Markus 13

Yeesu ɗon anndina gibbinki haykaliiru

(Matta 24:1-2; Luka 21:5-6)

1Nde Yeesu wurti haykaliiru, gooto haa pukara'en maako wi'i mo: “Moodibbo, laar no kaa'e e nyiɓle ɗe'e mbooɗiri!” 2Yeesu jaabi mo: “A ɗon yi'a nyiɓle mawɗe ɗe'e na? Fakat, hayre luttataa dow hayre, ɓe ngibbinan koo ɗume fuu.”

Ɓillaaje e toonyaaŋgeeji

(Matta 24:3-14; Luka 21:7-19)

3Yeesu ɗon jooɗi dow Hooseere Jaytunje haa huucitirde haykaliiru. Piyer e Yaakuba e Yuhanna e Andire feere maɓɓe ƴami mo: 4“Yeccu min ndey kuuje ɗe'e laatoto e alaama kaye waŋginta saa'iire timmoode kuuje ɗe'e fuu?”

5Nden Yeesu fuɗɗi wi'ugo ɓe: “Kakkile, ngam taa goɗɗo majjina on. 6Ɗuuɗɓe ngaran bee innde am, ɓe mbi'an: Min woni Almasiihu, ɓe majjinan yimɓe ɗuuɗɓe. 7To on nani habaru konuuji ɓadiiɗi e daayiiɗi, taa kultore, doole ɗum laato, ammaa naa ɗum timmoode tawon. 8Ummaatoore haɓan bee ummaatoore woɗnde, laamu ummanto laamu feere. Dimmbanɗe lesdi mbaɗan haa nokkuuje feere feere, non boo weelo. Ɗum laatoto bana fuɗɗam luuwe danyugo.

9Ammaa onon, kakkilane ko'e mooɗon, ngam ɓe naŋngan on, ɓe njahran on yeeso hiitooɓe. Ɓe piyan on nder cuuɗi dewal Yahuudu'en. On ndaroto yeeso mawɓe e laamiiɓe ngam daliila am, haa on mbaɗa seedamku mooɗon yeeso maɓɓe. 10Sey ummaatooje fuu nana waazu Linjiila tawon. 11To ɓe naŋngi on, ɓe njahri on yeeso hiitooɓe, taa cuklane ko mbi'oton. Ammaa to wakkati man wari, mbolwe bolle ɗe on keɓata. Kanje ɗe iwataa haa mooɗon, ammaa haa Ruuhu Ceniiɗo#Mat 10:17-20; Lk 12:11-12.. 12Yimɓe ndokkan deerɗiraaɓe maɓɓe ngam mbareego, baabiraaɓe mbaɗan ɓikkoy maɓɓe bana non, ɓikkoy ummanto saaro'en maɓɓe e koy mbaran ɓe. 13Koo moy fuu wanyan on daliila innde am. Ammaa mo munyi haa timmoode, o hisan#Mat 10:22..”

Nyidduɗum nattinoojum

(Matta 24:15-28; Luka 21:20-24)

14Yeesu wi'i boo: “On ngi'an ko wi'ete nyidduɗum nattinoojum ɗon dari haa pellel ngel haanaay ɗum daro. Mo jaŋngi ɗum, sey faama booɗɗum! Nden kam sey wonɓe lesdi Yahudiya ndogga haa kooseeje#Dan 9:27; 11:31; 12:11.. 15Mo ɗon dow soorowol, taa jippo ngam hoocugo koo ɗume nder maagol. 16Mo ɗon haa ngesa, taa hoota saare ngam hoo'ugo limce mum#Lk 17:31.. 17Kayto! Bone laatanto reedu'en e musininanɓe nder nyalɗe man! 18Tore Allah ngam taa ɗum laato saa'i duumol. 19Ngam nder nyalɗe maajum ɓillaare naawnde waɗan, bana maare meeɗaay waɗeego diga fuɗɗoode duniyaaru haa wargo hannde, nde meetataa waɗugo boo#Dan 12:1; WY 7:14.. 20To Allah ustaayno limgal nyalɗe man, walaa koo gooto hisanno. Ammaa o usti ɗe ngam daliila yimɓe maako ɓe o suɓi.

21Wakkati man, to goɗɗo wi'i on: Ndaa Almasiihu haa ɗo malla: Ndaa mo haa to, taa njaɓe. 22Ngam fewooɓe wi'anɓe ɓe almasiihu'en malla ɓe annabi'en mbaŋgan, ɓe mbaɗan alaamaaji e kaayeefiiji ngam ɓe majjina koo suɓaaɓe boo, to ɗum heɓoto. 23Onon, kakkile! Mi yecci on ɗum fuu diga aran.”

Loraaki Ɓii-neɗɗo

(Matta 24:29-35; Luka 21:25-33)

24Nder nyalɗe ɓaawo ɓillaare nde'e, naaŋge nyiɓɓan, lewru accan yaynugo#Esa 13:10; Ez 32:7; Yl 2:10; 3:4; 4:15; WY 6:12., 25koode asama njanan, baawɗeeji asama boo ndimmboto#Esa 13:10; Yl 2:10; WY 6:13.. 26Nden Ɓii-neɗɗo waŋgan gite yimɓe, o waran nder duule bee tedduŋgal e baawɗe mawɗe#Dan 7:13; WY 1:7.. 27O nelan malaa'ika'en haa alkibilaaji nayi ngam mooɓtugo suɓaaɓe maako diga keerol duniyaaru ngo'ol haa ngola.

28Paame ko ibbi anndinta on: To lice maaki kesɗiti, haakooji maaki boo mbiliti, on anndi duumol ɓadake. 29Bana non onon boo, to on ngi'i kuuje ɗe'e ɗon laato, annde o ɓadake wargo. 30Gooŋga mbi'anmi on: Kuuje ɗe'e fuu laatoto hiddeko yimɓe zamanuuru ndu'u fuu maayda. 31Asama e lesdi njinnan, ammaa bolle am njinnataa sam.

Allah tan anndi nyalaade darŋgal

(Matta 24:36-44)

32“Ammaa walaa mo anndi nyalaade maajum koo saa'a maajum, malaa'ika'en anndaa, koo Ɓiɗɗo boo anndaa, sey Baabiraawo tan anndi#Mat 24:36.. 33Kakkile! Ayne! Ngam on anndaa ndey saa'i maajum laatoto. 34Ɗum laatoto bana to goɗɗo dilli jahaaŋgal, acci saare mum, halfitini huuwooɓe muuɗum gooto gooto fuu kuugal muuɗum, umri aynoowo saare o ayna#Lk 12:36-38.. 35Ngam maajum ayne, nde nii on anndaa ndey jawmu saare wartata, kiikiiɗe malla caka jemma malla boo baɓɓol, koo fajiri. 36To o warti bee juhuki, taa o tawta on ɗon ɗaani. 37Ko mi wi'i on, mi ɗon wi'a ɗum yimɓe fuu: Ayne!”

Currently Selected:

Markus 13: FBDC

Highlight

Copy