzane mazuba otatwe, mukaboole alimwi. Lino bantu bakaanzana.
6 #
Job 12:12; 32:7; Tus 27:10; Muk 10:4; Jer 42:2-5; 43:2 Lino mwami Roboamu wakabuzyanya abapati ibakaimvwi kubusyu bwa-Solomoni wisi naakacili muumi, Wakababuzya kuti, Ino mulalaya buti? Tuvwiile buti bantu aba? 7#2 Mak 10:7; Tus 15:1Bakavuwa kuti, Na ulazumina kuba muzike wabantu aba, akubamanina milimo, akubaambila majwi mabotu, elyo bayooba bazike bako mazuba oonse. 8Nekubaboobo wakakaka lulayo lwabapati ndubakamulaya, wakabuzyanya abamuselanyina mbaakakula abo, ibakaimvwi kubusyu bwakwe. 9Wakababuzya kuti, Anywebo mulalaya buti? Tuvwiile buti bantu aba ibandikumbila kuti, Ubya ijoko uso ndyakatulemezya. 10#1 Bam 3:7; 14:21; 2 Mak 10:10,11; 22:4; Int 7:16; 140:11; Tus 18:6,7; Is 47:6Mpawo bamuselanyina mbaakakula abo bakamwaambila kuti, Mbuboobu mboelede kwaambila bantu aba ibaamba kuti, Uso watulemezya ijoko, lino uwe ubulula ijoko lyesu, Kobaambila kuti, Kantengeza kangu kalakomena kwiinda cikungu cataata. 11Taata wakamulemezya ijoko idemu, lino mebo njoobika bulemu abumwi kujoko, Taata wakamuumya mitatula, pele mebo njoomuumya tubanze.
12Lino Jeroboamu abantu boonse bakaboola kuli-Roboamu mubuzuba bwatatu, mbubonya mbuli ijwi lyamwami lyakuti, Amuboole kulindime mubuzuba bwatatu. 13Nkabela mwami wakaambila bantu cabukali, Wakaleka lulayo lwabapati ndubakamulayide, 14akubaambila mbubonya mbubakamulaya bamuselanyina. Wakati, Taata wakamulemezya ijoko, lino mebo njooyungizizya ijoko lyanu bulemu, Taata wakamuumya mitatula, mebo njoomuumya tubanze. 15#Bab 14:4; 1 Bam 22:23; 2 Mak 10:15; 22:7; Int 5:10; Am 3:6; 1 Bam 11:11Mwami wakakaka kuswiilila bantu, nkaambo makani akazwa kuli-Jehova, kuti azuzikizye majwi aakwe Jehova ngaakaamba kumulomo wa-Ahija waku-Silo, ngaakaambila Jeroboamu mwana wa-Nebati,
Zisi zya-Israyeli a-Juda mbuzyakapambukana
16 #
2 Sam 20:1
Lino ba-Israyeli boonse nibakabona kuti mwami taswiilili, bantu bakavwiila mwami kuti, Iswe tujisi caabilonzi muli-Davida? Tatukwe lukono mumwana wa-Jese pe. Kamuya nyoonse kumaanda aanu nuba-Israyeli. Kobamba iŋanda yako omwini, O Davida, Mpawo ba-Israyeli boonse bakamwaika kuya kumaanda aabo.
17 #
1 Bam 11:13; 2 Mak 10:17; 11:13-17 Pele bana ba-Israyeli ibakakede muminzi ya-Juda, Roboamu kali mwami wabo. 18#2 Sam 20:24; 1 Bam 4:6; 5:14; 2 Mak 10:13Elyo mwami Roboamu wakatuma Adoramu mupati wacibbalo, nkabela ba-Israyeli boonse bakamutulaula mabwe mane wafwa, Mpawo mwami Roboamu wakafwambaana kutanta munkalaki yakwe akucijila ku-Jerusalemu. 19#1 Sam 10:19; 2 Bam 17:21; 2 Mak 10:19Mbuboobo ba-Israyeli mbubakabisizya luzubo lwa-Davida akusikila sunu. 20#1 Bam 11:13Nkabela ba-Israyeli boonse nibakamvwa kuti Jeroboamu waboola, bakatuma kuti aboole kumbungano, elyo bakamubika kuti abe mwami wacisi coonse ca-Israyeli, Katacikwe ibakatobela luzubo lwa-Davida pele mukowa wa-Juda luzutu.
21 #
2 Mak 11:1
Mpawo Roboamu naakasika ku-Jerusalemu, wakayobolola musyobo woonse wa-Juda amusyobo wa-Benjamini, basilumamba basalidwe bali zyuulu zili mwaanda azyuulu zili makumi aali musanu aatatu, kuti bakalwisye luzubo lwa-Israyeli akuboozezya Roboamu mwana wa-Solomoni bwami. 22#2 Mak 11:2Pele ijwi lya-Leza lyakasika kuli-Semaya muntu wa-Leza, lyakuti, 23Ambila Roboamu mwana wa-Solomoni mwami wa-Juda amisyobo yoonse ya-Juda a-Benjamini abantu bamwi kuti, 24#Tus 16:9Mbuboobu mbwaamba Jehova. Mutanoolwisya banabakwanu ba-Israyeli pe. Amuboole umwi aumwi kuŋanda yakwe, nkaambo aya makani akazwa kulindime. Mpawo bakaswiilila ijwi lya-Jehova akupiluka mbubonya Jehova mbwaakabaambila,
Jeroboamu mbwaakayaka zipaililo ku-Dani aku-Beteli
25 #
Matl 12:6; Bab 9:45; Matl 32:30,31; Bab 8:17 Lino Jeroboamu wakayaka Sekemu mucilundu ca-Efraimu, wakaakukala nkuko. Alimwi kuzwa oko wakaakuyaka Penueli. 26#Int 14:1; Rom 8:7Nkabela Jeroboamu wakaamba mumoyo wakwe kuti, Ambweni bwami buyoopiluka kuluzubo lwa-Davida. 27#Dt 12:5; 16:2,6Na bantu aba baya kukutuula zipaizyo muŋanda ya-Jehova yamu-Jerusalemu, myoyo yabantu iyoosandulukila kumwami wabo, kuli-Roboamu mwami wa-Juda, aboobo bayoondijaya akupiluka kuli-Roboamu mwami wa-Juda. 28#2 Bam 10:29; 17:16; Hos 8:4-7; Kul 32:4Lino mwami naakamana kubuzyanya makani, wakapanga boombe bobile bangolida, wakaambila bantu kuti, Camukataazya kuya ku-Jerusalemu. Amubone, noba-Israyeli, Mbaaba ba-Leza banu ibakamugwisya munyika ya-Egepita. 29#Matl 28:19; Hos 4:15; Bab 18:29Mpawo wakabika umwi ku-Beteli, aumwi wakamubika ku-Dani. 30#1 Bam 13:34; 2 Bam 17:21Nkabela aya makani akaba zibi, nkaambo bantu bakali kuya kuliyooyo waku-Beteli, akusikila kuluumwi waku-Dani. 31#1 Bam 13:32,33; My 3:10; 2 Bam 17:32; 2 Mak 11:14; Ezk 44:7Alimwi wakayaka maanda atala azilundu, akubika bapaizi basalidwe akati kabantu boonse buyo ibatakali ba-Levi. 32#Lev 23:33; My 29:12; 1 Bam 8:2,5; Am 7:13Nkabela Jeroboamu wakasala buzuba bwekumi amusanu bwamumwezi wamusanu aitatu kuti bube buzuba bwapobwe, mbubonya mbuli ipobwe liligwa mucisi ca-Juda, elyo wakatuula zituuzyo acipaililo. Wakacita obo ku-Beteli, akupailila boombe mbaakacitide. Amoomo mumonya mu-Beteli mwaakabika bapaizi bazilundu mbaakabikide. 33#My 15:39; 1 Bam 13:1Elyo wakainka kuya kucipaililo ncaakacita ku-Beteli mubuzuba bwakumi amusanu bwamumwezi wamusanu aitatu, mwezi moyo wakwe mwini nguwakayeeya-yeeya. Wakacitila bana baIsrayeli ipobwe, alimwi wakainka kucipaililo kuyootenta tununkilizyo.
Currently Selected:
1 Bami 12: Ibbaib63
Highlight
Share
Copy
Want to have your highlights saved across all your devices? Sign up or sign in
The Bible in Tonga (Zambia) © United Bible Societies, 1963.
