Romans 3

1Kos ndo Juif a fena ndo ngiƋè a mè? N'ngél ngwon kala mè? 2Amba te skwi tsaƋ tsaƋ. Nshèlèkura'a: Zhiklè a mva ta ma nenga'a a ri a ndohi Juif. 3Kos man ndohi ngiƌe ta ca a ndav ɓai, ta slaha ta gedassa nlèɓèslè Zhiklè ƌè? 4Arsa ka ɓai: Aman Zhiklè nzura'a, a ndohi tèlèba ndohi ncèkèlma, ara ƌèlèwèr Zhiklè a gaƌa:

A géƌ man ta ngècè ngizura'a te ma ngaya; a ka gi a ngula'a, aman ta versl ma a ka.

5Aman skwi man nga ga zura'a ɓai, a ngredè ngizura'a Bi Zhiklè auda, kos nga da gèƌè kè? Aman Bi Zhiklè a gi ndav a géƌ nga, kos Bi Zhiklè zura ka ɓi ƌè? I gèƌ ma sata ara ndohai. 6A'ai! Man Zhiklè nzura ka ɓai, a slaha man a gi kita herkeda ƌè?

7Aman ncèkèlma ga a ngredè ma Zhiklè nzura'a auda holhola'a, a n'njèl na, ar ta gay kita ara man i ndo mali èhèmè? 8Ar ta gèƌè'a: ngogokoy skwi man ambaɓai, aman skwi mbela'a a shinè te pa! —ara ndohi ngiƌè man ta tsa nga demgasl. Aman Zhiklè a phomde ta ndohi arsa, amba a vava.

9Kos kè? Nga ndohi Juif, nga fen ta ƌè? Azɓi fèt! A matsa nga ngrede ma, ara man ndohi Juif a ndohi Grec cèw ba ta t'hwaƌ malai, 10ara man te ƌèlèwèr Zhiklè mwindè'a:

Ndo nzura'a azɓai, ko staƌ ba. 11Ndo azɓai, man maya na a zhè, ndo azɓai, man a jhèdè civèƋ Zhiklè. 12Ta zlak ta tèlèba, ta gedas ta tèlèba, ndo man a gi skwi man amba azɓai, ko staƋ ba.

13VèvèƋ da'ai tenga'a nara gi dzavi mwina fuwanga'a. Ne'en tenga'a, nè'èn ncèkèlma. 14Ma tenga'a, nara dèrè zhüzhok. Ma tenga'a ma ndérƌè ndo. 15Ta wosla te sak aman ta Ƌè a ta keƌ ndo. 16A civèƌ tenga'a, sèi skwi ngedassa'a, a nlèyè. 17Ta sun civèƌ gumi ɓai. 18Zlau Zhiklè az a sam ta ɓai.

19Aman nga suna: Ma kita Zhiklè a ngaƋa ta ma a ndohi man ta t'hwaƋ ma kita, aman a pizlèma ta ma a ndohi tèlè. A herkeda tèlèba nt'hwaƋ kita Zhiklè. 20Gar haha a njejèr ma kita Zhiklè, ndo a slaha a ndi a ndo nzura'a a sam di Zhiklè azɓai. Te ma kita Zhiklè, ndo a sun mali genè.

21Anai, ko ma kita Zhiklè azɓi ba, ngizura'a Zhiklè n'ngurdkoƋauda ma a malwuƋi te ma Zhiklè, te ndohi nhadka ma. 22I gèƋè a géƋ ngizura'a a sam di Zhiklè, man a shkè te ncè Yèsu Kristi a ndav, a sam ko wawa man a cè a ndav. 23A sata tsaƌ tsaƌ azɓai: ta tèlèba ndohi malihai, n'njèl Zhiklè, ara man Zhiklè a woya'a, az a sam ta ɓai, 24a ta ngots ngizura'a te pombi nenga'a, a géƋ Yèsu Kristi, man skwi mpil gèƋ; a géƋ mizlinè ndohi ka ɓai.

25Nenga'a Zhiklè a fu a skwi mpil gèƌ te pombaz nenga'a, man nga ngècè te ncè-a-ndav. Zhiklè a woya a ngredè ngizura'a nenga'a auda a vna. Te nzhèr skwi nenga'a dai, a nzuɓ malihi nhala'a. 26Aman a patsna a ngreda ngizura'a nenga"a, ara man nenga'a nzura'a; ko wawa man a cè Yèsu a ndav na, n'nga a ndo nzura'a. 27Anai njégèr va ndohi a geƋ mè? Sama asaɓai. A géƋ skwi mè? A ged njèjèr ma kita Ƌè? Azɓai! Aman a géƋ ncè-a-ndav.

28Arsa nga suna, ndo a ngècè ngizura'a sèi te ncè-a-ndav staƋgenè, a géƋ man a jèjer ma kita Zhiklè ka ɓai. 29Bi Zhiklè, sèi Zhiklè ndohi Juif Ƌè? Zhiklè ndohi herkeda nte deɓa ba ka ɓi ƌè? Halau, Zhiklè ndohi herkeda nte deɓa ba. 30Aman Zhiklè staƋgenè, man a ge ta ndohi Juif a ndohi nzura'a te ncè-a-ndav, a ndohi nte deɓa ba arsa. 31Kè? A ma ncè-a-ndav, nga gedassa ma kita Zniklè auda ƌè? Azɓai! Aman nga nzala ma kita Zhiklè.

Currently Selected:

Romans 3: MAFNT

Highlight

Copy