1 Batesalonika 3
3
1 #
Inc 17:15
Inzho caatukacila kwiikwata myonzo kwaamba tulindile, ubobo twakatelaika ati ncibotu kwaamba tushaale tubeni mu Asenisi. 2Ubobo twakatuma Timoti mukwesu walo uli ngushimilimo nokwesu wa Leza, mukukambauka Makani Mabotu aka Kilisito. Twakamutuma kwiza kumuzumya zumya kwaamba mushime mu lushomo lwenu, 3ati kutabi naaba womwi uzungaana mu mapenzhi aza. Umwe lwenu mulizhi ati mapenzhi aza nduzando lwa Leza. 4Nkaambo nitwakaakuli amwe twakamushimwinina limwi kwaamba tulakapenzhewa. Inzho shacitika mbubona mbumwizhi. 5Nciceco ncindakamutumina Timoti kwaamba nzhibe atene lushomo lwenu. Caankacila kuukwata monzo, ndakatelaika ati ulaba naamusukusha Shaatani shilucengo, nkukuti milimo yesu yoonse ilaba ya bulyo.
6 #
Inc 18:5
Inzho nguwezu Timoti wapiluka kuhwa koko kubanamuzeenu, watuletela mulumbe mubotu uwamakani a lushomo u lufwuno lwenu. Wakatushimwina ati mulatutelaika mazuba oonse, ulimwi mulituzhimbile, mulazanda kutubona, mbubona aswe mbutuzanda kumubona. 7Ubobo, mu mapenzhi u mabiila oonse ngumwiita mo, lushomo lwenu lwatukalika myonzo. 8Kuti lushomo lwenu kaluzhimine mu lukamantano u Mwami, aswe tulaakubotelelwe mukupona kwesu. 9Inzho tulakonzha kulumba Leza wesu ku kaambo kenu. Tulamulumba ukaambo kalutangalo ndutukwete ku bushu bwakwe ukaambo kenu. 10Muunza u mashiku tulakomba ca lushinizho kwaamba ambweni tulakabonana kaanzambwene u kumuzunjilila shimutakwete mu lushomo lwenu.
11Inzho Leza mwini lwakwe u Mwami wesu Jeso asalazhe inzhila yesu kwaamba ati uswe twize nkumubele. 12Mwami Leza azunjile kufwunana kwenu, kwaamba mufwune bantu boonse mbubona lufwuno lwesu kuli umwe mbulubele. 13Munzhila yezhi ulamuzumya zumya u kumululamika kwaamba musalale mu myonzo yenu ku bushu bwa Leza Tatesu, ciindi naakakashika Jeso Mwami wesu u bantu bakwe boonse.
Currently Selected:
1 Batesalonika 3: ILL
Highlight
Share
Copy
Want to have your highlights saved across all your devices? Sign up or sign in
Ila New Testament © Bible Society of Zambia, 2015.
