Luka 3

Waazu Yuhanna baɗoowo baptisma

(Matta 3:1-12; Markus 1:1-8; Yuhanna 1:19-28)

1Nder hitaande sappo e jowaɓre haa laamu Tiberiyus Kaysara, laamiiɗo Roma, Pontiyus Pilaatu wonno ngomna dow lesdi Yahudiya, Hirudus laamani lesdi Galiili, deerɗum Filip boo laamani lesdi Itureya e lesdi Tarakonitis, Lisaniya boo laamani lesdi Abilen, 2Annas e Kayafas ngonno mawɓe liman'en. Saa'i man Allah wolwani Yuhanna ɓii Zekariya nder ladde. 3O waanci lesdi kommbi maayo Urdun fuu, o waazini yimɓe ɓe tuuba, ɓe njaɓa baptisma ngam yaafuye hakkeeji maɓɓe. 4Ɗum laati bana annabi Esaaya winnduno nder deftere muuɗum:

“Goɗɗo ɗon hoola nder ladde:

Mo'inane Jawmiraawo laawol,

mbaɗane mo buuwi darnuɗi.

5Waadiwol fuu fottitan,

hooseere e towndiire fuu leestinte,

laawol leliiŋgol fuu dartoto,

laabi kalluɗi fuu mbootan.

6Yimɓe fuu ngi'an kisndam Allah#Esa 40:3-5..”

7Yimɓe ɗuuɗɓe ngari haa Yuhanna ngam o waɗana ɓe baptisma. O wi'i ɓe: “Ɓiɓɓe poosokje, moy wi'i on on kisan tikkere Allah warannde#Mat 12:34; 23:33.? 8Kuuwe kuuɗe ɗe mbaŋginta on tuubi! Taa nume nder ɓerɗe mooɗon, on mbi'a: Ibrahiima woni kaaka amin. Ngam mi ɗon wi'a on, Allah woodi baawɗe waɗango Ibrahiima ɓiɓɓe bee kaa'e ɗe'e. #Yuh 8:33. 9Jonta ma fe'irde ɗon taaski ngam fe'ugo lekki diga ɗaɗi mum: Lekki ki rimataa ɓiɓɓe booɗɗe fuu, ki fe'e, ki wudine nder yiite#Mat 19. !”

10Yimɓe ƴami mo: “Ɗume haani min mbaɗa kadi?” 11O jaabi ɓe: “Mo mari toggooje ɗiɗi, sey o sennda ɗe bee mo walaa sam. Marɗo nyaamdu boo, sey waɗa bana non.” 12Jomnooɓe boo ngari haa Yuhanna ngam ɓe njaɓa baptisma, ɓe ƴami mo: “Moodibbo, ɗume haani min mbaɗa#Lk 7:29.?” 13O jaabi ɓe: “Taa on njomna yimɓe ɓura ko ɓe umri on jaɓugo haa maɓɓe.” 14Sooje'en boo ngari, ƴami mo bana non, ɓe mbi'i: “Minin boo, ko haani min mbaɗa?” O jaabi ɓe: “Taa on njaɓta jawdi koo moy malla on kooca ndi dow seedamku fewre. Ammaa ceyore ngeenaari mooɗon tan.”

15Yimɓe ɗonno ndeena bee tammunde, koo moy ɗonno numa: “Teema Yuhanna oo woni Almasiihu.” 16Yuhanna wi'i ɓe fuu maɓɓe: “Min mi ɗon waɗana on baptisma bee ndiyam, ammaa goɗɗo ɓurɗo yam baawɗe tammi wargo. Koo fiistugo ɓoggi paɗe maako maa, mi he'aay. O waɗanan on baptisma bee Ruuhu Ceniiɗo e bee yiite. 17O woodi jaartirɗum haa juŋngo maako, ngam senndirgo alkamaari bee nyaande. O mooɓtan alkamaari haa beembal maako, ammaa o wulan nyaande bee yiite nge nyifataa sam.”

18Bee wasuyeeji ɗuuɗɗi, Yuhanna heɓi waazingo ummaatoore kubaruwol belŋgol. 19Yuhanna feli Hirudus ngam o te'i Hirudiya, debbo deerɗiiko e ngam kuuɗe kalluɗe feere feereeje ɗe o huuwi. 20Nden Hirudus waɗi ko ɓuri hallugo fahin: O nastini Yuhanna fursina#Mat 14:3-4; Mk 6:17-18.#3:20 Fursina malla yaŋgada..

Yeesu jaɓi baptisma

(Matta 3:13-17; Markus 1:9-11)

21Ɓaawo yimɓe fuu njaɓi baptisma, Yeesu boo jaɓi ka. Nde o ɗon waɗa do'a, asama maɓɓiti, 22Ruuhu Allah jippi dow maako bana poola. Sawtu boo iwi haa asama, wi'i: “An woni Ɓiɗɗo am giɗaaɗo, mi ɗon seyoro ma masin#Laat 22:2; Jab 2:7; Esa 42:1; Mat 3:17; Mk 1:11; Lk 9:35..”

Lencitorde Yeesu

(Matta 1:1-17)

23Yeesu waɗi baakin duuɓi cappanɗe tati nde o fuɗɗi kuugal maako. Fodde ko yimɓe numi, kaŋko o ɓii Yusufu, Yusufu boo o ɓii Heli. 24Heli ɓii Mattat, Mattat ɓii Lewi, Lewi ɓii Melki, Melki ɓii Yannay, Yannay ɓii Yusufu, 25ɓii Mattatiya, ɓii Amos, ɓii Nahum, ɓii Hesli, ɓii Naggay, 26ɓii Maata, ɓii Mattatiya, ɓii Seme'in, ɓii Yosek, ɓii Yoda, 27ɓii Yowanan, ɓii Resa, ɓii Zorobaabila, ɓii Salatiyel, ɓii Neri, 28ɓii Melki, ɓii Addi, ɓii Koosam, ɓii Elmadam, ɓii Eri, 29ɓii Yosuwa, ɓii Eli'ezer, ɓii Yorim, ɓii Mattat, ɓii Lewi, 30ɓii Simeyon, ɓii Yahuuda, ɓii Yusufu, ɓii Yonam, ɓii Eliyakim, 31ɓii Meleya, ɓii Menna, ɓii Mattata, ɓii Natan, ɓii Daawuda, 32ɓii Yessa, ɓii Obet, ɓii Bo'es, ɓii Salmuuna, ɓii Nahasunu, 33ɓii Amminadabu, ɓii Admin, ɓii Arni, ɓii Hesruunu, ɓii Peres, ɓii Yahuuda, 34ɓii Yaakubu, ɓii Isiyaaku, ɓii Ibrahiima, ɓii Tara, ɓii Nahor, 35ɓii Saruku, ɓii Re'u, ɓii Falek, ɓii Eber, ɓii Sala, 36ɓii Kaynam, ɓii Arfasada, ɓii Sem, ɓii Nuuhu, ɓii Lamek, 37ɓii Matusala, ɓii Anuhu, ɓii Yaret, ɓii Maleliyel, ɓii Kaynam, 38ɓii Enos, ɓii Setu, ɓii Aadamu, ɓii Allah.

Currently Selected:

Luka 3: FBDC

Highlight

Copy