Acts 12
12
1Te ndev nasa bi Hérode a mpar ta ndohi ngiƋè kète te ndev mpi ndohi Zhiklè, aman a ga ta matakwan. 2A nkeƋa Jacques, kramam Jean, a kafahi gwèsh. 3Aman a rka, ambaba ta ndohi Juif, a n'ndo a ma ma, a ngso Pierre ba, a pats ngolala skwi n'ndi man skwi nshégèrè a te di ɓai.
4Aman a ngso, a mfeda a gi dangai, a mva ta a ri sojèhi, sojèhi faƌ a faƌ man ta ɓerè'a pèc pècèk. A nhuro, a woya a nzlatseda a sam ndohi te deɓ ngolala Pâque. 5A ta ɓür Pierre te gi dangai. Aman mpi ndohi Zhiklè ta tsu ri a Zhiklè pèc pècèk a géƌ nenga'a.
6Aman Hérode a woya a nzlatseda a sam ndohai, a vaâ sa, Pierre a nzhuna te ndev sojèhi cèw, ndzawa a cèlèlèu cèw, a ndohi mɓer ntamagai ta ɓüro, ta a ntamagi dangai.
7Na haha gol Bi Zhiklè a mshkè, a nhela sam te gi dangai, a ntsu zlazlar Pierre, a mpiƋèkwuda, a ngaƋa:
SlambaƋa!
A cèlèlèu a nwush na hai te ri nenga'a tsam tsam.
8A gol Zhiklè a ngaƋa na:
Mana hutèƋ ngaya, peda kotokoroh ngaya a sak!
A nenga'a a ngu arsa. A ngaƋa na:
Kalda maslaka ngaya a va, a ka dzadzarkayè!
9A nenga'a a ndo auda, a ndzodzora, a sun skwi man a gia ɓai, a nhuro, a nrka gol Zhiklè te nshunè. 10A ta beza a tsagi sojèhi faƋ nshèlèkurhia'a, a tsagi ngiƋè te deɓa'a za'a, a ta shkè a sam ntamagi züdo, man a ma kokwar, a ntamagi sa a mwin na a ri na. A to do auda, a ta kala na ma a civèƌ, a nasa nasa gol Bi Zhiklè a njèkeda a pa. 11Aman maya Pierre a m'menkaƋ a pa ma, a ngaƋa:
Antanta i sun a vava, Bi Zhiklè a nzlündkoƋi gol nenga'a, aman a mbelyè te ri Hérode, te skwi tèlèba man ndohi Juif ta woy a ta gia'a.
12Aman Pierre a hur arsa, a mshkè a ntamagi Marie, mam Jean, nshibèn na Marc. Aman ndohi kumba ta ɓica va, a ta tsu rai.
13Aman Pierre a ntsu a ntamagai, dem mizlinè a mshkè, a fi zlembaƋa'a; nzlembaƋ na Rhode. 14Aman a tsena da'ai Pierre, a mwina ntamagi ɓai agéƋ mwuffè te ndav, a nhu a gai, a n'ngra ta ndohi te pa tèlèba:
Pierre nzlatsa a ntamagai!
15Ta gaƋa na:
Ka rzla Ƌè?
'Aman dema'a a ngaƋa: A vava, nenga'a!
16Ta gaƋa: Gol Zhiklè na!
A Pierre a ntsau ntamagi za'a. 17Aman ta winè'a, ta rka'a, a ta rzl ta. A nenga'a a ngeda ta rai, aman ta nzi tètè, a ngreda ta, ara man Bi Zhiklè a nda'a auda te gi dangai, a ngaƋa:
Vada ngra na Jacques a kramamhi ga ngiƋè!
18A ndo a sam ngiƋè. Aman sam nciƌa ta, ndav sojèhi a m'mbeƌ na a géƋ skwi man a gu a Pierre. 19Hérode a ndzhoƋo, a n'ngatsa ɓai, a mbaba ta ndohi mɓer ntamagai a kita, aman a mbazl ta. Te deɓa'a Hérode a njèkeda kokwar Judée, a n'nza a kokwar Césarée n'nzi kètè.
20A nhuro a woy ngi var a ndohi Tyr a Sidon. Aman ndohi ta shkè a sam na a ndav staƋ, a ta bidkoƋi Blastus, ndo m'menda na bai, a ta dzhoƋ gumai. Aman kokwar ta a ngots skwi n'ndi a ri bai. 21Aman a pats ngiƌè, bi Hérode a fèda maslaka bai a va, a n'nza a géƋ sam n'nzi bi nenga'a, a njè ta ma bi nenga'a. 22A ndohi tèlèba ta boho:
NgèƋè ndo ka ɓai, ngèƋè Zhiklè!
23A nasa nasa gol Bi Zhiklè a ntsau, a géƋ mart a mva na n'njèlè a Zhiklè ɓai. Mazlarihai ta ndedama, a m'mets na. 24A ma Zhiklè a zlèzlèmè a ma ma. 25A Bamabas a Saul, aman ta va ta skwi ntakaha ta a kramamhi ma, ta shkè a deɓa te kokwar Jérusalem. A ta cko Jean, nshibèn na Marc, a rai.
Currently Selected:
Acts 12: MAFNT
Highlight
Share
Copy
Want to have your highlights saved across all your devices? Sign up or sign in
Mofa New Testament © The Bible Society of Cameroun, 1989
