Acts 14

1Te kokwar Icone, ta ɓica va Ièmèlèmè, a ta nju ma Zhiklè te gi njèngè ndohi Juif. A ndohi Juif a ndohi man Juif ka ɓai kumba ta co Yèsu a ndav. 2Aman ndohi Juif man ta ca a ndav ɓai, ta poko ta gèƋ auda a ndohi nte deɓa, ha ta gu ndav a géƋ kramamhi ta man ta a civèƋ Zhiklè. 3A ta nza a pa n'nzi a zhè, a ta nju ma Bi Yèsu a mwuffè, a Bi Zhiklè a ngu malwuƋi a ma pombi nenga'a, a ngu nrkedai a skwi tsaƌ tsaƌ a tenga'a.

4A nhèy ndo te kokwar, nkezla te va. Matrhia'a ta humda a ndohi Juif, matrhia'a a ndohi sak. 5Aman ndohi Juif a ndohi nte deɓa, a ndohi mbibihia'a tenga'a ta bozl va, ta derƋ ta, ta woy a ta kal ta ndohi sak a kwa. 6Aman Paul a Barnabas ta tsena'a, ta hu ta a kokwar Lycaonie, Lystre a Derbe. 7A sam tèlèba ta nju ma mbela'a.

8Ndo vedal ngiƋè a zhè te kokwar Lystre, man a nza a verzai, te nyakaƋ na a n'nda a sak ɓai. 9A ntsena ngèƋè Paul. Aman nenga'a a mpa na dai, a nrka ncè-a-ndav nenga'a, a slaha a ntakaha, a goƋ ngèƋè a wuƋai:

10SlambaƋa, zlatsa a sak ngaya!

A nenga'a a nzevau, a nƋè. 11Aman ndohi ta rka skwi man Paul a gau, ta hüno a ta gaƋa a ma Lycaonie:

Zhiklèhai ta shkèhai a sam nga ara ndohai.

12A ta baba na Bamabas Jupiter, a Paul Hermes, aman nenga'a ndo ncèmma. 13Aman ndo mvi skwi a Zhiklè Jupiter te gi Jupiter, a ma kokwar ta, a ncko zlèhai, a skwi ngolala, a ta woy a ta zla ta skwi a nda ndohi tèlèba. 14Aman Bamabas a Paul, ndohi sak, ta tsena'a, ta kuratseda maslaka tenga'a aussa, a ta hu te ndev ndohai, a ta goƋ a wuƋai:

15Kinè ndonai, kin gi mè? Nga ba, nga ndoni lèmèlèmè ara kinè, a nga njè kinè ma mbela'a, aman kin ngwèƋè ndav, a kin menkaƋa deɓa te m'mbèh skwi ambalai a sam Zhiklè a nshèffè, nenga'a man a gu giƋfèk a herkeda, a iyam mbia'a a skwi tèlèba te pa. 16Aman zlèzlèa a njèke ta ndohi herkeda tèlèba, te man ta dzodzor civèƋ ara ndav tenga'a man a woya'a. 17Aman a mva ta skwi malwuƋi a skwi man amba kumba man a gia'a: iyam te zhiklè a via, a ta ɓicè skwai, a ngu aman ndav ta latsatsa'a a skwi n'ndai, a ta wuffè.

18Aman ta goƋ ma haha, ta slaha ta mbatseda ndav ndohi man ta zla ta skwi a hi ɓai (ara man ta va na a Zhiklè). 19Aman ndohi Juif te kokwar Antioche a Icone ta shkè a pa, a ta poko ta gèƋ auda a ndohai, a ta kol Paul a kwa, a ta ngazldauda te kokwar, a ta huro, m'metsa ma. 20Aman ndohi Yèsu ta teuda a pa, a nenga'a a nslambaƋa, a mdo a kokwar. Te mangoslèma'a to do a ma a Bamabas a kokwar Derbe.

21A ta nju ma mbela'a te kokwar, a ta ga ta ndohi kumba a golahi Yèsu, a to do a deɓa a kokwar Lystre a Icone a Antioche, 22a ta va ta wuƌi a golahi Yèsu, a ta bid ta, aman ta nzi tara'a te ncè-a-ndav tenga'a. Ta gaƋa, sèi nga bizhè a ndev skwi man wuƋitpa kumba, ga nga Ƌè a kokwar Bi Zhiklè.

23A ta pau ndohi mɓemdohai asam mpi ndohi Zhiklè tèlèba, a ta tsu rai, a ta jèkeda skwi n'ndai, a ta pe ta a ri Bi Yèsu, nenga'a man ta co a ndav. 24A ta bozl ndev kokwar Pisidie, a ta shkè a kokwar Pamphylie, 25a ta nju ma Zhiklè te kokwar Perge, a to do a nai a kokwar Attalie.

26Te pa to do a deɓa a kokwar Antioche a wurom, man pombi Zhiklè a nzlinde ta te pa, a sam mizlinè man a woya a ta gia'a. 27Aman ta shkè a pa, ta ɓic ta ndohi Zhiklè, a ta ngreda ta skwi tèlèba man Zhiklè a gau a nda tenga'a, ara man a winè ntamagi a sam ndohi herkeda ngiƋè, aman ta cè a ndav. 28A ta nza a pa n'nzi a zhè a sam ndohi Yèsu.

Currently Selected:

Acts 14: MAFNT

Highlight

Copy