1 Bami 15
15
Bwami bwa-Abija
1Mumwaka wakumi amusanu aitatu wabwami bwa-Jeroboamu mwana wa-Nebati, Abija wakaba mwami wacisi ca-Juda. 2#2 Mak 11:21; 13:2Wakeendelezya myaka yotatwe mu-Jerusalemu. Izina lyabanyina kali Maaka mwana waAbisalomu. 3#1 Bam 11:4; Int 119:80Nkabela wakeenda muzibi zyoonse zyawisi iwakamutaangunina. Moyo wakwe teewakalulama kumeso aa-Jehova Leza wakwe mbuli moyo wa-Davida wisi. 4#Matl 12:2; 19:29; 2 Mak 21:7; Is 37:35Nekubaboobo, nkaambo ka-Davida, Jehova Leza wakwe taakwe naakazimya mumuni wakwe mu-Jerusalemu, Wakaimika mwana wakwe mucibaka cakwe akubusya Jerusalemu, 5#1 Bam 14:8; Lk 1:6nkaambo Davida wakacita ziluleme mumeso aa-Jehova; taakwe naakaleya mucintu niciba comwe ncaakamulailila mazuba oonse ngaakapona, cita mumakani aa-Uriya mu-Hiti luzutu. 6Nkabela kakuli inkondo akati ka-Roboamu a-Jeroboamu mazuba oonse ngaakapona. 7#2 Mak 13:2,3,22Lino makani amwi aa-Abija, ancito zyakwe zyoonse, sa taalembedwe mubbuku lyamakani aaciindi aabami ba-Juda na? Kakuli inkondo akati ka-Abija a-Jeroboamu. 8#2 Mak 14:1Lino Abija naakafwa, wakazikwa abamawisi mumunzi wa-Davida, elyo Asa mwanaakwe wakalya izina lyakwe.
Asa mbwaakaba mwami
9Mumwaka wamakumi obile wabwami bwa-Jeroboamu mwami waIsrayeli, Asa wakaba mwami wacisi ca-Juda 10Nkabela wakeendelezya mu-Jerusalemu myaka iili makumi one aumwi. Izina lyabanyina kali Maaka mwana wa-Abisalomu. 11#2 Mak 14:2; 15:17Nkabela Asa wakacita ziluleme mumeso aa-Jehova mbubonya mbuli Davida wisi. 12#1 Bam 14:21; 22:46Wakagwisya baalumi basibwaamu munyika, akujaya zikozyano zyamituni zyoonse bamawisi nzibakacitide. 13#Dt 13:6; 33:9; 2 Mak 15:16; Mt 10:37; 19:29; Lk 12:51,53; 14:26; Kul 32:20Abalo banyina Maaka wakabanyanzya bulemu bweelede banyina mwami nkaambo kakuti kacitide cikozyano cisesemya acifwanikisyo cakupaila, Asa wakajaya cikozyano cakwe akucitenta kukalonga ka-Kedroni. 14#1 Bam 22:43; 2 Mak 15:17Pele zipaililo zyakuzilundu teezyakamwayigwa pe. Nekubaboobo moyo wa-Asa kuululeme kumeso aa-Jehova mazuba oonse. 15Nkabela wakaleta kuŋanda ya-Jehova zipo nzyaakasalazya wisi azintu nzyaakasalazya mwini, insiliva angolida azibelesyo.
16Lino kakuli inkondo akati ka-Asa a-Basa mwami wa-Israyeli mazuba aabo oonse. 17#2 Mak 16:1; Jos 18:25; 1 Sam 15:34; 1 Bam 12:27Nkabela Basa mwami wa-Israyeli naakaya kuyoolwisya cisi ca-Juda, wakayaka Rama, kuti atazumizyi muntu naba omwe kuzwa nikuba kunjila mubwami bwa-Asa mwami wa-Juda. 18#1 Bam 20:1-5,33,34; 2 Bam 8:7-15; 2 Mak 16:2; Matl 14:15; 1 Bam 11:23Elyo Asa wakabweza insiliva angolida zyoonse izyakasyeede muzilondwedo zyaŋanda ya-Jehova amuzilondwedo zyaŋanda yamwami, wazyaaba mumaanza aabalanda bakwe, nkabela Asa wakazituma kuli-Benihadadi mwana wa-Tabrimoni mwana wa-Hezioni mwami wa-Aramu iwakakede mu-Damasko. Wakati, 19Tulitangene bulongo, mebo ayebo, taata auso. Bona! Ndakutumina cipo cansiliva acangolida. Koya, ukajaye cizuminano cako ncotangene a-Basa mwami wa-Israyeli, kuti andileke. 20#2 Bam 15:29; Bab 18:29; 2 Sam 20:14Mpawo Benihadadi wakaswiilila majwi aamwami Asa, watuma basilutwe bampi zyakwe kuyoolwisya minzi ya-Israyeli, akusaala Iyoni, a-Dani, a-Abeli-Beti-Maaka, acisi coonse caKineroti mane kusikila kunyika yoonse ya-Nafitali. 21Mpawo Basa naakamvwa, wakaleka kuyaka Rama, wakaakukala ku-Tiriza. 22#2 Mak 16:6; 1 Sam 8:16,17; Jos 21:17; 1 Sam 7:6Elyo mwami Asa wakatumina ba-Israyeli boonse mulazyo. Katakwe naba omwe iwakalekelelwa. Nkabela bakagwisya mabwe aa-Rama, aziyako zyoonse Basa nzyaakali kuyasya, nkabela mwami Asa wakaziyasya Geba mucisi caBenjamini a-Mizipa.
23 #
2 Mak 16:12; Int 90:10; Muk 12:1 Lino makani amwi aa-Asa, anguzu zyakwe, ancito zyakwe zyoonse, aminzi njaakayaka, makani oonse buyo alilembedwe mubbuku lyamakani aaciindi aabami ba-Juda, Pele naakacembaala, wakaciswa bulwazi bwamaulu. 24#1 Bam 22:41-43; 2 Mak 17:1; Mt 1:8Elyo Asa wakalala mukabanda abamawisi, Wakazikwa antoomwe abamawisi mumunzi wa-Davida wisi, nkabela mwanaakwe Josafati nguwakalya izina lyakwe.
Nadabu mbwaakaba mwami wa-Israyeli
25Lino Nadabu mwana wa-Jeroboamu wakaba mwami wa-Israyeli mumwaka wabili wabwami bwa-Asa mwami wa-Juda, nkabela wakeendelezya ba-Israyeli myaka yobile. 26#1 Bam 12:30Pele wakacita bubi mumeso aa-Jehova, akweenda munzi la yawisi amuzibi zyakwe nzyaakabisya ba-Israyeli.
Basa mbwaakanyanga Nadabu bwami
27 #
1 Bam 14:14; Jos 19:44; 21:23; 1 Bam 16:15 Lino Basa mwana wa-Ahija waluzubo lwa-Isakara wakamuvwiya. Nkabela Basa wakamujaya ku-Gibetoni mucisi caba-Filisti, nkaambo Nadabu aba-Israyeli boonse bakali kusinkilizya Gibetoni. 28#Dt 32:35Basa wakamujaya mumwaka watatu wabwami bwa-Asa mwami wa-Juda, aboobo wakalya bwami bwakwe. 29#1 Bam 14:10,14; Job 18:13-21; Int 21:10; 37:28,38; Is 14:20Elyo abe mwami buyo, wakajaya luzubo loonse lwa-Jeroboamu. Taakwe naakasiila Jeroboamu muntu naba omwe uuciyooya, lumwi wakabanyonyoona boonse, mbubonya mbuli ijwi lya-Jehova ndyaakaamba kumulomo wamulanda wakwe Ahija waku-Sile. 30Aya akaba nkaambo kazibi zya-Jeroboamu nzyaakacita anzyaakacitya ba-Israyeli, akaambo kabukali mbwaakakalazya Jehova Leza wa-Israyeli. 31Lino makani amwi aa-Nadabu, ancito zyakwe zyoonse isa taalembedwe mubbuku lyamakani aaciindi aabami ba-Israyeli? 32Lino-kakuli inkondo akati ka-Asa a-Basa mwami wa-Israyeli mazuba aabo oonse.
33Mumwaka watatu wabwami-bwa-Asa mwami wa-Juda, Basa mwana wa-Ahija wakaba mwami wacisi coonse ca-Israyeli mu-Tiriza. Nkabela wakeendelezya myaka iili makumi obile aine. 34#1 Bam 12:28,29; 13:33; 14:16Pele wakacita bubi mumeso aa-Jehova, akweenda munzila ya-Jeroboamu amuzibi zyakwe nzyaakabisya ba-Israeli.
Currently Selected:
1 Bami 15: Ibbaib63
Highlight
Share
Copy
Want to have your highlights saved across all your devices? Sign up or sign in
The Bible in Tonga (Zambia) © United Bible Societies, 1963.
