1 Bami 16
16
Basa mbwaakafwa
1 #
1 Bam 21:20-24; 2 Mak 19:2; 20:24 Lino ijwi lya-Jehova lyakasikila Jehu mwana wa-Hanani, lyaamba aa-Basa, liti, 2#1 Bam 14:7; 1 Sam 2:8; 15:17; Int 75:6,7; Jer 27:5; Dan 2:21; 4:17; 1 Bam 15:34Mbuli mbundakakusumpula kuzwa kumatombe aku kubika kuti ube musolozi wabantu bangu ba-Israyeli, nekubaboobo weenda munzila ya-Jeroboamu akubisya bantu bangu ba-Israyeli cakundikalazya kuzibi zyabo, 3#1 Bam 14:10; 15:29; 21:22-24; Is 66:24nkaambo kako njoolobya Basa aluzubo lwakwe, akucita luzubo lwako kuti lube mbubonya mbuli luzubo lwa-Jeroboamu mwana wa-Nebati, 4#1 Bam 14:11Kufumbwa mwana wa-Basa uufwa mumunzi, babwa balamulya, ayooyo uufwa musokwe, bayuni bakujulu balamulya.
5 #
2 Mak 16:1
Lino makani amwi aa-Basa ancito zyakwe anguzu zyakwe, sa taalembedwe mubbuku lyamakani aaciindi aabami ba-Israyeli? 6#1 Bam 14:11; 15:21Lino Basa naakafwa akulala mukabanda abamawisi, wakazikwa mu-Tiriza, elyo Ela mwanaakwe wakalya izina lyakwe. 7#Int 115:4; Is 2:8; 44:9; 1 Bam 14:14; 15:27; 2 Bam 10:30,31; Hos 1:4Ijwi lya-Jehova lyakasika kumulomo wa-Jehu mwana wa-Hanani, lyaamba aa-Basa aluzubo lwakwe, nkaambo kabubi mbwaakacita mumeso aa-Jehova cakumukalazya kumilimo yamaanza aakwe, nkaambo kakuti kali mbubonya mbuli luzubo lwa-Jeroboamu, alimwi ngonguwe wakalunyonyoona.
Bwami bwa-Ela
8Mumwaka wamakumi obile amusanu aumwi wabwami bwa-Asa mwami wa-Juda, Ela mwana wa-Basa wakaba mwami wa-Israyeli mu-Tiriza, nkabela wakeendelezya myaka yobile. 9#1 Bam 15:27; 2 Bam 9:31; 12:20; 15:10,25,30; 1 Sam 25:36-38; 2 Sam 13:28,29; 1 Bam 20:16; Job 31:3; Tus 20:1; Is 1:28Lino mulanda wakwe Zimri, silutwe wacisela cankalaki zyakwe, wakamuvwiya. Wakali kunywa cakukolwa muTiriza, muŋanda ya-Ariza mupati waŋanda yabwami yaku-Tiriza, 10elyo Zimri wakeza, wamuuma, wamujaya, mumwaka wamakumi obile amusanu aibili wabwami bwa-Asa mwami wa-Juda, aboobo wakalya bwami bwakwe.
Makani aa-Zimri
11 #
1 Sam 25:24
Elyo naakaba mwami, akale buyo acuuno cakwe, wakanyonyoona luzubo loonse lwa-Basa. Taakwe naakamusiila mwana musankwa naba omwe akati kabasikamukowa bakwe abeenzinyina. 12#Is 40:8; 1 Pet 1:25Zimri wakalobya luzubo loonse lwa-Basa, mbubonya mbuli ijwi lya-Jehova ndyaakaambide aa-Basa kumulomo wa-Jehu musinsimi. 13#Is 3:16; Dt 32:21; 1 Sam 12:21; 2 Bam 17:15; Is 41:29; Jer 10:8,15; Joh 2:8; 1 Kor 8:4; 10:19Eci cakaba nkaambo kazibi zya-Basa azibi zya-Ela mwanaakwe, nzibakacita anzibakacitya ba-Israyeli, cakukalazya Jehova Leza wa-Israyeli kuzintu zyabo zyabuyo. 14Lino makani amwi aa-Ela ancito zyakwe zyoonse, sa taalembedwe mubbuku lyamakani aaciindi aabami ba-Israyeli?
15 #
Job 20:5; Int 37:35; 1 Bam 15:27 Mumwaka wamakumi obile amusanu aibili wabwami bwa-Asa mwami wa-Juda, Zimri kali mwami mazuba aali musanu aabili mu-Tiriza, bantu nibakali kulwisya Gibetoni mucisi caba-Filisti. 16Lino basilumamba nibakamvwa kuti Zimri wakavwiya, wajaya mwami, ciyo ba-Israyeli boonse bakasala Omri silutwe wampi akumupa bwami bwa-Israyeli buzuba obo mbubonya kuzilao nkubakabede. 17Mpawo Omri wakainka aba-Israyeli boonse kuzwa ku-Gibetoni kuyoosinkinizya Tiriza. 18#Bab 9:54Nkabela Zimri abone buyo kuti munzi watolwa, wakanjila muŋanda yamukati yabwami, watenta iŋanda yabwami alakwe kali mukati, wafwa. 19#Int 9:16; 1 Bam 12:28; 15:26Aya akaba nkaambo kazibi nzyaakacita, nkaambo wakacita bubi mumeso aa-Jehova mukweenda munzila ya-Jeroboamu amuzibi ezyo nzizyonya nzyaakacita anzyaakacitya baIsrayeli. 20Lino makani amwi aa-Zimri, abuvwiyi bwakwe mbwaakavwiya, sa taalembedwe mubbuku lyamakani aaciindi aabami ba-Israyeli?
Omri a-Tibini mbubakalwanina bwami
21 #
Is 9:18
Elyo bantu ba-Israyeli bakaandaanizigwa munkamu zyobile, Inkamu imwi yakali kutobela Tibini mwana wa-Ginati, kuti bamupe bwami, aimwi yakali kutobela Omri. 22Pele bantu ibakali kutobela Omri bakazunda bantu ibakatobela Tibini mwana wa-Ginati, aboobo Tibini wakafwa, Omri nguwakaba mwami.
Bwami bwa-Omri
23Mumwaka wamakumi otatwe aumwi wabwami bwa-Asa mwami wa-Juda Omri wakatalika kweendelezya cisi ca-Israyeli, nkabela wakeendelezya myaka iili ikumi aibili, Myaka iili musanu aumwi wakeendelezya muTiriza, 24#1 Bam 13:32; 2 Bam 17:24; Joh 4:4elyo wakaula cilundu ca-Samariya, Wakacuula kuli-Semeri amatalenta obile aansiliva, nkabela wakayaka nkukonya kucilundu, amunzi nguwakayaka wakauulika izina lya-Samariya, mbubonya mbuli izina lya-Semeri mwini-cilundu.
25 #
1 Bam 14:9; Mik 6:16 Pele Omri wakacita bubi mumeso aa-Jehova, Wakabisya kwiinda boonse ibakamutaangunina. 26#Jer 16:19; Inc 14:15; Rom 1:21Wakeenda munzila zyoonse zya-Jeroboamu mwana wa-Nebati amuzibi ezyo nzizyonya nzyaakacitya ba-Israyeli, cakukalazya Jehova Leza wa-Israyeli kuzintu zyabo zyabuyo. 27Lino makani amwi aa-Omri, ancito zyakwe, anguzu sa taalembedwe mubbuku lyamakani aaciindi aabami ba-Israyeli? 28Elyo Omri naakalede mukabanda abamawisi, wakazikwa mu-Samariya, nkabela Ahabu mwanaakwe wakalya izina lyakwe.
Ahabu mbwaakaba mwami, Mbwaakakwata Jezebeli
29Ahabu mwana wa-Omri wakataanguna kulya bwami bwa-Israyeli mumwaka wamakumi otatwe amusanu aitatu wabwami bwa-Asa mwami wa-Juda, nkabela oyo Ahabu mwana wa-Omri wakeendelezya ba-Israyeli mu-Samariya myaka iili makumi obile aibili. 30Lino Ahabu mwana waOmri wakacita bubi mumeso aa-Jehova kwiinda boonse ibakamutaangunina, 31#Matl 6:2; Dt 7:3; Jos 23:12; 1 Bam 18:4-19; 19:1,2; 2 Bam 9:30-37; Bab 18:7; 1 Bam 21:25; 2 Bam 10:18; 17:16nkaambo takwakeenda muzibi zya-Jeroboamu mwana wa-Nebati luzutu, pele atala lyayaaya wakakwata Jezebeli mwana wa-Etibaala mwami wabaSidoni, aboobo wakaakumanina Baala milimo akumukomba. 32#2 Bam 10:21-27Nkabela wakayakila Baala cipaililo muŋanda ya-Baala njaakayaka mu-Samariya. 33#Kul 34:13; 2 Bam 17:10; Jer 17:2; 1 Bam 21:25Alimwi Ahabu wakacita cifwanikisyo camuzimu, nkabela Ahabu wakacita ncito zyakukalazya Jehova Leza wa-Israyeli kwiinda bami boonse baIsrayeli ibakamutaangunina.
34 #
My 15:30; Jos 6:26; Int 119:89,126; Tus 13:13; Is 40:8; Mt 24:35; Mk 13:31; Lk 21:33; 1 Pet 1:25 Mumazuba aakwe Hiyeli waku-Beteli wakayaka jeriko. Abambe buyo intalisyo, wakafwidwa mwanaakwe mutaanzi Abiramu, alimwi naakaimika makoma, wakafwidwa mwanaakwe muniini Segubi, mbubonya mbuli ijwi lya-Jehova ndyaakaamba kumulomo wa-Joshua mwana wa-Nuni.
Currently Selected:
1 Bami 16: Ibbaib63
Highlight
Share
Copy
Want to have your highlights saved across all your devices? Sign up or sign in
The Bible in Tonga (Zambia) © United Bible Societies, 1963.
