Acts 11

1A ndohi sak a kramamhi a civèƋ Zhiklè te kokwar Judée ta tsena labar ma'a, aman ko ndohi man verzi ta tsaƋ ta co ma Zhiklè. 2Aman Pierre a shkè a kokwar Jérusalem, ndohi Juif ta gu ma a nenga'a, a ta gaƋa:

3Ko do a gi ndohi man ngwon ta n'ngel ɓai, a ka ndau skwai a nda tenga'a.

4A Pierre a hüno a ngreda ta skwi staƋ staƋ tèlèba, a ngaƋa:

5I zhè te kokwar Joppé; i tsurai, askwi ngiƋè a nrkay a dai: Skwi ngiƋè ara jampai mbia'a, man ta gso te tsagi faƋ, a nshkèhai, ta ckoƋahai te zhiklè a sam ga. 6Te pa i rka skwi a sak faƋ man a zhè t'herkeda, a skwi dak a meturƋihai a Ƌiakihai t'hwaƋ giƋfèk. 7I tsena ngèƋè staƋ man a gaƋayè: Pierre, slambaƋa, keƋa'ai a ka ndau! 8A i gaƋa: A'ai, Bi Zhiklè, i tara skwi ambalai a skwi nlizhèa di ɓai! Aman ngèƋè te zhiklè a ngaƋkayè macecèwa'a:

9Skwi man Zhiklè a sla na nlizhèɓai, ka da gaƋa skwi nlizhèa ɓai! 10Skwi haha a gu sak makar, a ta ceda skwi tèlèba a deɓa a zhiklè.

11Na haha, ndohi makar ta zlatsa a ma gi man iyè te pa, man ta zlündo te kokwar Césarée, a sam ga. 12A Mèzhèɓ Zhiklè a ngaƋayè, aman i Ƌè a nda tenga'a, aman i pi gèƋ cèw azɓai. 13A kramamhi haha mokwa ta shkè a verzi ga, a ngo do a nda tenga'a a gi ndo'a. A nenga'a a n'ngra nga, ara man a rka gol Zhiklè te gi nenga'a, man a gaƋa na: 14Zlündo ndo a kokwar Joppé, a ka baba na Simon, man nshibèn na Pierre, nenga'a a da gaƋa ka, ara man ka a gi ngaya tèlèba ta da mbél ta.

15Aman i hüno ngèƋè, Mèzhèɓ Zhiklè a nkalkaƋahai a géƋ tenga'a, lèmèlèmè ara man a sam nga te nhinkaƋ na. 16A i hur ma Bi Yèsu man a gaƋa: Jean a ngu baptême a iyam, aman sèi ta da ga kinè baptême a Mèzhèɓ Zhiklè nkezla'a. 17Aman Bi Zhiklè a mva ta skwi lèmèlèmè ara man a nga, aman nga co Bai Yèsu Kristi a ndav. Kos i wa, man i gedassa skwi man Zhiklè a gia'a!

18Aman ta tsena'a, ta nza tètè, a ta slubordo Zhiklè, a ta gaƋa:

Gar haha Zhiklè a gi aman ndohi te verzi ta tsaƋ tsaƋ ta ngwèƋè ndav ta, a ta ngècè nshèffè.

19Aman tengahi man ta venda gèƋ ta a géƋ skwi mwuƋitpa, man a shkè a géƋ Etienne, to do a kokwar Phénicie, Chypre, a Antioche, a ta njè ta ma mbela'a a ndohi ngiƋè azɓai, sèi a ndohi Juif. 20Ndohi ngiƋè kètè ta zhè a sam tenga'a, ndohi Chypre a Cyrene, a ta shkè a kokwar Antioche, a ta gaƋa ta ma haha a ndohi Grec ba, a ta njè ta ma mbela'a te Bai Yèsu. 21A wuƋi Bi Zhiklè azhè a nda tenga'a, a ndohi kumba ta co a ndav, a ta menkaƋa deɓa a sam Bi Zhiklè.

22A mpi ndohi Zhiklè te kokwar Jérusalem ta tsena labar ma haha, a ta zlündo Bamabas a kokwar Antioche. 23Nenga'a, aman a mshke, a nrka pombi Zhiklè, a wuffè, a bid ta tèlèba, aman ta nzi tara'a a sam Bai Yèsu. 24Aman Bamabas ndo man amba, n'ndha a Mèzhèɓ Zhiklè nkezla'a, a nco a ndav a vata.

25Ndohi kumba ta co Bai Yèsu a ndav. Aman Bamabas a mdo a kokwar Tarse, a woy Saul te pa. 26Aman a ngotso, a nda'a a kokwar Antioche. Mvi staƋ ta ɓica ndohi Zhiklè te pa, a ta senda ta ndohi kumba. Te Antioche ta hüno a mbèhè golahi Yèsu ndohi Kristi (chrétien).

27Te ndev nasa ndohi nhadka ma ta shkè te Jérusalem a to do a kokwar Antioche. 28StaƋ te ndev tenga'a, nzlembaƋ na Agabus, a nslambaƋa, a nhodko te Mèzheɓ Zhiklè, mi mbia'a man a di a shkè a géƋ herkeda tèlèba. Te deɓa'a a ngu arsa te va man Claude bai. 29Te ndev golahi Yèsu, ta vau skwi a géƋ kramamhi ta te kokwar Judée, staƋ staƋ ara man a slaha, aman ta takaha ta a vna. 30A ta zlündo skwi man ta ɓüco, a sam ndohi mɓer ndohi Zhiklè, a ri a Bamabas a Saul.

Currently Selected:

Acts 11: MAFNT

Highlight

Copy