Isaiah 11
11
Caibidil XI.
Ceart agus síthchain rígheachta an bheangain thig as bun Iesse, agá mbí 7 tiodhluicthe an Spiorad naóimh.
1Agus tiucfa slat amách as bun Iesse; agus fasfuidh Beangán as a fhréimh:
2Agus áiteochuidh spiorad an TIGHEARNA air, spiorad na heagna agus na tuigse, spiorad na comhairle agus na cumhacht, spiorad a neóluis agus eagla an TIGHEARNA;
3Agus do dhéana sé do thuicsin bhrioghmhair é a neagla an TIGHEARNA: agus ní dhéana breitheamhnus do réir radhairc a shúl, agus ní aithbheoruigh do réir éisteachda a chlúas:
4Acht lé firéantachd bhreithneochuidh sé na boichd, agus aithbheoruidh sé le comhthrom ceannsuighthe na talmhan: agus buáilfidh sé an talamh le slait a bhéil, agus lé hanáil a phuisineadh mhuirfeas sé na cionntoigh.
5Agus budh í a nfíréantach crios a shlíasad: agus a nfírinne crios a dhubhán.
6Coimhneochuidh an mactíre fós a bhfochair an lubháin, agus luighfidh an líopard síos ag an meannán; agus an gamhuin agus an leomhan óg agus an teallach méith a bhfochair a chéile; agus tréorochuidh leanabh beag íad.
7Agus ingheiltfid an mart agus an bheithir; luidhfid a nóga síos a bhfochair a chéile: agus íosuidh an leómhan an tuighe amhuil damh.
8Agus biáidh naóidhe na ccíoch ag súgradh ag poll na haspa, cuirfidh leanabh baineadh do chích a lámh ar úamhuigh an chocatrís.
9Ní dhéanaid siad gortadh ná milleadh ann mo shlíabh náomhtha uile: óir biáidh an talamh lán déolus an TIGHEARNA, mar fholuighid na huisgeadha a nfairge.
10¶ Agus annsa ló sin biáidh fréumh Iesse, noch sheasfas mar bhratuigh don phobal; is chuige íarrfuid na geintidhe; agus biáidh a suaimhneas glórmhar.
11Agus tiucfa a ccrích san ló sin, go ccuirfe an TIGHEARNA a lámha rís an dara huáir do thártháil fhuighill na ndaóine, noch fúigfighear, ó Nassíria, agus ó Négipt, agus ó Phatros, agus ó Chus, agus ó Elam, agus ó Shinar, agus ó Hamat, agus ó oiléanuibh na fairge.
12Agus cuirfidh sé bratach súas do na cineadhachaibh, agus cruinneochuidh sprudhar Israel, agus cruinneochuidh sé a bhfochair a chéile a mbiáidh spréidthe do Iúdah ó cheithre corruibh na talmhan.
13Imeochuidh mar an ccéadna mioscuis Ephraim, agus géarrfuighthear amach naimhde Iúdah: ní fhúathochuidh Ephraim Iúdah, agus ní bhuáidhirfidh Iúdah Ephraim.
14Acht eitilfid ar ghuáillibh na Bhphilistineach don táobh shíar; millfid síad muinntir a noirthir lé chéile: leagfuid síad a lámh ar Edom agus ar Mhoab; agus nimhleochuid clann Ammon dóibh.
15Agus scriosfuidh an TIGHEARNA thríd amach teanga na fairge Egiptigh; agus croithfidh sé a lámh ós cionn na habhanna le neart a spioraide, agus buailfidh sé é annsna seachd srothuibh, agus do bhéara ar dhaóinibh dul tirim thairis.
16Agus biáidh slighe mhór dfuighioll a mhuinntire, noch fhúigfighear, ó Nassíria; mar do bhí do Israel annsa ló a ttáinic súas as crích na Hégipte.
Currently Selected:
Isaiah 11: Bedell
Highlight
Share
Copy
Want to have your highlights saved across all your devices? Sign up or sign in
First published by the British and Foreign Bible Society in 1817.
Maintained by the British and Foreign Bible Society (BFBS) on behalf of the National Bible Society of Ireland (NBSI) and the Bible Society in Northern Ireland (BSNI)
