1 Bami 14
14
Abija mwana wa-Jeroboamu mbwaakaciswa
1Kuciindi eco Abija mwana wa-Jeroboamu wakaciswa. 2#1 Bam 11:31Elyo Jeroboamu wakaambila mukaakwe kuti, Buka, ukalyeenyeenye, kuti bantu batazibi kuti nduwe muka-Jeroboamu. Lino koya ku-Sile, nkwabede Ahija musinsimi, ngonguwe iwakandaambila kuti mbe mwami wabantu aba. 3#1 Sam 9:7Uleelede kutolelela zinkwa zili ikumi, azibunge, acinkuli cabuci, ukasike nkwabede, nkaambo walo uyookulwiida na mwana ulaba buti.
4 #
1 Bam 11:29
Mpawo muka-Jeroboamu wakacita obo, Wakanyamuka, waya ku-Silo, wasika kuŋanda ya-Ahiia. Lino Ahija wakakacilwa kubona, nkaambo meso aakwe akalifwide nkaambo kabucembele. 5#Tus 21:30Pele Jehova kaambilide Ahija kuti, Bona! Ngooyu muka-Jeroboamu, uleza kuzookubuzya makani aamwanaakwe, nkaambo waciswa. Mbuboobu mboelede kumwaambila.
Elyo naakasika, wakalicita bweenzeenzu. 6Pele Ahija amvwe buyo mizyozyooko yamaulu aakwe, naakanjila mumulyango, wakati, Njila, mukaJeroboamu. Nkaambonzi nolyeenyeenya? Makani ngundalaililwa kukuletela alayoosya. 7#2 Sam 12:7; 1 Bam 16:2Koya ukalwiide Jeroboamu kuti, Mbuboobo mbwaamba Jehova Leza wa-Israyeli. Ndakakusumpula akati kabantu kuti ukabe mweendelezi wabantu bangu ba-Israyeli. 8#1 Bam 11:31; 15:5Ndakanyanga bwami mumaanza aaluzubo lwa-Davida, akubwaaba mumaanza aako. Nekubaboobo tona kuba mbuli mulanda wangu Davida, iwakabamba imbeta zyangu akunditobela camoyo woonse aku cita ziluleme luzutu mumeso aangu. 9#2 Mak 11:15; Neh 9:26; Int 50:17; Ezk 23:35Webo wacita bubi kwiinda boonse ibakakutaangunina, Walicitila mizimu myeenzu azikozyano zibezedwe zyakundikalazya, nkabela mebo wandisowela kusule lyako. 10#1 Bam 15:29; 21:21; 2 Bam 9:8; Dt 32:36Nkaambo kako njooletela luzubo lwa-Jeroboamu bubi, akunyonyweda Jeroboamu bana boonse basankwa, nibaba bazike nibaba balubusi bamu-Israyeli. Njooumpa luzubo lwa-Jeroboamu mbubonya mbuli muntu mbwaumpa bufumba lumwi bwalota. 11#1 Bam 21:24Kufumbwa mwana wa-Jeroboamu uufwa mumunzi, babwa balamulya, ayooyo uufwa musokwe, bayuni bakujulu balamulya. Nkaambo mbuboobo mbwaamba Jehova. 12Lino buka, ukapiluke kuŋanda yako, Maulu aako anjila buyo mumunzi, mpoonya mwana ulafwa. 13#2 Mak 12:12; 19:3; Flm 1:6; 2 Pet 2:8,9Nkabela ba-Israyeli boonse bayoomulila akumuzika, nkaambo ngonguwe alike akati kabasimukowa ba-Jeroboamu uuti zikwe mucuumbwe, nkaambo kakuti mulinguwe muluzubo lwa-Jeroboamu mwajanwa cakubotezya Jehova Leza wa-Israyeli. 14#1 Bam 15:27Nkabela Jehova uyoolibusizya mwami wa-Israyeli uuti nyonyoone luzubo loonse lwa-Jeroboamu mubuzuba bomwe. Pele lino nkutyeni? 15#Dt 29:28; 2 Bam 17:6; Int 52:5; Am 2:9; Zef 2:4; Mt 15:13; Jos 23:15; 2 Bam 15:29; Kul 34:13; Dt 12:3Jehova uyoouma ba-Israyeli mbubonya mbuli itete mbulipekema akati kamaanzi, nkabela uyoononkola ba-Israyeli kuzwa munyika eyi imbotu njaakapa bamawisi, akubamwaisya mutala lyamulonga wa-Firate, nkaambo kakuti bali citila zifwanikisyo zyamituni zyakukalazya Jehova. 16#1 Bam 12:30; 13:4; 15:30,34; 16:2; Mik 6:16; Mt 18:7Uyooaba ba-Israyeli mubuzike nkaambo kazibi zya-Jeroboamu nzyaakabisya anzyaakabisizya ba-Israyeli.
17 #
1 Bam 16:6; Lwi 6:4 Mpawo muka-Jeroboamu wakanyamuka, waya, wasika ku-Tiriza, Asika buyo kucikunguzyo caŋanda, mwana wakafwa. 18Nkabela ba-Israyeli boonse bakamuzika akumulila, mbubonya mbuli ijwi lya-Jehova ndyaakaamba kumulomo wamulanda wakwe Ahija musinsimi.
Jeroboamu mbwaakafwa
19 #
2 Mak 13:2
Lino makani amwi aa-Jeroboamu, mbwaakalwisya ambwaakeendelezya, alilembedwe mubbuku lyamakani aaciindi aabami ba-Israyeli. 20Myaka ya-Jeroboamu njaakeendelezya yakali makumi obile aibili, Elyo naakalede mukabanda abamawisi, Nadabu mwana wakwe nguwakalya izina lyakwe,
Roboamu mbwaakeendelezya cisi ca-Juda
21 #
Job 32:9; Muk 4:13; 1 Bam 11:36 Lino Roboamu mwana wa-Solomoni kali mwami wa-Juda. Roboamu kali amyaka iili makumi one aumwi naakalya bwami, nkabela wakeendelezya myaka iili ikumi amusanu aibili mu-Jerusalemu, munzi Jehova ngwakasalide akati kamisyobo yoonse yaba-Israyeli kuti abike izina lyakwe nkuko, Izina lyabanyina kali Naama mu-Amoni. 22#2 Mak 12:1; Dt 32:21; Int 78:58; Is 62:2,5; 1 Kor 10:22Nkabela ba-Juda bakabisya mumeso aa-Jehova. Muzibi zyabo nzibakabisya bakamukalazya kwiinda incito zyoonse bamawisi nzibakacita. 23#Dt 12:2; Ezk 16:24; 2 Bam 17:9; Is 57:5Nkaambo abalo bakaliyakila zipaililo zilamfu amasamu aamizimu azifwanikisyo zyamituni atala azilundu zilamfu zyoonse aansi lyamisamu yoonse mitete. 24#Matl 19:5; Dt 23:17; 1 Bam 15:12; 22:46; 2 Bam 23:7Alimwi kakuli baalumi basibwaamu mucisi, ibakali kucita malweza mbubonya mbuli zisesemyo zyamisyobo Jehova njaakatandide kubusyu bwaba-Israyeli,
25 #
1 Bam 11:40
Lino mumwaka wasanu wabwami bwa-Roboamu Sisaki mwami waEgepita wakeza kuzoolwisya Jerusalemu, 26#1 Bam 7:51; 2 Mak 12:9; 1 Bam 10:17; 2 Mak 9:15,16; Tus 23:5nkabela wakatola zintu ziyandisi zyamuŋanda ya-Jehova, azyamuŋanda yamwami zyoonse wakazitola. Azyalo intobo zyangolida Solomoni nzyaakacitide, wakazitola. 27Lino mwami Roboamu wakacita intobo zyamukuba mucibaka cazyo, akuzyaaba mumaanza aabasilutwe ibakali amilimo yakumulyango waŋanda yamwami. 28Kufumbwa ciindi mwami naakaya kuŋanda ya-Jehova, basilutwe bakainka azyo, elyo kusule basilutwe bakaziboozya kuŋanda yabalindizi.
29Lino makani amwi aa-Roboamu ancito zyakwe zyoonse, sa taalembedwe mubbuku lyamakani aaciindi aabami ba-Juda 30#1 Bam 12:24; 15:6Nkabela kakuli inkondo akati ka-Roboamu a-Jeroboamu mazuba oonse. 31Lino Roboamu naaka-fwa, wakazikwa abamawisi mumunzi wa-Davida. Izina lyabanyina kali Naama mu-Amoni. Elyo Abija mwanaakwe wakalya izina lyakwe.
Currently Selected:
1 Bami 14: Ibbaib63
Highlight
Share
Copy
Want to have your highlights saved across all your devices? Sign up or sign in
The Bible in Tonga (Zambia) © United Bible Societies, 1963.
