1 Makani 11
11
Davida mbwaakaba mwami wa-Israyeli
1 #
2 Sam 5:1; 1 Mak 12:23 Mpawo ba-Israyeli boonse bakabungana kuli-Davida ku-Hebroni, bati, Bona! Webo aswebo, toonse tulijisi zifuwa zimwi anyama imwi. 2#Int 78:70,71Alimwi kuziindi zyakamana, Saulo naakacili mwami, nduwe wakali kuzulwida ba-Israyeli mukuzwa kwabo amukuboola kwabo. Nkabela Jehova Leza wako wakakwaambila kuti, Nduwe oyooembela bantu bangu baIsrayeli, nduwe oyooba mwami wabantu bangu ba-Israyeli, 3#2 Sam 5:3; Rom 8:31; 1 Sam 16:1Aboobo bapati boonse ba-Israyeli bakasika kumwami ku-Hebroni, elyo Davida wakatanga cizuminano ambabo kubusyu bwa-Jehova nkukonya oko kuHebroni, nkabela bakananika Davida mafuta aabwami, kuti abe mwami wa-Israyeli, mbubonya mbuli ijwi lya-Jehova ndyaakaamba kumulomo wa-Samuele.
Jerusalemu mbuwakaba munzi wamwami
4 #
2 Sam 5:6; Matl 10:16; 15:21; Kul 3:17; Bab 1:21; 19:10 Elyo Davida aba-Israyeli boonse bakaya ku-Jerusalemu, ngonguwo Jebusi, nkubakakede ba-Jebusi balaacisi. 5Nkabela bantu ba-Jebusi bakaambila Davida kuti, Tokooyoonjila omuno pe. Nekubaboobo Davida wakazunda mampangala aa-Zioni, ngonguwo munzi wa-Davida. 6Lino Davida wakati, Kufumbwa muntu uutaanguna kuzunda ba-Jebusi uzooba simutwe amusolozi. Nkabela Joabu mwana wa-Zeruya wakataanguna kubalwisya, aboobo ngonguwe iwakaba simutwe. 7#2 Sam 5:7Elyo Davida wakaakukala mpoonya awo amampangala. Nciceeco ncaakapedwa izina lya-Munzi wa-Davida. 8Lino wakayaka munzi cakuzyunguluka kuzwa ku-Milo akuboola mpoonya awo. Alakwe Joabu wakamamika cipanzi camunzi icakasyeede. 9Elyo Davida wakali kuya bukomena mazuba conse, nkabela Jehova wamakamu kali awe.
Baalumi basintaze ba-Davida
10 #
2 Sam 23:8; 1 Sam 16:1,12 Ngaaya mazina aabapati akati kabaalumi basintaze Davida mbaakajisi, ibakali kumugwasya mubwami bwakwe, antoomwe aba-Israyeli boonse, kuti abe mwami wa-Israyeli mbubonya mbwaakaamba Jehova. 11Baalumi basintaze Davida mbaakajisi mbaaba: Jasobeamu mwana wa-Hakimoni nguwakaba mupati kwiinda boonse bali makumi otatwe. Ngonguwe iwakanyamuna isumo lyakwe akujaya bantu bali myanda yotatwe kuciindi comwe. 12Awabili wabaalumi abo bapati botatwe kali Eleazara mwana wa-Dodo mu-Ahohi. 13#1 Sam 17:1Walo wakali a-Davida ku-Pasidamimu, ba-Filisti nibakabungene nkuko kukulwisya. Kakuli muunda iwakalimidwe bbaale, elyo bantu bakali kucija ba-Filisti, 14#Tus 21:31pele walo wakaima akati kamuunda oyo, wauvuna, wajaya ba-Filisti, aboobo Jehova wakabafutula alufutuko lupati.
15 #
Jos 12:15; 2 Sam 23:13; 1 Mak 14:9; Is 17:5 Lino botatwe akati kabasimutwe bali makumi otatwe bakainka kumandemba nkwakabede Davida kumpangala yaku-Adulamu, ba-Filisti nibakayakide zilao zyabo mukuti lya-Refaimu, 16Kuciindi eco Davida wakalikede mumampangala, ampi yaba-Filisti yakali ku-Betelehemu. 17Elyo Davida wakali kusukama, wati, Nicakabota muntu naakandinywisya maanzi aamucikala caku-Betelehemu cili kumbali lyamulyango. 18Mpawo abo bapati botatwe bakaandulula malabba aaba-Filisti, baakuteka maanzi mucikala caku-Betelehemu cili kumbali lyamulyango, baaleta akwaasisya kuliDavida. Pele Davida wakakaka kunywa, wakaapaizizya Jehova, 19wati, Ne! Cilatondwa kucita obo! Sa ndakonzya kunywa bulowa bwabantu aba? Nkaambo cintu eci ncibacita kukundiletela aya maanzi inga nicakabaletela lufu. Aboobo wakakaka kunywa. Njeeyi milimo njibakacita bapati abo botatwe,
20 #
1 Sam 26:6-8; 2 Sam 2:18; 3:20; 18:2; 1 Mak 2:16 Lino Abisai munyina Joabu kali silutwe wabantu bali makumi otatwe, Wakasumpula isumo lyakwe kubantu bali myaanda yotatwe akubajaya, aboobo kali simpuwo mbubonya mbuli abo botatwe. 21#2 Sam 23:19; 1 Kor 15:41Kali mulemu kwiinda boonse bali makumi otatwe, waba silutwe wabo, nekubaboobo takwaakeelene abaabo botatwe bataanzi.
22 #
2 Sam 1:23; 23:20; 1 Mak 12:8 Alakwe Benaya mwana wa-Jehoyada kali mwaalumi sintaze waku-Kabizeeli iwakacita milimo minji iigambya. Wakajaya twana tobile twasyuumbwa mubwaanda bwabo. Alimwi wakaakujaya mulavu mucilindi cimwi ciindi maanzi ncaakagagaminwa impeyo, 23Alimwi wakajaya muEgepita iwakali aciimo cipati, kajisi bulamfu bwatukokola tosanwe, Mujanza lyamu-Egepita kamuli isumo likozyene acisamu casikuluka, pele Benaya wakainka nkwaakabede ankoli buyo, wanyanzya isumo mujanza lyamu-Egepita, akumujazya isumo lyakwe mwini. 24Ngaaya makani ngaakacita Benaya mwana wa-Jehoyada, aboobo wakaba simpuwo mbubonya mbuli abo botatwe. 25Kali mulemu akati kabantu bali makumi otatwe, pele kateelene abaabo botatwe bataanzi. Nkabela Davida wakamubika kuti abe silutwe wabalindizi bakwe,
26 #
2 Sam 2:18-23; 23:24; 1 Mak 27:7 Abamwi basilumamba bapati mbaaba: Asaheli munyina Joabu, Elihani mwana wa-Dodo waku-Betelehemu, 27Samoti mu-Harori, Helezi muPeloni, 28Ira mwana wa-Ikesi waku-Tekowa, Abiezeri waku-Anatoti, 29Sibekai mu-Husati, Ilai mu-Ahohi, 30Maharai mu-Netofati, Heledi mwana wa-Baana mu-Netofati, 31Itai mwana wa-Ribai waku-Gibeya wabana ba-Benjamini, Benaya mu-Piratoni, 32Hurai wakutulonga twaGaasi, Abiyeli mu-Aribati, 33Azmaveti mu-Baharumi, Eliabu mu-Saliboni, 34Hasemu mu-Gizoni, Jonatani mwana wa-Sage mu-Harari, 35Ahiamu mwana wa-Sakari mu-Harari, Elifali mwana wa-Uri, 36Heferi muMekerati, Ahija mu-Peloni, 37Hezro waku-Karimeli, Naarai mwana waEzbai, 38Joeli munyina Natani, Mibari mwana wa-Hagiri, 39Zeleki muAmoni, Naharai mu-Beroti sikuyumuna zilwisyo zya-Joabu mwana waZeruya, 40#Jos 15:48; 1 Mak 2:50,53Ira mu-Itiri, Garebi mu-Itiri, 41#2 Sam 11:3Uriya mu-Hiti, Zabadi mwana wa-Alai, 42Adina mwana wa-Siza mu-Rubeni silutwe wabaRubeni abantu bali makumi otatwe mbaakali abo, 43Hanani mwana waMaaka, josafati mu-Mitini, 44Uziya mu-Asterati, Sama a-Icieli bana ba-Hotamu waku-Aroeri, 45Jedyaeli mwana wa-Simri, a-Joha munyina mu-Tizl, 46Elieli mu-Mahavi, a-Jeribai a-Josaviya bana ba-Elinaamu, a-Itima mu-Moabu, 47Elieli, a-Obedi, a-Jasiyeli mu-Mezobai.
Currently Selected:
1 Makani 11: Ibbaib63
Highlight
Share
Copy
Want to have your highlights saved across all your devices? Sign up or sign in
The Bible in Tonga (Zambia) © United Bible Societies, 1963.
