Popular Bible Verses from Luka 3

Share

Ɓaawo yimɓe fuu njaɓi baptisma, Yeesu boo jaɓi ka. Nde o ɗon waɗa do'a, asama maɓɓiti, Ruuhu Allah jippi dow maako bana poola. Sawtu boo iwi haa asama, wi'i: “An woni Ɓiɗɗo am giɗaaɗo, mi ɗon seyoro ma masin.”

Yuhanna wi'i ɓe fuu maɓɓe: “Min mi ɗon waɗana on baptisma bee ndiyam, ammaa goɗɗo ɓurɗo yam baawɗe tammi wargo. Koo fiistugo ɓoggi paɗe maako maa, mi he'aay. O waɗanan on baptisma bee Ruuhu Ceniiɗo e bee yiite.

Kuuwe kuuɗe ɗe mbaŋginta on tuubi! Taa nume nder ɓerɗe mooɗon, on mbi'a: Ibrahiima woni kaaka amin. Ngam mi ɗon wi'a on, Allah woodi baawɗe waɗango Ibrahiima ɓiɓɓe bee kaa'e ɗe'e.

Jonta ma fe'irde ɗon taaski ngam fe'ugo lekki diga ɗaɗi mum: Lekki ki rimataa ɓiɓɓe booɗɗe fuu, ki fe'e, ki wudine nder yiite!”

Ɗum laati bana annabi Esaaya winnduno nder deftere muuɗum: “Goɗɗo ɗon hoola nder ladde: Mo'inane Jawmiraawo laawol, mbaɗane mo buuwi darnuɗi. Waadiwol fuu fottitan, hooseere e towndiire fuu leestinte, laawol leliiŋgol fuu dartoto, laabi kalluɗi fuu mbootan. Yimɓe fuu ngi'an kisndam Allah.”