1 Makani 9
9
Bantu ibakakede mu-Jerusalemu
1 #
Ezr 2:59; Neh 7:5; Lev 26:33; 2 Mak 33:11; 36:5 Lino ba-Israyeli boonse bakalembwa, Aya makani alilembedwe mubbuku lyabami ba-Israyeli, Ba-Juda bakatolwa mubuzike ku-Babuloni nkaambo kakutasyomeka kwabo. 2#Ezr 2:70; Neh 7:73; Jos 9:27; Ezr 2:43; 8:20Lino abo ibakataanguna kuboola kumakalilo aabo muminzi yabo mbaaba. Mba-Israyeli, abapaizi, aba-Levi, abasimilimo bantempele. 3#Neh 11:1Mu-Jerusalemu mwakakala bamwi bana baJuda abamwi bana ba-Benjamini abamwi ba-Efraimu abamwi ba-Manase. 4#Matl 46:12; My 26:20Umwi kali Utai mwana wa-Amihudi mwana wa-Omri mwana wa-Imri mwana wa-Bani, umwi wabana ba-Perezi mwana wa-Juda. 5Abaluzubo lwaba-Siloni: Asaya mutaanzi abana bakwe. 6Abana ba-Zera: jeuli ababunyina bali myanda iili musanu aumwi amakumi aali musanu aane. 7Abana ba-Benjamini: Salu mwana wa-Mesulamu mwana wa-Hodaviya mwana wa-Hasenuwa, 8a-Ibineya mwana wa-Jerohamu, a-Ela mwana wa-Uzi mwana wa-Mikiri, a-Mesulamu mwana wa-Sefatiya mwana waReueli mwana wa-Ibniya, 9ababunyina balembedwe mumazyalani aabo bali myanda iili musanu aine amakumi osanwe amusanu aumwi. Abo bantu boonse bakali basimutwe banzubo zyabamawisi.
10 #
Neh 11:10; 12:19 Abamwi bapaizi: Jedaya, a-Jehoyaribu, a-Jakini, 11a-Azariya mwana wa-Hilikiya mwana wa-Mesulamu mwana wa-Zadoki mwana wa-Merayoti mwana wa-Ahirubi, mupati wamilimo yaŋanda ya-Leza, 12a-Adaya mwana wa-Jerohamu mwana wa-Pasuri mwana wa-Malikiya, a-Maasai mwana wa-Adieli mwana wa-Jazera mwana wa-Mesulamu mwana waMesilemiti mwana wa-Imeri, 13ababunyina, bapati banzubo zyabamawisi, bamu bali cuulu amyanda iili musanu aibili amakumi aali musanu alimwi, bamu bacenjede loko kukubeleka milimo yaŋanda ya-Leza.
14 #
1 Mak 6:19; Neh 11:15-19 Abamwi ba-Levi: Semaya mwana wa-Hasubu mwana wa-Azrikamu mwana wa-Hasabiya, umwi wabana ba-Merari, 15a-Bakabakara, Heresi, a-Galali, a-Mataniya mwana wa-Mika mwana wa-Zikiri mwana wa-Asafu, 16#1 Mak 2:54; Neh 7:26; 12:28a-Obadiya mwana wa-Semaya mwana wa-Galali mwana wa-Jedutuni, a-Berekiya mwana wa-Asa mwana wa-Elikana, iwakakede muminzi yabaNetofati.
17 #
1 Mak 23:5; 26:1; Int 84:10 Abamwi basikulindila mulyango: Salumu, a-Akubu, a-Talimoni, aAhimani, abakwabo, (Salumu kali simutwe wabo.) 18#2 Bam 11:19; Ezk 44:23Bakalikede mutala omuno lyamulyango wamwami, kujwe. Mbobakali kulangila mulyango wamalabba aabana ba-Levi. 19#My 26:9,11; 1 Mak 6:33,38A-Salumu mwana wa-Kore mwana waEbiasafu mwana wa-Kora, walo ababunyina baluzubo lwawisi, nkukuti ba-Kora, mbe bakali kubeleka milimo yakulanga manjililo aatente lyambunganino, mbubonya mbuli bamawisi mbubakali kubeleka milimo yakulanga manjililo aamalabba aa-Jehova. 20#Kul 6:25; My 3:32; 25:11; 31:6; Jos 22:30,31; Int 106:30Pinehasi mwana wa-Eleazara nguwakali musolozi wabo ciindi. Jehova kali awe. 21A-Zekariya mwana waMeselemiya nguwakali kulanga mulyango watente lyambunganino. 22#1 Mak 26:1,2; 1 Sam 9:9Aba boonse ibakasalilwa milimo yakulanga manjililo aamulyango bakali myanda yobile akumi ababili. Bakalembwa mumazyalani aabo muminzi yabo. Davida a-Samuele mulunguluzi mbebakababika mumilimo eyo njibakasyomenwa. 23Balo abana babo mbebakali kulanga manjililo aaŋanda yaJehova, nkukuti iŋanda yatente lyambunganino. 24#1 Mak 26:13-19Basikulanga milyango bakali kumabazu one, kujwe akumbo akunyika akumusanza. 25#2 Bam 11:5; 2 Mak 23:8Nkabela bakwabo ibakakede muminzi bakeelede kuza insunda zyoonse kuti babe abo. 26Nkaambo bapati bone ibakali kulanga milyango, ibakali ba-Levi, bakapegwa milimo yatwaanda ayaziyobwedo muŋanda ya-Leza. 27Nkabela bakali koona cakuzyunguluka iŋanda ya-Leza, nkaambo mbombabo ibakacita milimo yakulanga iŋanda, alimwi mbombabo ibakali kujalula milyango zifumo zyoonse.
28Abamwi babo bakali kulanga zibelesyo zyamilimo, nkaambo bakeelede kuzibala ciindi cakugwisya aciindi cakuboozya. 29Abamwi bakali kulanga zibulo, azibelesyo zyoonse zisalala, abusu, awaini, amafuta, atununkilizyo amisamu. 30#Kul 30:23; 37:29; Lwi 1:3,13; Jer 6:20; Ezk 27:19,22; Mk 14:3Abamwi bana babapaizi bakali kubamba milimo yakuvwela misamu. 31#Lev 6:21Alakwe Matitiya, umwi waba-Levi, mwana mutaanzi waSalumu mu-Kori, nguwakapegwa milimo yazinkwa. 32#Kul 40:23; Heb 9:2,24; Joh 6:32,33Abakwabo bamwi ba-Kohati bakapegwa milimo yakubamba mikamu yamabonwabonwa iituulidwe lyoonse buzuba bwa-Sabata.
33 #
1 Mak 6:31; 13:8; 15:16 Lino mbaaba basikwiimba, bapati banzubo baba-Levi, ibakakede mutwaanda twamuntempele. Kabatajisi milimo imwi, nkaambo bakali kubeleka lyoonse isikati amasiku. 34Aba bakali basimutwe banzubo zyabaLevi, ibakalembedwe mumazyalani aabo, bapati ibakakede mu-Jerusalemu.
Mazyalani aa-Saulo a-Jonatani
35 #
1 Mak 8:29
Alimwi ku-Gibeoni nkokwakakede Jeieli wisi Gibeoni. Izina lyamukaakwe kali Maaka. 36Mwanaakwe mutaanzi kali Abidoni, lino Zuri, a-Kisi, a-Baala, a-Neri, a-Nadabu, 37a-Gedoro, a-Ahio, a-Zekariya, aMikiloti. 38Mikiloti nguwakazyala Simeamu. Abo boonse kabakede balibambene ababunyina mu-Jerusalemu. 39Lino Neri wakazyala Kisi, alakwe Kisi wakazyala Saulo, alakwe Saulo wakazyala Jonatani, a-Melikisuwa, a-Abinadabu, a-Esibaala. 40Amwana wa-Jonatani kali Meribaala, alakwe Meribaala wakazyala Mika. 41Abana ba-Mika mbaaba: Pitoni, a-Meleki, a-Tareya, a-Ahazi. 42Nkabela Ahazi wakazyala jara, alakwe Jara wakazyala Alemeti a-Azmaveti a-Zimri, alakwe Zimri wakazyala Moza, 43alakwe Moza wakazyala Bineya, iwakazyala Refaya, iwakazyala Eleasa, iwakazyala Azeli. 44Lino Azeli kajisi bana bali musanu aumwi. Mazina aabo mbaaba: Azrikamu, a-Bokeru, a-Ismayeli, a-Seariya, a-Obadiya, a-Hanani. Mbaabo boonse bana ba-Azeli.
Currently Selected:
1 Makani 9: Ibbaib63
Highlight
Share
Copy
Want to have your highlights saved across all your devices? Sign up or sign in
The Bible in Tonga (Zambia) © United Bible Societies, 1963.
