Mga Talinhaga 11
11
1Ikinakauyam nin Kagurangnan an timbangan na may daya. Naoogma siya sa timbangan na tama.
2Kun minaabot an kapaabaw-abawan, minaabot man an kasosopgan; an kadonongan yaon sa mapakumbaba.
3An pagigin onesto an giya kan matanos, alagad an madaya mararaot kan sadiri nindang kabikoan.
4Sa aldaw nin kagadanan mayo nin pakinabang an kayamanan, alagad an katanosan iyo an maligtas kan saimong buhay.
5An pagkamatanos kan sarong marahay na tawo iyo an minapagian kan saiyang buhay, alagad an karatan kan maraot iyo an minapahamak saiya.
6An pagkamatanos iyo an minaligtas sa onestong tawo, alagad an dai masasarigan na tawo nasisiod sa sadiri niyang kapasloan.
7Kun nagagadan an maraot, an saiyang paglaom nagagadan kaiba niya. An pagsarig sa kayamanan nawawaraan nin halaga.
8An matanos iliniligtas sa kasakitan, alagad sa maraot minahugpa iyan.
9Pwede kang maraot kan tataramon nin bakong diosnon na tawo, alagad an kadonongan kan matanos pwedeng magligtas saimo.
10Nag-oogma an syudad kun an matanos nagkakaigwa nin marahay na palad, asin nagkakaigwa nin maogmang mga kinurahaw kun nagagadan an maraot.
11Huli sa bendisyon kan matanos magigin dakula an sarong syudad, alagad magagaba iyan huli sa mga tataramon kan maraot.
12Mayo nin toltol na kaisipan an tawong nagmemenos sa kapwa; alagad an tawong may pakasabot dai naggigirong.
13Mayo nin sekreto na dai ibinubuyagyag kan matabil, alagad maski an sadit na bagay itinatago kan mapapaniwalaan.
14Marurumpag an sarong nasyon kun mayo nin pagsusundon. An dakul na parahatol nangangahulogan nin katiwasayan.
15Kun gagarantiyahan mo an utang nin sarong dayuhan, pagbabasolan mo iyan. Mas marahay na dai ka makilabot.
16Iginagalang an sarong babaeng mabini, alagad an sarong babae na mayong marahay na gawe ikinakasopog.
An sarong hugakon na tawo dai nanggad magkakaigwa nin kwarta,#11:16 Sa sarong daan na traduksyon alagad an sarong babae…kwarta; an mga tataramon na ini mayo sa Hebreyo. alagad an pusoan na tawo magyayaman.
17An tawong maboot napapakarahay, alagad an makuri nagraraot kan sadiri niyang buhay.
18Mayong marahay na makukua an maraot na tawo, alagad an nagtatanom nin katanosan magkakamit nin marahay na balos.
19An tawong nagdadanay sa katanosan mabubuhay, alagad an naglalamag sa karatan magagadan.
20Ikinakauyam nin Kagurangnan an mga tawong may bikong kaisipan, alagad ikinakaogma niya an mga tawong naggigibo nin matanos.
21Laomon mo na papadusahan an maraot na tawo, alagad ililigtas an matanos.
22An gayon kan babaeng mayo nin marahay na isip nakakaarog sa bulawan na singsing sa dungo kan orig.
23An kamawotan kan matanos minatapos sa karahayan; an paglaom kan maraot minatapos sa kaanggotan.
24May mga tawo na matinao, alagad orog na nagyayaman. An iba maimot nin marahay, alagad orog na nagigin dukha.
25Magmatinao ka, asin mauswag ka. Tabangan mo an iba, asin tatabangan ka man.
26Minamaldisyon kan banwaan an nagtatago kan trigo, alagad inoomaw ninda an nagpapabakal kaiyan.
27Igagalang ka kun marahay an mga katuyohan mo, alagad kun karatan an hinahanap mo, iyan an makukua mo.
28An nananarig sa saiyang kayamanan mararakdag arog sa alang na dahon, alagad mag-uuswag an matanos arog sa berdeng tinanom.
29An tawo na minadara nin problema sa saiyang pamilya maani sana nin doros.
An lolong magdadanay na sorogoon kan madodonong.
30Buhay an itinatao kan katanosan, alagad kagadanan an dara kan kadahasan.
31An matanos babalosan digdi sa daga, kaya laomon mo na papadusahan an maraot saka an parakasala.
Currently Selected:
Mga Talinhaga 11: MBBBIK92
Highlight
Share
Copy
Want to have your highlights saved across all your devices? Sign up or sign in
Marahay na Bareta Biblia © Philippine Bible Society, 1992.
