Popular Bible Verses from Markus 13

Share

Koo moy fuu wanyan on daliila innde am. Ammaa mo munyi haa timmoode, o hisan.”

Kakkile! Ayne! Ngam on anndaa ndey saa'i maajum laatoto.

To ɓe naŋngi on, ɓe njahri on yeeso hiitooɓe, taa cuklane ko mbi'oton. Ammaa to wakkati man wari, mbolwe bolle ɗe on keɓata. Kanje ɗe iwataa haa mooɗon, ammaa haa Ruuhu Ceniiɗo.

Asama e lesdi njinnan, ammaa bolle am njinnataa sam.

“Ammaa walaa mo anndi nyalaade maajum koo saa'a maajum, malaa'ika'en anndaa, koo Ɓiɗɗo boo anndaa, sey Baabiraawo tan anndi.

To on nani habaru konuuji ɓadiiɗi e daayiiɗi, taa kultore, doole ɗum laato, ammaa naa ɗum timmoode tawon.

Ngam maajum ayne, nde nii on anndaa ndey jawmu saare wartata, kiikiiɗe malla caka jemma malla boo baɓɓol, koo fajiri. To o warti bee juhuki, taa o tawta on ɗon ɗaani. Ko mi wi'i on, mi ɗon wi'a ɗum yimɓe fuu: Ayne!”

Ummaatoore haɓan bee ummaatoore woɗnde, laamu ummanto laamu feere. Dimmbanɗe lesdi mbaɗan haa nokkuuje feere feere, non boo weelo. Ɗum laatoto bana fuɗɗam luuwe danyugo.

Sey ummaatooje fuu nana waazu Linjiila tawon.

Ɗuuɗɓe ngaran bee innde am, ɓe mbi'an: Min woni Almasiihu, ɓe majjinan yimɓe ɗuuɗɓe.

Ammaa onon, kakkilane ko'e mooɗon, ngam ɓe naŋngan on, ɓe njahran on yeeso hiitooɓe. Ɓe piyan on nder cuuɗi dewal Yahuudu'en. On ndaroto yeeso mawɓe e laamiiɓe ngam daliila am, haa on mbaɗa seedamku mooɗon yeeso maɓɓe.

Ngam fewooɓe wi'anɓe ɓe almasiihu'en malla ɓe annabi'en mbaŋgan, ɓe mbaɗan alaamaaji e kaayeefiiji ngam ɓe majjina koo suɓaaɓe boo, to ɗum heɓoto.

Nder nyalɗe ɓaawo ɓillaare nde'e, naaŋge nyiɓɓan, lewru accan yaynugo, koode asama njanan, baawɗeeji asama boo ndimmboto.