1 Makani 12
12
Bantu Davida mbaakali abo ku-Zikilaga
1 #
1 Sam 27:2,6 Lino mbaaba bantu ibakainka kuli-Davida ku-Zikilaga, Saulo mwana wa-Kisi naakacili kumukataazya. Bakali akati kabasilumamba ibaka mugwasya munkondo, 2#Bab 20:16alimwi bakali basimata ibakabwene kufu sa mabwe nanka mivwi kumaanza oonse obile niliba lyalulyo niliba lyacimwensi. Bakali ba-Benjamini, basimukowanyina Saulo, 3#Jos 21:18; 1 Mak 11:28Silutwe wabo kali Ahiezeri, aumwi kali Joasi; (aba bobile boonse bakali bana ba-Semaya waku-Gibeya); a-Jezieli a-Peleti bana ba-Azmaveti, a-Beraka, a-Jehu waku-Anatoti, 4#Jos 10:2; 18:21,25; 1 Bam 3:4,5; 9:2; Is 28:21aIsmaya waku-Gibeoni umwi wabaalumi basintaze bali makumi otatwe, umwi wabasolozi babo, a-Jeremiya, a-Jahazieli, a-Johanani, a-Jozabadi waku-Gedera, 5a-Eluzai, a-Jerimoti, a-Bealiya, a-Semariya, a-Sefatiya waku-Harupi; 6Elikana, a-Isiya, a-Azareli, a-Joezeri, a-Jasobeamu, baKora; 7a-Joela a-Zebadiya bana ba-Jerohamu waku-Gedoro.
8 #
1 Sam 23:14,29; 1 Mak 11:16; 2 Sam 17:10; 23:20; 1 Mak 11:22; Tus 28:1; 2 Sam 2:18 Abamwi ba-Gadi bakalipambula akunjila munkamu ya-Davida kumampangala nkwaakabede munkanda. Bakali baalumi basintaze, basilumamba basinguzu ibakabwene kulwisya intobo amyuumba. Masyu aabo akali abukali mbuli masyu aabalavu, alimwi bakali aluno mbuli insya zyakumalundu. 9Mutaanzi wabo kali Ezeri, awabili Obadiya, awatatu Eliabu, 10awane Misimana, awasanu Jeremiya, 11awamusanu aumwi Atai, awamusanu ababili Elieli, 12awamusanu abatatu Johanani, awamusanu abane Elzabadi, 13awakumi Jeremiya, awakumi aumwi Makibanai, 14Abo ba-Gadi bakali basolozi bampi; baniini kabajisi bantu bali mwaanda, abapati kabajisi bantu bali cuulu. 15#Jos 3:15; Jer 12:5; 49:19Mbombabo ibakazubuka Jordano mumwezi mutaanzi, mulonga niwakali kupaya kunkomwe koonse, akutanda bantu boonse ibakakede mumimpata, nikuba kujwe nikuba kumbo,
16Abamwi bana ba-Benjamini abana ba-Juda bakeza kuli-Davida kuma-mpangala nkwaakabede. 17#Zek 3:2; Jud 1:9Lino Davida wakazwa kuyoobacinga, wabaambila kuti, Na mweza kulindime caluumuno kuzoondigwasya, moyo wangu uyookala anywebo, pele na mweza kuzoondaaba mumaanza aabasinkondoma, nekuba kuti nsikwe ncindabisya, Leza wabamatatesu abone akumutapatila. 18#2 Sam 17:25; 1 Mak 2:17Mpawo Muuya wakanjila muli-Amasai silutwe wamakumi otatwe, wakati, Tuli bako, O Davida; tuli kulubazu lwako, O mwana wa-Jese; kube luumuno, kube luumuno kulinduwe akulibasikukugwasya, nkaambo Leza wako ngguukugwasya, Mpawo Davida wakabatambula, wababika kuti babe basilutwe bampi zyakwe.
19 #
1 Sam 29:2,4 Abamwi ba-Manase bakaya kulubazu lwa-Davida ciindi eco naakeza aba-Filisti kuzoolwisya Saulo. (Nekubaboobo taakwe naakabagwasya pe, nkaambo bami baba-Filisti bakabuzyanya akumukasya, bati, Ambweni uyoobweeda kulubazu lwa-Saulo simalelo wakwe akuya amitwe yesu), 20Elyo naakanyamuka kuya ku-Zikilaga, ndendilyo abo ba-Manase nibakaya kulubazu lwakwe. Mazina aabo mbaaba: Adina, a-Jozabadi, a-Jedyaeli, a-Mikayeli, a-Jozabadi, a-Elihu, a-Zilerai, basilutwe bazyuulu ba-Manase. 21#1 Sam 30:1Bakagwasya Davida kulwisya inkamu yabasaali, nkaambo boonse bakali baalumi basintaze, nkabela bakaba basolozi bampi. 22Nkaambo mazuba oonse bantu bakali kuza kuli-Davida kukumugwasya, mane lumwi kwakaba makamu mapati mbuli makamu aaka-Leza.
Bantu ba-Israyeli ibakabika Davida mubwami
23 #
2 Sam 2:3; 1 Mak 10:14; 11:10; 1 Sam 16:1 Lino njeeyi myeelwe yampi zyabasilumamba ibakeza kuli-Davida ku-Hebroni kuti bamusandwide bwami bwa-Saulo, mbubonya mbuli Jehova mbwaakaamba. 24Bana ba-Juda basilumamba ibakasamine intobo amyuumba, bakali zyuulu zili musanu acimwi amyanda iili musanu aitatu. 25Abana ba-Simeoni, basilumamba basinguzu kukulwa, bakali zyuulu zili musanu azibili amwanda omwe. 26Abana ba-Levi, bantu bali zyuulu zyone amyanda iili musanu aumwi. 27A-Jehoyada silutwe waluzubo lwa-Aroni, abantu mbaakali abo, zyuulu zyotatwe amyanda iili musanu aibili. 28#2 Sam 8:17; 1 Bam 1:8; 2:25; 1 Mak 6:8; Ezk 44:15A-Zadoki, mukubusi singuzu kukulwa, abasilutwe bali makumi obile ababili baluzubo lwawisi. 29Aba-Benjamini, basimukowanyina Saulo, zyuulu zyotatwe; bunji bwabo kabajisi lusyomo kuluzubo lwa-Saulo mane kuciindi eco. 30Abana ba-Efraimu, baalumi basintaze, basilumamba basimpuwo munzubo zyabamawisi, zyuulu zili makumi obile amyanda iili musanu aitatu. 31Amucisela camusyobo wa-Manase, bantu ibakasalwa kuti baboole kuzoopa Davida bwami bakali zyuulu zili ikumi amusanu azitatu. 32#Es 1:13Abana ba-Isakara, bantu bacenjede ibakamvwisya ziindi akuziba ba-Israyeli mbubeelede kucita, basilutwe bali myanda yobile abakwabo boonse ibakali kubatobela. 33Aba-Zebuloni, basilumamba ibakazibide loko kulwana azilwisyo zyoonse, zyuulu zili makumi osanwe, bakali kugwasya Davida amoyo woonse. 34Aba-Nafitali, basilutwe bali cuulu ibakali abantu bali zyuulu zili makumi otatwe amusanu azibili basamine intobo amyuumba. 35Aba-Dani, bantu balibambilide inkondo bali zyuulu zili makumi obile amusanu azitatu amyanda iili musanu aumwi. 36Abana ba-Aseri, basilumamba bazibide inkondo bali zyuulu zili makumi one. 37Abantu bamutala lya-Jordano, ba-Rubeni aba-Gadi acisela camusyobo wa-Manase, basilumamba bezi kubelesya zilwisyo zyoonse bali zyuulu zili mwanda amakumi obile.
38Abo boonse mbotwaamba, basilumamba bakalibambilide kulwa, bakeza camoyo woonse ku-Hebroni kuti bape Davida bwami bwacisi coonse caIsrayeli, Abalo bantu bamwi ba-Israyeli kabajisi moyo womwe buyo kukupa Davida bwami. 39Nkabela bakasyaala nkuko kuli-Davida mazuba otatwe, balalya akunywa, nkaambo bakwabo bakababambila malilu. 40Abalo beenzinyina bazisi zyeengelede, akusikila ku-Isakara a-Zebuloni a-Nafitali, bakali kuleta zilyo ambongolo ankamele amabbiza abasune, Bakaleta zilyo zinji-busu, azikoto zyankuyu, azikungo zyamisaansa, awami, amafuta, abasune, ambelele-nkaambo kakuli lusekelelo lupati mucisi ca-Israyeli.
Currently Selected:
1 Makani 12: Ibbaib63
Highlight
Share
Copy
Want to have your highlights saved across all your devices? Sign up or sign in
The Bible in Tonga (Zambia) © United Bible Societies, 1963.
