Acts 13

1Te va mpi ndohi Zhiklè te kokwar Antioche, ndohi nhadka ma, a ndohi njèngè ta zhè: Bamabas a Simon, man ta baba na Niger, Lucius te Cyrène, a Manahen, man ta gra a nda bi Hérode a Saul. 2Aman ta ndzaraha mizlinè tenga'a a sam Bi Zhiklè, a ta jèkeda skwi n'ndai, Mèzhèɓ Zhiklè a ngaƋa ta:

Vahelka ta nda Bamabas a Saul auda, a ta gi mizlinè man i baba ta a pa!

3A ta jèkeda skwi n'ndai, a ta tsu rai, a ta fa ta ri a gèƋ, a ta va ta civèƌ aman a ta Ƌè. 4Tenga'a ta shkè a kokwar Séleucie, ara man Mèzhèɓ Zhiklè a zlinde ta. Te pa to do a wurom a Chypre. 5Aman ta shkè a kokwar Salamine, ta nju ma Zhiklè te gi njèngè ndohi Juif, a JeanMarc a ntakaha ta.

6Aman ta sawala t'herkeda te ndev iyam, ha a ndikè a kokwar Paphos, ta ngots ndo m'mbèh skwai, ndo nhadka ncèkèlma, ndo Juif, nzlembaƋ na Bar Jésus. 7Nenga'a a zhè a sam Sergius Paulus, ngomna, ndo maya. A mbaba ta nda Bamabas a Saul a sam na, a woya man a tsena ma Zhiklè.

8A Elymas, nzlembaƋ nenga'a a da'ai kokwar na, ndo m'mbèh skwai, a woya a ngedassa civèƌ Sergius ngomna, aman a cè a ndav. 9Aman Saul, a nzlembaƌ na Paul, n'ndha a Mèzhèɓ Zhiklè nkezla'a, a mpu dia'a, 10a ngaƌa:

Ka tser madzagai, ndav ngaya n'ndha a ma n'ngwèƌè ndo tèlèba, a skwi ambaɓi tèlèba; ka ndo mayam skwi nzura'a. Ka jèkè azɓai aman ka gedassa civèƌ Bi Zhiklè ƌè? 11Na haha ri Bi Zhiklè a zhè a géƌ ngaya; ka ndi a mandazlai, n'nzi kètè ka da rka pats azɓai.

12A nasa nasa a n'nde na mandazlai, a tètèmè va, a woy ndo ncè na ma. Aman Sergius ngomna a rka skwi haha, a nco a ndav, a nrzl na a géƌ ma Bi Zhiklè.

13Aman Paul a ndohi man ta zhè a sam na, to do a wurom te kokwar Paphos, a ta shkè a kokwar Perge, te Pamphylie. A Jean a m'men na a deɓa a kokwar Jérusalem. 14Tenga'a te kokwar Perge to do a ma ma, a ta shkè a kokwar Antioche te Pisidie, a to do a gi njèngè a pats nshèk va, a ta nza a va ndohai. 15A ndohi njè ma ta jongo ma Zhiklè, man Moise a va ta, a ma ndohi nhadka ma klèng ma, ndohi mbibihia'a te gi njèngè ta baba ta golahi Yèsu, a ta dzhad ta:

Dalahimam ga, aman kin ngots ma mbid ta ndohai, vagaƌa ta antanta ma!

16A Paul a nslambaƋa, a ngeda ta rai, a ngaƋa:

Kinè ndohi Israel, a kinè man kin gi zlau Bi Zhiklè, vatsena'a! 17Bi Zhiklè ndohi Israel, a mpar ta bababi nga, a n'nzal ta ndohi man ta nza te mbrok te kokwar Egypte, a nde ta auda te kokwar sa a wuƋi na. 18Mvi kulkul faƋ, Bi Zhiklè a n'nzede ta a pa, a géƋ skwi man ta gu t'hèshèkèƋ. 19A ngedassa ndohi kokwar-Bi tsaraƋ te kokwar Canaan, a nkezla ta kokwar, a mva ta a ri ta. 20Te deɓa'a a mva ta ndohi kita, a gi ara mvi 450, ha pats man Samuel, ndo nhadka ma, a mshkè.

21Te deɓ nasa ta dzhoƋo bai; a Zhiklè a mva ta Saul, kra Kis, ndo te verzi Benjamin. A nenga'a a ngu bai mvi kulkul faƋ. 22Aman a nkoldko nenga'a auda ma, a mfèda David a bi ta, te nenga'a a gi malwuƋai, a gaƋa: I ngots David, kra Jesse, ndo ara man ndav ga a woya'a, nenga'a a da gi skwi tèlèba man i woya'a.

23Te verzi nenga'a Zhiklè a nslambaƋda Yèsu, ara man a mpasla nga ri zlèzlèa, ndo mbél ndohi Israel. 24Jean a ntül mshkè nenga'a, a njè ta ndohi Israel tèlèba ma n'ngwèƋè ndav a ma baptême. 25Aman Jean a ndeva mizlinè nenga'a ma, a ngaƋa: I nenga'a ka ɓai, man kin huro, i nenga'a. Aman na haha, nenga'a a shkè te deɓ ga, nenga'a man i gi huyokoko'a, i slaha man i prè teɓa kotokoroh nenga'a ɓai. 26Kinè, dalahimam ga, kinè te verzi Abraham, a kinè, man kin gi zlau Zhiklè, ma m'mbel ndo haha ta zlündo a sam nga.

27Aman ndohi te kokwar Jérusalem a ndohi mbibihia'a ta sun ndo haha ɓai. Ta sun ngèƌè ndohi nhadka ma, man ta jongo a pats nshèk va pèc pècèk, ɓai. Aman ta gu ara ma man ndohi nhadka ma ta gaƌa, a ta ga na kita a gèƌ. 28Ko ta sun skwi man ta keƌa'a a géƌè'a ɓai, ta tsu ri a Pilate, aman a nkeƌa'a.

29Aman ta ndeva skwi tèlèba ma, man ƌèlèwèr Zhiklè a mwindo a geƌ nenga'a, ta ckoƌahi a wof, a ta feda a gi dzavai. 30Aman Zhiklè a nslambaƌdekoƌauda te ndev ndohi m'metsa'a. 31A nenga'a a ngudoko ta va a dai a ndohi man to do te kokwar Galilée a kokwar Jérusalem a vna. Antanta ta ndohi malwuƌihi nenga'a a sam ndohai.

32A nga njè kinè ma mbela'a, man Zhiklè a mpasla ta ri a bababhi nga. 33Zhiklè a nrufa mpèsl ri nenga'a a sam di nga, wudahi tenga'a, aman a nslambaƋda Yèsu te ndev ndohi m'metsa'a, ara man ta windo te Psaume 2: Ka kra ga, a patsna i fè ka.

34Aman a slambaƋkaƋauda te m'metsai, a da huslè azɓai, a goƋar haha: I woy a i va kinè skwi nkezla'a a vava, ara man i pasla na ri a David, ndo nlèɓèslèa. 35Gar haha a goƋ a sam ngiƋè: Ndo ngaya nkezla'a ka jèkè azɓai, aman a nda huslna.

36David man a gu skwi man Zhiklè a woya'a te nshèffè nenga'a, a m'mets na, kala a va babhi na, a nhusl na ma. 37Aman nenga'a, man Zhiklè a slambaƋdekoƋauda te m'metsai, nenga a a nhusl ɓai.

38Gar haha, dalahimam ga, sèi vasuna, te nenga'a man ta njè kinè ma mprè malai, te ncè nenga'a a ndav kin ngots ngizura'a. 39Ma kita Zhiklè, man Moise a va kinè, a slaha a mva kinè ngizura'a azɓai. 40Vagu maya, aman skwi man ndo nhadka ma a goƋo, da shkè a gèƋ kinè ɓai. 41Vapu dai, kinè ndohi nkwola ma Zhiklè, varzl kinè, a kin gedas kinè! Aman i da gi skwi a pats man a kinè, skwi man ko ndo ngiƋè a ngreda kinè, kin ca a ndav kinè ɓi genè.

42Aman ndohi Juif ta jèkeda gi njèngè, ndohi ngiƋè ta dzhoƋo, aman a pats nshèk va man a ma, ta shkè a ta njè ta ma za'a.

43Aman ta kezla gèƋ ta te gi njèngè, ndohi Juif kumba ta dzodzor Paul a Barnabas a gwoli Juif man ta gu zlau Zhiklè. A Paul a Bamabas ta fa ta ma a gèƋ, a ta gaƌa ta, aman ta gshè va a pombi Zhiklè azɓai. 44A pats nshèk va man a ma, ndohi kokwar tèlè ta ɓicko va, aman ta tsena ma Zhiklè; njèkè ndohi kètè genè man ta da a sam mɓica va ɓai. 45Aman ndohi Juif ta rka ta ndohai, ta gu srak, a ta tseda na ma Paul a pa, a ta durƌo a vata. 46A Paul a Bamabas ta goƌ a zlau ka ɓai:

Ar agassa amba, man ta gaƌa kinè ma Zhiklè nshèlèkura'a; aman antanta kin kwola'a, a kin ngreda auda, ara man nshèffè a mèƋèp ambaba kinè ɓai. Na haha, nga ngwèƋè gèƌ nga a deɓa a sam verzi ndohi herkeda ngiƌè. 47Aman Bi Zhiklè a gaƋa nga arsa: I ge ka a skwi nhél sam ndohi herkeda, a ka gi a skwi mbél ndo, ha verzi herkeda.

48Aman ndohi nte deɓa ta tsena ma haha, ta wuffè holhola'a, a ta slubordo ma Zhiklè, a ta co a ndav, tenga'a tèlèba, man Zhiklè a mpe ta hi a nshèffè a mèƋèp. 49A ma Bi Zhiklè a zlèzlèmè a sam tèlèba.

50A ndohi Juif ta poko ta gèƋ auda a ngwozi man ta woy Zhiklè, a ndohi mbibihia'a te kokwar. Ta gau, aman ta dzama Paul a Bamabas, a ta dzar ta aussa a ma kuma tenga'a. 51A tenga'a ta tassa lokotor a sak tenga'a, a géƋ ndohi Juif sa, a to do a kokwar Icone. 52Ndav ndohi Yèsu n'ndha a mwuffè a Mèzhèɓ Zhiklè nkezla'a.

Currently Selected:

Acts 13: MAFNT

Highlight

Copy