Acts 15

1Ndohi ngiƋè ta shkè te kokwar Judée, a ta slebda ta kramamhai:

Aman kin ngél ngwon azɓai, ara man Moise a gaƌa, kin slaha a kin mbél kinè azɓai.

2Aman ta gu ma a Paul, a Bamabas, a ta vursl ma kumba a nda tenga'a. A ta basla gèƋ ta, aman Paul a Bamabas a ndohi ngiƋè te kokwar Antioche ta Ƌè a kokwar Jérusalem a sam ndohi sak a ndohi nhala'a, a ta geƋè, a ta jhèƋ ma haha. 3A mpi ndohi Zhiklè ta fèda ta ma a civèƋ, a ta bozl ndev kokwar Phénicie a Samarie, a ta ngreda, ara man ndohi nte deɓa ta ngwodko ndav ta a sam Bi Zhiklè. A ndohi Zhiklè te pa tèlèba ta wuffè a géƋ ma haha.

4Aman ta shkè a kokwar Jérusalem, mpi ndohi Zhiklè a ndohi sak a ndohi mɓer ndohi Zhiklè ta ce ta. A ta ngreda skwi tèleba man Zhiklè a gau a nda tenga'a. 5A ndohi ngiƋè te va ndohi pharisie, man ta co Yèsu a ndav ta, ta slambaƋa, a ta gaƋa:

Sèi ta ngél ngwon, a ta gi skwi tèlèba, ara ma kita Zhiklè man Moise a va nga, a gaƋa.

6A ndohi sak a ndohi nhala'a ta ɓica va, a ta tsomma a géƋ ma haha. 7Aman ta tsama ma kumba ma, Pierre a nslambaƋa, a ngaƋa ta:

Dalahimam ga, kin suna, n'nzi a zhè Zhiklè a nco ndo auda te ndev kinè, a woya ndohi nte deɓa ta tsena ma mbela'a te ma ga, a ta cè a ndav. 8A Zhiklè man a sun ndav ndohai, a ngu malwuƋai a sam tenga'a, a mva ta Mèzhèɓ Zhiklè lèmèlèmè ara man a nga, 9a pèr ndo mpèrè ka ɓai, a mpana ndav tenga'a man ta co a ndav lèmèlèmè ara man a nga.

10Kin jkeda Zhiklè èhèmè; kin woy a kin kelawa ta wof a da'ai a ndohi Yèsu, man ko bababhi nga, ko kinè, ta slaha ta zhüɓa ɓai. 11Aman nga co a ndav, nga mbel nga a géƋ pombi Bi Yèsu Kristi, tenga ba lèmèlèmè.

12Nhèy ndo tèlèba ta nza tètè, a ta tsena ma Paul a Bamabas, ara man ta ngreda nrkedihai a skwi kumba man Zhiklè a ngau a nda tenga'a a sam ndohi nte deɓa. 13Te deɓa'a man ta gaƋa ma klèng ma, Jacques a ngaƋa:

14Dalahimam ga, vatsena'a! Simon a n'ngra nga, ara man Zhiklè a baba ta ndohi nenga'a te va ndohi nte deɓa, aman ta cè nzlembaƋ na. 15Gar haha ma ndohi nhadka ma, ma nzura'a, ara man ta windo te Ƌèlèwèr Zhiklè: 16I woy a i shkè deɓa, a i rèm gi David za'a, man m'mbeƋ na hai. A i woya man i til njèkèƋia'a, a i zlatseda a pa za'a, 17a ta jhèƋè ma Bi Zhiklè njèkèƋi ndohi herkeda tèlèba, a ndohi nte deɓa man i woy ta a ndohi ga. 18Bi Zhiklè a goƋ ar haha, nenga'a man a gi skwi haha tèlèba, a ngreda auda n'nzi a zhè.

19Gar haha i gaƋa: Da dzakaɓama ta gèƋ a ndohi nte deɓa, man ta ngwoda ndav ta, ɓai! 20Aman sèi da winda ta ƌèlèwèr, aman ta jèkeda mbèh skwai, a mphömè, a skwi m'mets m'metsai, a ta si pombaz azɓai. 21Daga zlèzlèa, ndohi Moise ta nju ma Moise te kokwar tèlèba, a ta jèngè'a te gi njèngè ma Zhiklè a pats nshèk va pèc pècèk.

22A ndohi sak a ndohi nhala'a a mpi ndohi Zhiklè tèlèba ta hur amba, a ta por ndohi te va tenga'a, a ta zlinde ta a kokwar Antioche a verzi nda Paul a Bamabas: Jude, man nshibèn na Barsabas; a Silas, nsalsalhia'a te va kramamhi ta. 23A ta va ta Ƌèlèwèr a rai, aman mwinƋèa te pa:

Ndohi sak a ndohi nhala'a, a sam kramamhi nga a civèƋ Zhiklè, te va ndohi nte deɓa te kokwar Antioche a Syrie a Cilicie: Vombali kinè! 24Aman nga tsena'a, ndohi ngiƋè te ndev nga, man nga nzlinde ta ka ɓai, to do, a ta dzakaɓama kinè gèƋ, a njèma tenga'a, 25nga basla gèƋ nga, tèlèba a ndav staƋ, a nga por ndohi man nga zlinde ta a sam kinè a verzi nda Bamabas a Paul, man nga woy ta, 26ndohi man ta pi ndav a mizlinè Bi Yèsu Kristi.

27A nga zlündo Jude a Silas, aman ta da menda kinè ma Ƌèlèwèr haha a ma ba. 28Ma Mèzhèɓ Zhiklè, a ma nga ba, aman nga fa kinè skwi mwuƋitpa ngiƋè a gèƋ azɓai, sèi skwi haha, man sèi kin gia'a nƋèzl: 29Vajèkeda n'ndi vrai, kin sau pombaz ɓai, kin ndau skwi m'mets m'metsi ɓai, a kin gu mphömè ɓai! Aman kin ɓir va kinè te skwi haha, kin gi amba. Vambali di mènè!

30Aman ta zlinde ta ma, to do a kokwar Antioche, a ta ɓic ta ndohi Zhiklè tèlèba, a ta va ta Ƌèlèwèr. 31Aman ta jongo, ta wuffè a géƋ ma man ta bid ta a vna. 32A Juda a Silas, tengahia ba ndohi nhadka ma, ta bid ta kramamhi ta a ma kumba, a ta va ta wuƋai.

33Aman ta nza a pa n'nzi kètè, kramamhi ta ta fèdoko ta ma a civèƌ, a ta men ta a deɓa a sam ndohi nzlinde ta. 34[Aman Silas, nenga'a a nhur amɓa man a nzi a pa, a kokwar Antioche.] 35A Paul a Bamabas ta nza a kokwar Antioche, ta senda ta, a ta njè ta ma Bi Zhiklè a nda ndohi ngiƋè kumba.

36Te deɓa kètè Paul a ngaƋa na Bamabas:

Ngodokoy a deɓa a kokwar tèlèba, man nga nju ma Bi Zhiklè te pa, a nga da rka kramamhi nga, ta gu kè?

37Barnabas a woy a ta cè Jean, nshibèn na Marc, a nda tenga'a. 38Aman Paul a woya ɓai, a nhur ndo man a wuckaƋ na te kokwar Pamphylie, a n'nga mizlinè a ma ma a nda tenga'a ɓai, amba aman ta cè a a nda tenga'a ɓai. 39A ta vursl ma a géƋè'a kumba, a ta kezla gèƋ ta, a Bamabas a nco Marc, a mdo a Chypre a wurom. 40A Paul a nco Silas, a to do a vna, a kramamhi ta, ta pe ta a ri pombi Zhiklè. 41A nenga'a a mbozl ndev kokwar Syrie a Cilicie, a mva ta wuƋai a mpi ndohi Zhiklè.

Currently Selected:

Acts 15: MAFNT

Highlight

Copy