1 Makani 10
10
Saulo mbwaakajayigwa ku-Giliboa
1 #
1 Sam 7:7; 13:5; 31:1 Lino ba-Filisti bakalwisya ba-Israyeli, nkabela bantu ba-Israyeli bakacija ba-Filisti, bakawa bufwide mucilundu citegwa Giliboa. 2Elyo ba-Filisti bakeenzya Saulo abana bakwe, nkabela ba-Filisti bakajaya Jonatani a-Abinadabu a-Malikisuwa bana ba-Saulo, 3Inkondo yakamuyumina Saulo, nkaambo basimata bakamujana, nkabela bakamuyasa. 4#Bab 16:21Mpawo Saulo wakaambila sikuyumuna zilwisyo zyakwe kuti, Somona ipanga lyako, undiyasye ndilyo, kuti aba batapalwidwe batasiki kuzoondiweela. Pele sikuyumuna zilwisyo zyakwe wakakaka, nkaambo wakali kuyoowa loko, Lino Saulo wakabweza ipanga akuwa alindilyo. 5Elyo sikuyumuna zilwisyo zyakwe, naakabona kuti Saulo wafwa, wakawa alakwe apanga lyakwe, wafwa. 6Mbuboobo Saulo mbwaakafwa. Abalo bana bakwe botatwe aluzubo lwakwe loonse bakafwa boonse antoomwe. 7Nkabela bantu boonse ibakakede mukuti, nibakabona kuti basilumamba bacija, alimwi Saulo abana bakwe balifwide, bakasiya minzi yabo, bacija. Elyo ba-Filisti bakeza kuzookala mulinjiyo.
8Lino nibwakaca, ba-Filisti bakasika kuzoosaala bajayidwe, nkabela bakajana Saulo abana bakwe balifwide nkukonya oko kucilundu citegwa Giliboa. 9Elyo bakamusaala, batola mutwe wakwe azilwisyo zyakwe, batuma batumwa munyika yoonse iiengelede yaba-Filisti kuti balwiide ba-Leza babo abantu babo aya makani mabotu. 10#1 Sam 31:10; Is 48:5Azilwisyo zyakwe bakazibika muŋanda yabaLeza babo, akalo kapapa kamutwe wakwe bakakakankamina muŋanda yaDagoni. 11Pele bantu boonse baku-Jabesi-Gileadi, nibakamvwa zintu ezi zyoonse ba-Filisti nzibakacitila Saulo, 12baalumi babo basinguzu bakanyamuka boonse, baakuleta mutunta wa-Saulo amitunta yabana bakwe, baisisya ku-Jabesi, akuzika zifuwa zyabo munsi lyamubanga mu-Jabesi, Elvo bakalila mazuba aali musanu aabili.
13 #
1 Sam 13:13; 15:23; 1 Bam 18:18; 2 Mak 16:9; Kul 22:18; Lev 19:31; 20:27; Dt 18:11; 2 Bam 21:6; Is 8:19; 1 Sam 28:7 Mbuboobo Saulo mbwaakafwa nkaambo kakutasyomeka kwakwe, Taakwe naakasyomeka kumeso aa-Jehova, nkaambo takwakacita Jehova ngaakamulailila, alimwi wakabuzya makani kumuntu iwakajisi muuya wabusondi, 14#1 Sam 13:14; 15:28takwakabuzya makani kuli-Jehova, Nciceeco Jehova ncaakamujayila akwaaba mwami mumaanza aa-Davida mwana wa-Jese.
Currently Selected:
1 Makani 10: Ibbaib63
Highlight
Share
Copy
Want to have your highlights saved across all your devices? Sign up or sign in
The Bible in Tonga (Zambia) © United Bible Societies, 1963.
