1 Batesalonika 2

Milimo yaka Paulu mu Tesalonika

1Umwe nubeni nubakwesu mulizhi kwaamba ati kuswaya nkutwakamuswaya kakutali kwa bulyo. 2#Inc 16:19-24; Inc 17:1-9Twakataanguna kupenzhewa u kusampaulwa ku bantu baku Filipi katutana kwiza kwenu ku Tesalonika. Nikuba kuti kakuli bantu banji banji bakaakutukazha, Leza wesu wakatupa insana kwaamba tumukambaucile Makani Mabotu. 3Kukambauka kwesu kakutali kwa mizeezo, mibiyabi ulimwi twiina nitwakazanda kucenga muntu. 4Nikuba bobo, tulaamba lyoonse mbuli Mwami Leza mbwaatuzeenzha kucita nkaambo wakatushoma, ubobo wakatupa ceelelo cakukambauka Makani Mabotu. Ubobo tatusoli kuboshezha bantu, tulazanda kuboshezha Leza u lingula myonzo yesu. 5Mulizhi kwaamba twiina nitwakeza kwenu cakuliboshezha nikuba kwaamba mazwi a kusoseka bu shaacihule mwangu. Leza mwini ngu kamboni wesu. 6Ulimwi twiina nitwakazanda kwaamba tuyane bulemu kuhwa ku bantu, nikuba kuli umwe nibaba bantu bamwi. 7Nikuba ati tuli batumwa baka Kilisito twakaakukwete ceelelo cakumulailila ati mutupe shintu nitwakaakucili amwe. Pele twakalibonzha akati kenu, ukoya mukaintu ulela banakwe. 8Twakaakumufwini cini cini, ulimwi twakaakulibambile kwaabana amwe, kutali bulyo Makani Mabotu ahwa kwa Leza, pele u maumi esu. 9Bakwesu sa tamuzhibaluka mbutwakasebezesha kwaamba tutabi mukuli ku muntu naaba womwi ciindi nitwakambauka Makani Mabotu ahwa kwa Leza kuli umwe.

10Umwe muli bakamboni antoomwi u Leza mu bumi bwesu busalala, kululeme bwiina kampenda akati kenu umwe nubashomi. 11Nkaambo mulizhi mbutwakamucitila, mbuli mbutwakayohwa umwi uumwi akati kenu ukoya mwana mbwayohwewa kwa ushi. 12Twa kamuzumya zumya u kumuumbulizha ulimwi twakaakupa bumboni bwa kupona bumi bubotela Leza wezo umwita kwaamba mwaabane mwabane bwami u bulemu bwakwe.

13Ulimwi Leza tulamulumba lyoonse nkaambo ciindi nimwakaatambula mazwi akwe kuhwa kuli uswe, mwiina kwaatambula ukoya mazwi a bantu, pele mwakooshoma Mulumbe ati ulasebeza akati kenu nubashomi, ulimwi mazwaakwe mwini Leza. 14#Inc 17:5Nkaambo shakamuciticila nubakwesu, nshilikozhene u shintu shakacitikila imbungano sha Leza ku Judiya, ku bantu ba shoma Kilisito Jeso. Mwakapenzhewa ku bantu benu mbubona ba Juda mbubakapenzha bashomi baku Judiya. 15#Inc 9:23, 29; 13:45, 50; 14:2, 5, 19; 17:5, 13; 18:12Babo mbubona bakamuyaya Mwami Jeso u bashinshimi bakale kale, mbubakeza kutupenzha aswe. Baba bantu bakabishizha Leza cini cini ulimwi kwiina muntu ngubateelela. 16Balatukasha u kukambaucila bakunze Mulumbe wa lufwutuko, ubobo balalilundicila shibi, pele inzho ku mamanino cisubulo ca Leza ceza kwabo.

Paulu Ulazanda Kuswaya ku Tesalonika Ulimwi

17Nubakwesu lelya nitwakamushiya kwa ciindi cishoonto bulyo, nikuba kwaamba ati myonzo yesu yiina niyakamushiya, twakaakumutelaika lyoonse, ulimwi twakaakuzandisha kwaamba tubonane kaanzambwene. 18Twaakuzanda kupiluka koko. Ume ndi Paulu lwangu ndakasoleka shiindi shinji shinji, pele Shaatani wakaita akati. 19No bulanjizhi bwesu u lutangalo lwesu u bulumbu bwa kulyeensheensha kuzunda ciindi Mwami Jeso naakapiluka bulakahwa kwi? Sa tabuhwi kuli umwe? 20Cini cini, umwe ndimwe bulemu u lutangalo lwesu.

Currently Selected:

1 Batesalonika 2: ILL

Highlight

Copy