1 Bami 13
13
Muntu wa-Leza mbwaakatapatila Jeroboamu
1 #
2 Bam 23:17; 1 Bam 12:32 Lino kwakaboneka muntu wa-Leza, iwakazwa mucisi ca-Juda, wakeza ajwi lya-Jehova ku-Beteli, Jeroboamu naakaimvwi kucipaililo akutenta tununkilizyo. 2#2 Bam 23:15,16Oyu muntu wakoompolola kucipaililo amajwi aa-Jehova, Wakati, Cipaililo! Cipaililo! Mbuboobu mbwaamba Jehova, Kuyoozyalwa mwana muluzubo lwa-Davida uuyootegwa Josiya. Uyootuula alinduwe bapaizi bazilundu batenta tununkilizyo, azifuwa zyabantu ziyootentwa alinduwe. 3#Kul 4:8,9; Dt 13:1,3; 2 Bam 20:8; Is 7:14; 38:7; Jer 44:29; Joh 2:18; 1 Kor 1:22Nkabela mubuzuba obo mbubonya wakabapa citondezyo. Wakati, Nceeci citondezyo Jehova ncaamba. Amubone! Cipaililo ciyooanduka, atwe lili mpawo liyootika.
4 #
Jer 20:2; Inc 12:1; Tus 21:30; Is 8:9,10; 54:17; Inc 5:39; 13:8-11; 2 Kor 10:6 Mpawo mwami naakamvwa majwi aamuntu wa-Leza ngaakoompolola aacipaililo caku-Beteli, Jeroboamu wakatandabika ijanza lyakwe kuzwa kucipaililo, wakati, Amumujate. Elyo ijanza lyakwe ndyaakamutandabikila lyakayuminina, aboobo wakakacilwa kuligonya. 5Lino cipaililo cakaanduka, alyalo itwe ilyakali acipaililo lyakatika, mbubonya mbuli citondezyo muntu wa-Leza ncaakaamba mujwi lya-Jehova. 6#Kul 8:8; 9:28; 10:17; My 21:7; Jer 37:3; Inc 8:24; Jak 5:16; Kul 8:12; 1 Sam 12:23; Mt 5:44; Inc 7:60Mpoonya awo mwami wakavwiila muntu wa-Leza kuti, Kotontozya bukali bwa-Jehova Leza wako. Kondikombela, kuti nkaboozezegwe ijanza lyangu. Elyo muntu wa-Leza wakatontozya bukali bwa-Jehova, nkabela ijanza lyamwami lyakaponesegwa, akuba mbubonya mbulyakabede kukutaanguna. 7#1 Sam 9:7; 2 Bam 5:15; 1 Kor 2:14Lino mwami wakaambila muntu wa-Leza kuti, Boola kulindime, ukalye, ujane inguzu, alimwi njookupa bulumbu. 8#My 22:18; 24:13Pele muntu wa-Leza wakaambila mwami kuti, Nekuba kuti wandipa cisela cambono zyamuŋanda yako, nsikooinka ayebo pe. Nsikoolya insima nikuba kunywa maanzi okuno pe. 9#1 Kor 5:11; 2 Joh 1:11Nkaambo mbuboobo mbundakalaililwa mujwi lya-Jehova. Ndakaambilwa kuti, Utalyi insima nikuba kunywa maanzi, nikuba kuboola munzila eyo njiyonya njowakatola. 10Aboobo wakatola inzila imbi. Takwakapiluka munzila eyo njiyonya njaakaletede naakeza ku-Beteli.
Muntu wa-Leza mbwaakafwa
11Lino kakuli umwi musinsimi mucembele iwakakede ku-Beteli, nkabela bana bakwe bakeza kulinguwe akumulwiida incito zyoonse zyamuntu waLeza nzyaakacitide buzuba obo mu-Beteli, amajwi ngaakaambila mwami oonse bakaambila wisaabo. 12Mpawo wisaabo wakababuzya kuti, Njili inzila njatola? Nkabela bana bakwe bakalibwene inzila njaakatola oyo muntu wa-Leza iwakazwa kucisi ca-Juda. 13Elyo wakaambila bana bakwe kuti, Amundibopele imbongolo, Lino bakamubopela imbongolo, nkabela wakatanta alinjiyo, 14akuya butobela muntu wa-Leza, lumwi wakamujana ulikede munsi lyamubanga, Wakamubuzya kuti, Sa nduwe muntu waLeza iwakazwa mucisi ca-Juda? Wakati, Ndime. 15Lino wakamwaambila kuti, Atwiinke ayebo kuŋanda yangu, ukalye insima. 16Wakavuwa kuti, Nsikonzyi kwiinka ayebo pe, nsikonzyi kunjila muŋanda, alimwi nsikoolya insima nikuba kunywa maanzi okuno. 17#1 Bam 20:35; 1 Tes 4:15Nkaambo mumajwi aa-Jehova ndakaambilwa ijwi lyakuti, Utalyi insima nikuba kunywa maanzi nkuko, alimwi utaleti inzila eyo njiyonya njowakatola. 18#Jer 5:12; Mt 7:15; 1 Joh 4:1; Gal 1:8; Jer 29:31,32; Int 63:11; Tus 6:16,17,19; 30:6; Ezk 13:8,9; 1 Tim 4:1,2; 2 Pet 2:18,19Pele wakamwaambila kuti, Ambebo ndi musinsimi mbubonya mbuli uwe. Lino angelo wakandaambila majwi aa-Jehova, wakati, Koya ukamuboozye kuŋanda yako, kuti azoolye insima akunywa maanzi. Anukuti wakabeia. 19Mpawo wakapiluka awe kuyoolya insima akunywa maanzi muŋanda yakwe.
20 #
My 23:5; Joh 11:51 Lino nibakakede kuntafule, ijwi lya-Jehova lyakasikila oyo musinsimi wakamuboozya. 21Nkabela wakakwiilila muntu wa-Leza iwakazwa mucisi ca-Juda kuti, Mbuboobu mbwaamba Jehova. Mbuli mbuwasotoka ncowakalaililwa kwa-Jehova, akutabamba mulazyo wakwe Jehova Leza wako ngwakakulailila, 22ncobeni mbuli mbuwaboola kuzoolya insima akunywa maanzi nkukonya oko nkuwakaambilwa kuti cilatondwa kulya insima akunywa maanzi, lino mutunta wako tuukooyoozikwa mukabanda kabamauso, 23Lino naakamana kulya insima akunywa wamubopela imbongolo musinsimi oyo iwakamuboozya. 24#Dt 4:24; 6:15; 1 Bam 20:36; 2 Sam 6:7; 2 Bam 6:24; Muk 12:13,14; Ezk 24:24; Nah 1:2; 1 Pet 4:17Nkabela naakanyamuka, mulavu wakamujana munzila, wamuluma, aboobo mutunta wakwe wakasyaala munzila, ambongolo yakaimvwi kulubbazu, alakwe mulavu wakaliimvwi kulubbazu lumwi lwamu-tunta. 25Lino bantu nibakainda bakabona mutunta uulede munzila amulavu uuimvwi kumbali lyamutunta, elyo bakaakulwiida bantu makani mumunzi oyo musinsimi mucembele mwakabede.
26Nkabela musinsimi iwakamupilula kuzwa munzila yakwe, naakamvwa makani, wakati, Ngonguwe muntu wa-Leza iwakasotoka mulazyo waJehova. Lino Jehova wamwaaba mumeno aamulavu, kuti amukwamaune akumujaya, mbubonya mbuli ijwi lya-Jehova ndyaakamwaambila. 27Mpawo wakaambila bana bakwe kuti, Amundibopele imbongolo. Nkabela bakamubopela. 28#Lev 10:2,5; Job 5:22,23; 38:11; Dan 6:22Lino wakanyamuka, wakaakujana mutunta wakwe ulilede munzila, ambongolo amulavu zyoonse ziliimvwi kumbali lyamutunta. Mulavu taakwe naakaulya mutunta nikuba kukwamauna imbongolo. 29Elyo musinsimi wakabweza mutunta wamuntu wa-Leza, waulalika ambongolo, wauboozya kumunzi, walila akumuzika. 30#1 Bam 14:13; Jer 22:18; Inc 8:2Wakazika mutunta mukabanda kakwe mwini, nkabela bakamulila cakuti, Maawe mukwesu! 31#My 23:10; Rut 1:17; Int 26:9; Muk 8:10Lino naakamana kumuzika, wakaambila bana bakwe kuti, Ndazoofwa, amundizike mumonya mukabanda muntu wa-Leza mwaazikidwe. Amulazike zifuwa zyangu kubbazu lyazifuwa zyakwe. 32#2 Bam 23:16,19; Lev 26:30; Hos 12:11; 1 Bam 16:24; 2 Mak 25:13; Joh 4:5; Inc 8:1,14Nkaambo makani ngaakaamba mujwi lya-Jehova, aacipaililo caku-Beteli amaanda aazituuzyo zyamuminzi ya-Samariya, oonse ayooba ncobeni.
Jeroboamu mbwaakacili kubisya
33 #
1 Bam 12:31,32; 2 Mak 13:9; Jer 3:8; Kul 28:41; Bab 17:12; 2 Mak 11:14,15 Musule lyamakani aya, Jeroboamu kunyina naakaleka inzila yakwe yabubi pe. Wakabika alimwi bapaizi basalidwe akati kabantu buyo, babe bapaizi bazilundu. Kufumbwa muntu iwakayanda, wakamubika, kuti babe bapaizi bazilundu. 34#1 Bam 12:30; 2 Bam 10:31; 17:20-23; 1 Bam 14:10; 15:29,30Aya makani akaletela luzubo lwa-Jeroboamu mulandu, kuti lunyonyooke akugwisigwa munyika.
Currently Selected:
1 Bami 13: Ibbaib63
Highlight
Share
Copy
Want to have your highlights saved across all your devices? Sign up or sign in
The Bible in Tonga (Zambia) © United Bible Societies, 1963.
